Fréttablaðið - 15.05.2021, Side 88

Þótt Flosi Þorgeirsson hafi
fengið heiftarlegt kvíðakast
við frábær viðbrögð hópfjár­
mögnunar fyrstu sólóplötu
sinnar er gítarleikarinn í HAM
tilbúinn til að taka sviðið.
toti@frettabladid.is
Flosi Þorgeirson er þekktastur
sem gítarleikari þeirrar goðsagna­
kenndu hljómsveitar HAM og hefur
sem slíkur látið lítið á sér bera og
kunnað best við sig í bakgrunninum
á sviðinu með HAM.
„Ég hef lítið verið í því að semja
lög og allt sem ég setti saman fannst
mér bara ekkert merkilegt. Þannig
að ég hef bara eiginlega alltaf verið
hljóðfæraleikari,“ segir Flosi.
„Þetta byrjaði fyrir svona rúmum
tíu árum síðan og ég tengi það mikið
við það að ég krassaði bara algerlega
2009 og endaði inni á geðdeild með
kvíða, þunglyndi og sjálfsvígshugs­
anir. Allan þann pakka bara.
Þar voru geðlæknar sem sögðu
mér bara að ég yrði að hætta að
drekka og yrði að taka þetta þung­
lyndi sterkum tökum. Ég hlýddi því
bara og fór í góða meðferð,“ segir
Flosi.
Risastórt skref
„Ég held að upp frá því verði bara
svo miklar breytingar, bæði á per­
sónuleikanum og hugsuninni,
þannig að allt í einu minnkaði þetta
óöryggi og sjálfsvanmat einhvern
veginn svo mikið að mér fór bara
að þykja þetta fínt sem ég var að
setja saman. Og ég er bara allt í einu
kominn með nokkur lög sem voru
föst í hausnum á mér og þau vildu
bara ekkert fara.“
Flosi segir að hugmyndin um að
hann þyrfti að gera eitthvað við
þessi lög og gefa þau út hafi orðið
stöðugt ágengari. „Sumar hugmynd­
ir vilja bara ekki fara úr hausnum á
mér og maður veit að maður verður
að láta undan þessu. Það var eigin­
lega bara þannig. Ég fann að þetta
var eiginlega farið að gera mig
brjálaðan,“ segir Flosi og bendir á
að þetta sé rosalegt skref fyrir hann.
„Ég hef alltaf viljað halda mig í
bakgrunninum. Ekki trana mér
fram. Mér finnst fínt að vera bara
gítarleikarinn í bandinu og ekki
sá sem er kallaður í viðtöl eða neitt
svoleiðis en þetta er dálítið skref. Nú
er þetta bara ég sem er í fararbroddi
og öll athyglin beinist að mér þann­
ig að það hefur bara verið heilmikil
barátta við kvíðann út af því.“
Flosi ákvað því að láta reyna á
hópfjármögnun útgáfunnar á Karo­
lina Fund þar sem viðbrögðin settu
hann gjörsamlega út af laginu. „Ég
átti nú von á því að þetta myndi
ganga sæmilega,“ segir Flosi sem
gaf söfnuninni 40 daga og hugð­
ist leggja til sjálfur það sem upp á
vantaði svo söfnunin færi ekki for­
görðum.
„Ég var eiginlega hvattur til þess
af vinum mínum sem voru alltaf að
segja að ég yrði enga stund að ná
þessu. Ég trúði því náttúrlega ekk­
Kvíðasjúki
gítarleikarinn
tekur sviðið
Flosi Þorgeirs-
son er tilbúinn
til þess að
sleppa sinni
fyrstu sóló-
plötu lausri og
eftir frábæran
árangur í hóp-
söfnuninni á
Karolina Fund er
ekkert til fyrir-
stöðu. Ekki einu
sinni kvíðinn
sem helltist yfir
hann við þessi
góðu viðbrögð.
FRÉTTABLAÐIÐ/
ERNIR
Arnar Geir
trommari og
Flosi gítarleikari
með hina HAM-
arana, S. Björn
Blöndal, Sigur-
jón Kjartans-
son og Óttar
Proppé, á milli
sín. FRÉTTABLAÐIÐ/
ANTON BRINK
Þórarinn
Þórarinsson
thorarinn
@frettabladid.is
ert sjálfur vegna þess að vinir mínir
hafa miklu meiri trú á mér heldur en
ég sjálfur. Það er bara þannig,“ segir
Flosi um söfnunina.
Mesta kvíðakast síðari ára
„Síðan voru viðbrögðin bara svo
tryllt. Á innan við sólarhring voru
þessar 5.300 evrur, eitthvað um 800
þúsund krónur, sem ég ætlaði að
safna, komnar í hús. Núna er þetta
í 156 prósentum og ég er kominn
með svo miklu meira en ég ætlaði
mér í upphafi og þá fékk ég náttúr­
lega bara bullandi kvíðakast. Það
eru mín viðbrögð.
Flestir eðlilegir ættu að gleðjast
yfir slíku en ég er ekki beint eðli­
legur. Ég er með þunglyndis­ og
kvíðaröskun og mín viðbrögð voru
því að fá eitt mesta kvíðakast sem ég
hef fengið árum saman.“
Flosi segir að það þýði ekkert fyrir
skynsemina að brjótast í gegn þegar
svona áhlaup kemur og ómögu­
legt að svara hvað valdi því. „Það
er svo skrýtið með þennan kvíða
einhvern veginn. Ég veit það ekki.
Hann er bara bilaður. Þetta er eins
og að standa á hengiflugi og segja
sjálfum þér að allt sé í fína. Heilinn
hlustar ekki á það og sendir ærandi
hættuboð um allan líkamann.
Þetta er svipað nema það kemur
hjá mér þegar það ætti eiginlega
ekki að gerast. Það er svo sem eðli­
legt ef maður stendur á kletti en
ekki þegar fólk er að flykkjast til að
hjálpa manni að láta draum sinn
rætast.“
Haustið er tíminn
Upptökum á plötunni er í raun lokið
en eftirvinnslan er eftir. „Upptöku­
maðurinn minn fékk Covid­sprautu
og varð fárveikur þannig að hann er
ekki alveg búinn að senda mér það
sem hann er búinn að vera að mixa.
En næsta skref er að hlusta á það sem
ég er búinn að taka upp og athuga
hvort það sé nógu gott eða hvort það
þurfi eitthvað að bæta við.
LÍFIÐ 15. maí 2021 LAUGARDAGUR