Fréttablaðið - 29.05.2021, Qupperneq 68

Bíldshöfða 14 • 110 Reykjavík • s: 696 1050 • okspares@okspares.is
Vorum að fá
nýja sendingu!
Vinnuvéladekk og vörubíladekk,
búkolludekk-hjólaskófludekk ofl.
Höfum einnig boddýhluti
og ljós fyrir vörubíla.
Bíldshöfða 14 • 110 Reykjavík • s: 696 1050 • okspares@okspares.is
Vinnuvéladekkin
vin ælu frá
TECHKING
Góð gæði, gott verð og gott grip.
Bjóðum Búkollu og
hjólaskófludekk á góðu verði.
elin@frettabladidi.is
Vörubílstjórar og ökumenn vinnu-
véla sitja oft löngum stundum
undir stýri við vinnu sína. Því
er mikilvægt að brjóta daginn
upp með reglulegri hreyfingu í
samræmi við þá hreyfingu sem
stunduð er í vinnunni og utan
hennar. Mælt er með því að standa
upp og hreyfa sig á 40–60 mínútna
fresti þótt auðvitað séu ekki alltaf
aðstæður til þess á þjóðvegum
landsins. Þannig má til dæmis
nýta hlé sem myndast í göngu-
túra og æfingar við hæfi. Hægt
er að ganga á staðnum, meðfram
vinnutækinu, í kringum það eða
lengra, allt eftir aðstæðum. Það er
líka gott að sveifla örmunum til
að örva blóðflæði um axlirnar og
efri útlimi. Utan vinnutímans er
síðan hægt að fara í lengri göngu-
ferðir, hjólatúra, synda og stunda
frekari þjálfun í samræmi við getu
og áhuga hvers og eins. Aðalatriðið
er að forðast að sitja kyrr tím-
unum saman og taka meðvitaða
ákvörðun um að stíga reglulega út
úr bílnum og hreyfa sig. ■
Hreyfingin mikilvæg
Það skiptir miklu máli fyrir kyrrsetu-
fólk að hreyfa sig. FRÉTTABLAÐIÐ/GETTY
„Þetta er einn
grjótharður móður-
trukkur,“ eða „That‘s one
bad mother-trucker“,
hafði einn notandi um
söguna að segja.
8 kynningarblað 29. maí 2021 LAUGARDAGURVÖRUBÍLAR OG VINNUVÉLAR
Tarantúlur og vörubílaakstur fara ekki saman, eins og kemur fram hjá einum Reddit-notanda. FRÉTTABLAÐIÐ/GETTY
Það er auðvelt að gera sér í
hugarlund að starf vörubíl-
stjóra sé á köflum einsleitt
eða viðburðalítið en þó eru
mörg dæmi um hreint út
sagt lygilegar uppákomur í
starfi þeirra, sumar átakan-
legar, einhverjar hjartnæmar
og enn aðrar skringilegar
eða jafnvel skondnar.
hjordiserna@frettabladid.is
Á vefsíðu Reddit er að finna
þónokkra þræði þar sem vöru-
bílstjórar eru beðnir um að segja
frá því furðulegasta sem þeir
hafa upplifað í starfi sínu. Sumar
sögurnar hljóma ótrúlega en sem
dæmi má nefna eina þar sem
maður segist hafa séð apa lúberja
Rottweiler-hund á vörubílaplani.
Hérna eru nokkrar eftirminnilegar
sögur.
Gelt og gónt í skjóli nætur
Fyrrverandi vörubílstjóri sagði
frá því að hann hafi eitt sinn verið
á „meet and turn“ keyrslu en það
er þegar tveir bílstjórar mætast á
miðri leið og skipta um varning.
Hann sagðist oft hafa verið mættur
klukkutíma á undan hinum bíl-
stjórunum og nýtt tækifærið til að
leggja sig á meðan hann beið. Eitt
kvöldið var hann mættur á undan,
klukkan var um þrjú að nóttu til,
og hann lagði niður sætið til að
reyna að leggja sig. Tíu mínútum
síðar vaknaði hann við hundsgelt,
reyndi að hunsa það en geltið hélt
áfram og varð hærra eftir því sem
hundurinn virtist nálgast bílinn.
Fljótlega áttaði maðurinn sig á
því að hundurinn væri fyrir utan
bílinn og hann hugsaði með sér að
annaðhvort væri þetta einhvers
konar „Lassie“ að reyna að vara
hann við einhverju eða þá að hann
þyrfti að hræða hundinn í burtu.
Þetta hafði þá staðið yfir í um tíu
mínútur.
