Börn og menning - 01.04.2014, Blaðsíða 19

Gleymdir gimsteinar
19
Inga Kristjánsdóttir, bókasafni Kópavogs
sem hljóp upp til stjörnu
eftir Henning Mankell, útg. 1992.
Jóel, 11 ára, býr einn með föður sfnum,
skógarhöggsmanninum Samúel, en
mamman hefur flutt í burtu fyrir löngu. Jóel
sér um heimilið og jíf hans er öðruvísi en
annarra barna þarna í litla þorpinu við ána,
hann býr við gamaldags heimilishætti miðað
við önnur börn og ber heilmikla ábyrgð.
Efnislegar óskir hans eru tvær: Ný eldavél og
reiðhjól. Samúel á vingott við Söru, einstæða
konu í þorpinu, og það er Jóel mikið á móti
skapi, svo mjög að hann hugsar um að leita
mömmu uppi. Hann á þó eftir að kynnast
Söru þetur. Bækurnar um Jóel eru alls fjórar
og gerast um og upp úr miðri síðustu öld.
Nornin hlær eftir Jón Hjartarson, útg.
1997
Gunnur og Sara eru bestu vinkonur. Kvöld
eitt eru allir krakkarnir í hverfinu í feluleik og
þá gildir að finna besta staðinn. Vinkonurnar
fara niður fyrir sjávarbakka og lenda þar í
sjálfheldu. Að lokum eru allir fundnir nema
þær og nú grípur um sig ótti, því óðum
dimmir. Þar sem þær híma undir bakkanum
kemur gömul kona, Albína, sem býr ein í kofa
fyrir utan byggðina og hefur orð á sér fyrir að
vera rugluð og varhugaverð og er meira að
segja kölluð nornin á Klöppinni. Hún dregur
stelpurnar upp, rennblautar og skjálfandi, fer
með þær heim og hlúir að þeim. Þær komast
að því að þetta er hin besta kona og læra að
taka ekki mark á illmælgi og rógi. Áhugaverð
saga þar sem komið er inn á einangrun
gamals fólks, einelti og mannleg samskipti.
Öxi eftir Gary Paulsen, útg. 1999
Þessi bandaríska saga segir frá Brian, 13 ára,
sem fer einn með flugmanni í lítilli flugvél
norður í óbyggðir Kanada til að heimsækja
föður sinn sem er þar við störf. Flugmaðurinn
fær hjartaáfall og deyr en vélin æðir áfram
þar til hún brotlendir í auðnum Kanada. Brian
kemst af en er þarna aleinn og það eina sem
hann hefur sér til bjargar er lítil öxi sem móðir
hans hafði gefið honum fyrir ferðina. Nú
reynir á hann að bjarga sér og sem betur fer
kemst hann af. Þetta er mikil lífsreynslu- og
þroskasaga, æsispennandi og maður hugsar
um hana lengi á eftir.
Hfy UtfStarj
Ekki af baki dottinn eftir Ulf Stark, útg.
1991
Foreldrar Sindra eru skilin og hann býr einn
með pabba sínum sem keyrirstrætóá vöktum.
Það þýðir að Sindri er stundum einn heima á
nóttunni. Þabbi er áhyggjufullur og á það til
að hringja heim til að athuga með soninn. En
ýmislegt dregst hjá honum, til dæmis að þvo
þvottinn, og Sindri finnur stundum ekkert
til að fara í nema skíðaföt þó að komið sé
vor. Honum finnst því nauðsynlegt að pabbi
nái sér í nýja konu. Auðvitað saknar hann
mömmu og gömlu, góðu daganna, en svona
getur þetta ekki gengið og hann ræðst sjálfur
í að leysa málið með aðstoð Jonna vinar síns.
Þetta er bráðfyndin saga en líka hlý og Ijúf.
Stórt letur og ekki of mikið á hverri síðu. Hún
hentar því vel þeim sem eru nýlega farnir að
lesa sér til gagns.