Börn og menning - 01.04.2014, Blaðsíða 30
Fjölskylduleiksýningin Horn á höfði eftir
Guðmund Brynjóifsson og Berg Þór
Ingólfsson, sem Grindvíska atvinnuleikhúsið
(GRAL) frumsýndi i Grindavík árið 2009,
hefur farið víða á þeim rúmu fjórum árum
sem liðin eru frá frumsýningu. Sýningin
fékk Grímuna sem barnasýning ársins 2010
og var sýnd á Akureyri um vorið. Haustið
2010 var hún sett upp í Borgarleikhúsinu
og gekk þar við góðar undirtektir um
nokkurt skeið. Nú i vetur var komið að
Tjarnarbíói að hýsa þessa skemmtilegu,
fyndnu og fróðlegu sýningu þar sem
iandnámssaga Grindavíkur fléttast saman
við sögu af venjulegum krökkum sem gtíma
við raunveruieg vandamál. Tekið skal fram
að þetta er atitaf sama sýningin, það er
sömu leikarar, sama leikmynd og sömu
sviðshreyfingar sem lagaðar eru að hverju
rými fyrir sig, en ekki ólíkar uppsetningar
á sama verki.
Með horn á hausnum
Sagan hefst á því að Björn vaknar einn morgun
með horn á höfðinu. Hann veit ekki af hverju
en finnst miður að líta út eins og geit. Því
fær hann Jórunni vinkonu sína til að hjálpa
sér við að rannsaka málið og smám saman
kynnast þau sögunni af landnámsmanninum
Hafur-Birni og Jórunni konu hans, fá erfitt
verkefni sem reynir á vináttu og útsjónarsemi
og kynnast mörgum skemmtilegum og
furðulegum persónum. Verkið byggir, eins
og áður sagði, á landnámssögu Grindavíkur
og eru landafræði svæðisins gerð góð skil, til
dæmis í einu lagi þar sem örnefni staðarins
eru tengd inn í söguþráðinn. Þannig tekst að
vekja forvitni áhorfenda um þessa staði og
það sem þar gæti gerst. Þessi áhersla þvælist
þó ekki fyrir framvindu sögunnar, sem gæti
gerst hvar sem er á íslandi og víðar.
Tvíhöfða tröll og kjánalegir krimmar
Leikararnir þrír stóðu sig afar vel. Víðir
Guðmundsson, sem leikur Björn, er sá
eini sem fer aðeins með eitt hlutverk enda
er hann á sviðinu næstum allan tímann.
Persóna hans líður, eins og aðalpersónur
gera gjarnan, fyrir að sagan hverfist um
hann og svigrúm til ýkjuleiks er minna en
hjá hinum. Víði tekst hins vegar mjög vel að
búa til trúverðugan ellefu ára strák. Sólveig
Guðmundsdóttir fer með tvö hlutverk, hún
leikur Jórunni, vinkonu Bjöms og einnig fer
hún með hlutverk annars tveggja kostulegra
smáglæpamanna sem eiga sér bækistöð í
Þjófagjá. Víðir og Sólveig eiga bæði skilið