Maðurinn settist því upp og
leit út um gluggann. Þar, einungis
nokkrum sentimetrum frá honum,
stóð stórvaxinn karlmaður sem
leit út fyrir að vera um 35 ára,
geltandi í áttina að honum. Vöru-
bílstjórinn sagði augnaráð manns-
ins tryllingslegt og að munnvatn
hafi frussast úr munnvikum hans
á meðan hann hélt áfram að gelta.
Bílstjórinn reyndi að halda ró
sinni, setti bílinn í gang og brunaði
í burtu. Maðurinn tók þá á rás og
elti bílinn, líkt og reiður hundur,
geltandi allan tímann.
Kóngulær og fellibylur
Einn notandinn sagði mömmu
sína vörubílstjóra sem hafði upp-
lifað ýmislegt.
„Hún var að keyra í gegnum
Arizona þegar hún kom auga á
eitthvað á veginum úr fjarlægð
sem hún hélt að væru fjúkandi
lauf. Þegar hún kom nær sá hún
að „laufin“ voru í raun tarantúlur
á ferð, í þúsundatali. Þær voru svo
margar að vörubíllinn var farinn
að renna til á innyflum þeirra svo
að hún þurfti að hægja á sér. Hún
stöðvaði bílinn á næsta stoppi,
vakti aðstoðarökumanninn/sam-
starfsfélaga sinn og bað um að fylla
á tankinn en hún gat ekki hugsað
sér að stíga út fyrir bílinn eftir það
sem hún hafði séð. Samstarfsfélag-
inn var ekki sáttur þar sem hann
var tæknilega í vaktafríi og hélt að
hún væri klikkuð, þangað til hann
sá klesst tarantúluinnyfli og lappir
í hjólahólfinu.“
Þá segir hann móður sína einn-
ig hafa lent í fellibyl á ferð sinni.
Hún hafi lagt bílnum og reynt að
skýla sér þegar hún sá flutninga-
bíl í vegkantinum takast á loft og
enda á veginum tugi metra frá.
Mamma hans hafi þá hringt í
hann, sagt honum að hún myndi
líklega farast og vildi segja honum
að hún elskaði hann í síðasta
skiptið. Síðan keyrði hún af stað,
beygði af hraðbrautinni og inn á
WalMart- bílastæði. Hún hljóp inn
í búðina og komst í skjól ásamt
starfsfólki og viðskiptavinum sem
höfðu komið sér fyrir í kjallara í
húsnæðinu. Þegar fellibylurinn var
genginn yfir kom í ljós að verslun-
in hafði gjöreyðilagst og því ljóst
að ekki mátti tæpara standa.
„Þetta er einn grjótharður
móður-trukkur,“ eða „That‘s one
bad mother-trucker“, hafði einn
notandi um söguna að segja.
Glöggur bílstjóri
Annar notandi deildi þá hlekk á
frétt þar sem sagt var frá vörubíl-
stjóra sem hafði tekið eftir tveimur
ungum stúlkum á vörubílaplani
sem virtust skelfingu lostnar.
Stúlkurnar voru sendar á milli
vörubíla og bílstjórinn, sem leist
ekki á blikuna, hringdi á lögregl-
una og sagði stúlkurnar líta út fyrir
að vera nokkuð ungar. Í ljós kom
að stúlkunum, sem voru 14 og 15
ára gamlar, hafði verið rænt og þær
seldar í mansal. Þökk sé glöggu
auga bílstjórans var þeim bjargað
og þær sneru aftur til fjölskyldna
sinna.
Sögunni var þó ekki lokið en
vegna símtalsins komst lögregla á
snoðir um umfangsmikinn man-
salshring sem starfræktur var í
þrettán ríkjum í Bandaríkjunum.
Hringurinn var í kjölfarið upp-
rættur, 31 var handtekinn og sjö
börnum bjargað úr haldi misindis-
mannanna.
Aðrar sögur á þræðinum eru í
senn áhugaverðar og andstyggi-
legar. „Ég var staddur á vörubíla-
plani um miðja nótt. Gaurinn við
hliðina á mér fer að tala við mig.
Hann var um fimmtugt, lágvaxinn,
vinalegur og með úfið yfirvara-
skegg. Skömmu síðar tek ég eftir því
að yfirvaraskeggið var í raun nefhár
hans, löng og greinilega greidd til
þess að líkja eftir yfirvaraskeggi.
Ég var samtímis bæði heillaður og
fullur viðbjóðs.“ ■
Yfirvaraskegg úr nefhárum
og klesst tarantúluinnyfli