Börn og menning - 01.09.2011, Blaðsíða 14

Ljósm.: Einar Falur
14
Börn og menning
Skrímslin bak við tjöldin
Viðtal Helgu Ferdinandsdóttur við Áslaugu Jónsdóttur
Litla skrímsliö og stóra skrímslið ætla upp á svið hjá Þjóðleikhúsinu í vetur. Af
því tilefni fór ritstjóri Barna og menningar í heimsókn til Áslaugar Jónsdóttur
og ræddi við hana um stóra ævintýrið um skrímslin tvö; hvernig þau urðu til í
sænskum skógarlundi úti á lítilli eyju og ótrúlegt samstarf þriggja höfunda yfir
land og sjó.
Hver er hugmyndin á bak við
Skrímslabækurnar?
Hugmyndin varð til árið 2001 á námskeiði
fyrir barnabókahöfunda sem við Kalle
Guettler frá Svíþjóð og Rakel Helmsdal frá
Færeyjum sóttum á Biskops-Arnö í Svíþjóð.
Þátttakendum var skipt upp í nokkra hópa
með bæði höfundum og teiknurum. Hver
hópur átti að vinna að bókarhandriti út frá
hugmyndinni „einhver bankar á dyrnar".
Við Kalle og Rakel lentum saman í vinnuhópi
og þar kom upp þessi hugmynd um skrímsli.
Á námskeiðinu var nefnilega ónefnd frekja,
sem varð kveikjan að stóra skrímslinu, og
okkur leist öllum vel á hugmyndina. Barátta
þess litla við þann stóra. Að þora að segja nei
og láta ekki kúga sig.
Þessi fyrstu drög voru unnin á stóra
pappírsörk sem ég braut eins og harmonikku
og þannig varð til brotið sem bækurnar
fengu seinna. í framhaldi af námskeiðinu
unnum við í handritinu, endurbættum það
og lengdum en fyrsta bókin kom út árið
2004. Við höfðum ekkert nema fyrstu bókina
í huga til að byrja með, en ákváðum að halda
áfram. Það var í raun óvænt leið að taka rödd
stóra skrímslisins í næstu bók. Það hefði verið
auðvelt að halda áfram með stóra skrímslið
■