Fréttablaðið - 06.04.2021, Side 4

ÍSBAND ÞJÓNUSTUVERKSTÆÐI OG SMURÞJÓNUSTA
ÍSLENSK-BANDARÍSKA EHF • VERKSTÆÐI OG VARAHLUTAVERSLUN • SMIÐSHÖFÐA 5 • 110 REYKJAVÍK
SÍMI 590 2323 • THJONUSTA@ISBAND.IS • WWW.ISBAND.IS • OPIÐ VIRKA DAGA 07:45 - 18:00 • OPIÐ FÖSTUDAGA 07:45 - 17:00
VIÐURKENNT ÞJÓNUSTUVERKSTÆÐI
SMURÞJÓNUSTA FYRIR ALLA BÍLA
FIAT HÚSBÍLAR - ÞJÓNUSTUVERKSTÆÐI
ALLIR VINNA - ENDURGREIÐSLA VSK.
STUTTUR BIÐTÍMI SÍMI 590 2323
UMBOÐSAÐILI
SMURÞJÓNUSTA
BYGGINGAR Í nýrri talningu Samtaka
iðnaðarins á íbúðum í byggingu á
Akureyri kemur í ljós að 149 íbúðir
eru í byggingu, þar af 123 í fjölbýli.
Á undanförnum 12 mánuðum hefur
dregið úr umsvifum í byggingu
íbúðarhúsnæðis þar á bæ og segir
í skýrslu um málið að mikill lóða-
skortur hamli uppbyggingu íbúða
á Akureyri.
Sigurður Sigurðsson, fram-
kvæmdastjóri SS Byggir, segir að
hann hafi séð í hvað stefndi fyrir
um tveimur árum en talað fyrir
daufum eyrum stjórnmálamanna í
bænum. „Við erum að fara að steypa
okkar síðustu steypu eftir rúman
mánuð, eftir það verðum við lóða-
lausir. Það er engin fjölbýlishúsalóð
laus á Akureyri og ég held að það hafi
verið tvær lausar einbýlishúsalóðir
í síðustu viku. Svona er nú ástandið
og mér skilst að flestir verktakar séu
að verða lóðalausir,“ segir Sigurður.
SS Byggir var stofnað 1978 og er
í hópi stærstu byggingafyrirtækja
norðan heiða. Sigurður segir að um
90 manns séu í vinnu hjá sér og til að
bregðast við lóðaskortinum réðst
fyrirtækið í uppbyggingu Hálanda
í Hlíðarfjalli. „Þau svör sem ég fæ
frá bænum eru að ný hverfi séu í
hönnun. Við höfum verið að ýta á
hlutina í að verða annað ár því við
sáum í hvað stefndi. Það er meira
að segja verið að spyrja okkur, hver
kaupir þessar íbúðir? Mér finnst það
ekki rétta spurningin. Íbúðir seljast.
Við höfum verið að skila af okkur
rúmlega einni íbúð á viku og erum
að verða lóðalausir núna. Við erum,
með undirverktökum, um 90 manns
í vinnu og það er eins og það skipti
engu máli.“
Þótt samdrátturinn sé mestur á
Akureyri er einnig verulegur sam-
dráttur í fjölda íbúða í byggingu. Í
þeim sveitarfélögum þar sem taln-
ingin fór fram eru nú 4.610 íbúðir í
byggingu og hefur þeim fækkað um
1.131 á milli ára. Hefur ekki mælst
meiri fækkun íbúða í byggingu
síðan SI hófu íbúðatalningu á vor-
mánuðum fyrir áratug.
Samdráttur íbúða í byggingu á
landinu mælist um 20 prósent frá
talningu SI á sama tíma 2020. Mestur
er samdrátturinn á íbúðum sem eru
á byggingarstigum 4 og 5, eða um 23
prósent á milli ára. Um er að ræða
íbúðir sem eru orðnar fokheldar og
að því að vera tilbúnar til innrétt-
inga. Boðar þetta að veruleg fækkun
gæti orðið á íbúðum á síðustu bygg-
ingarstigum á næstunni, samkvæmt
skýrslu SI.
Sigurður er ekki hrifinn af nútíma-
pólitík þar sem allt er sett í nefndir
og starfshópa og jafnvel undirbún-
ingsfélög til að undirbúa ákvörðun.
„Það liggur við að ef einhver tekur
ákvörðun sé viðkomandi skamm-
aður. Það þarf allt að fara í gegnum
fjórar eða fimm nefndir en við
rekum ekki Ísland eða sveitarfélög
á nefndum.
Sumir bæjarfulltrúar, ég tek það
fram sumir, halda að við séum með
frekju og að troðast með því að ýta
eftir lóðum, en ég veit að ef við fáum
lóð þá tekur um 10 mánuði að fá allar
teikningar samþykktar og annað
slíkt inn í kerfið. Við erum 43 ára
fyrirtæki og þetta hefur aldrei verið
svona áður.“
Hann segir að verktakar geti lítið
annað en að líta í kringum sig og
skoða sveitirnar í kring. Sigurður
segir að hann hafi áhyggjur af því
að önnur sveitarfélög taki fram
úr Akureyri í fólksfjölda. Það sýni
ákveðna stefnu, já eða skort á stefnu.
„Akureyri var næstfjölmennasta
sveitarfélagið í kringum aldamótin
en verður komið í sjötta sæti áður en
langt um líður. Það segir ýmislegt og
sýnir að eitthvað er að.“
benediktboas@frettabladid.is
Mikill lóðaskortur á Akureyri
gerir verktökum erfitt fyrir
Umtalsverður samdráttur er í íbúðarbyggingu á Norðurlandi og sérstaklega á Akureyri. Þar eru verk-
takafyrirtæki að verða lóðalaus og segist framkvæmdastjóri SS Byggir aldrei hafa kynnst öðru eins á
þeim fjóru áratugum sem fyrirtækið hafi verið til. Pólitíkin geti ekki sent allt í nefndir og starfshópa.
Afar fáar íbúðir eru á fyrstu byggingarstigum, sem er áhyggjuefni vegna væntanlegs framboðs á fullbúnu íbúðar-
húsnæði. Sigurður bendir á að öruggasti tekjustofn sveitarfélaga séu fasteignagjöld og útsvar. FRÉTTABLAÐIÐ/AUÐUNN
123
fjölbýli eru í byggingu á
Akureyri samkvæmt taln-
ingu SI.
COVID -19  Rúmlega  tíu þúsund
manns hafa verið boðaðir í bólu-
setningu vegna kórónuveirunnar í
þessari  viku. Þetta kemur fram í
bólusetningardagatali Landlækn-
is. Bóluefnin þrjú sem hafa borist
hingað til lands, AstraZeneca, Pfi-
zer  og Moderna, verða notuð við
bólusetningarnar.
Miðvikudaginn 7. apríl fá þeir
seinni Pfizer-sprautuna sem fengu
þá fyrri fyrir 18. mars. Á fimmtu-
daginn hefst bólusetning næsta ald-
urshóps í röðinni þegar allir fæddir
1951 og fyrr verða bólusettir með
bóluefni AstraZeneca. Á föstudag-
inn verður svo heilbrigðisstarfsfólk,
sem starfar utan stofnana, bólusett
með Moderna. Bólusetning fer fram
í Laugardalshöll alla þrjá dagana.
Eins og staðan er núna hafa
50.259 fengið bóluefni og tæplega
helmingur þeirra hefur fengið báðar
sprauturnar. Í apríl er stefnt að því
að bólusetja tvo þriðju þerra sem
eru á aldrinum 60–69 ára og tæp-
lega helming þeirra sem hafa undir-
liggjandi langvinna sjúkdóma. 
Stærstur hluti þeirra sem bólu-
settir hafa verið hér á landi hafa
fengið bóluefni frá Pfizer, eða um
það bil 28 þúsund manns. Þar á eftir
kemur AstraZeneca, um 17 þúsund.
Rúmlega fjögur þúsund hafa verið
bólusettir með Moderna. – hó
Komið að því
að bólusetja
1951-árganginn
Gert er ráð fyrir því að
tveir þriðju þeirra sem eru á
aldrinum 60–69 ára verði
orðnir bólusettir í apríl.
HELGARKROSSGÁTAN
Leysti helgarkrossgátuna
Dregið hefur verið úr réttum
lausnum við helgarkrossgátunni
sem birtist í blaðinu 27. mars.
Hinn heppni lesandi er Linda
Leifsdóttir, Reykjavík. Fréttablaðið
þakkar þeim fjölmörgu sem sendu
inn lausnir og óskar Lindu til
hamingju.
COVID -19 Reglugerð sóttvarna-
yfirvalda sem kveður á um að
þeir einstaklingar sem koma koma
til Íslands frá áhættusvæðum þurfi
að vera í fimm daga sóttkví í far-
sóttarhúsi er ó lög mæt að mati Hér-
aðsdóms Reykjavíkur.
Héraðs dómur Reykja víkur úr-
skurðaði í  gær í þremur málum
er snúa að lög mæti þess að skylda
komu far þega frá á hættu svæðum í
far sóttar hús.
Alls hafa fimm kærur er varða
tólf ein stak linga verið lagðar fram
og voru þrjár teknar fyrir í gær.
Jón Magnús son, lög maður konu
sem dvelur í farsóttarhúsi með
dóttur sinni, segir að úrskurður-
inn eigi við um þá sem sýnt geti
fram á að þeir geti verið í sóttkví á
heimili sínu hérlendis. Úrskurður-
inn  hafi  að öllum líkindum for-
dæmisgildi fyrir þá sem eru í sams
konar stöðu og umbjóðendur hans.
Fyrstu gestirnir mættu í sótt-
kvíar hótelið þann 1. apríl síðast-
liðinn.
Í tilkynningu sem  heilbrigðis-
ráðuneytið sendi frá sér í gær-
kvöldi segir að ráðuneytið og sótt-
varnalæknir fari nú yfir úrskurðinn.
Að svo komnu máli verður brugð-
ist við úrskurðinum með þeim
hætti að þeim sem eru á sóttkvíar-
hótelum verður gerð grein fyrir því
að þeim sé frjálst að ljúka sóttkví
annars staðar, hafi þeir viðunandi
aðstöðu til þess.
Eigi að síður biðla sóttvarna-
yfirvöld til gesta um að ljúka
sóttkví á sóttkvíarhótelinu, enda
er það besta leiðin til að draga úr
útbreiðslu Covid 19-sjúkdómsins.
Í framhaldinu mun ráðherra, í
samráði við sóttvarnalækni, nota
næstu daga til að skoða hvaða leið
verður farin til að lágmarka áhættu
á að smit berist inn í landið. – hó
Stjórnvöld biðla til fólks um að ljúka sóttkví í farsóttarhúsinu
Þessi kona virtist una hag sínum vel
í sóttkvínni. FRÉTTABLAÐIÐ/ANTON
6 . A P R Í L 2 0 2 1 Þ R I Ð J U D A G U R4 F R É T T I R ∙ F R É T T A B L A Ð I Ð