Bændablaðið - 12.05.2021, Qupperneq 14

Bændablaðið | Miðvikudagur 12. maí 202114
FRÉTTIR
Samningur hefur verið undir­
ritaður milli Blönduósbæjar
og fyrirtækisins L&E ehf.
um rekstur tjaldsvæðisins í
Brautarhvammi á Blönduósi.
Félagið L&B er í eigu Liyu
Yirga Behaga og Guðjóns Ebba
Guðjónssonar en þau eiga
veitingastaðinn Teni á Blönduósi.
Þau Liyu og Guðjón munu einnig
starfrækja Upplýsingamiðstöð í
gamla Kaupfélaghúsinu samhliða
rekstri tjaldsvæðisins, að því er
fram kemur á vefsíðu Blönduóss.
Vinsæll áfangastaður
Heimamenn búa sig undir að fjöldi
landsmanna verði á faraldsfæti á
komandi sumri og eru nýir rekstr­
araðilar þegar farnir að undirbúa
móttöku ferðalanga. Umsjón tjald­
svæðisins hefur mörg undanfarin ár
verið í umsjón Glaðheima.
Tjaldsvæðið á Blönduósi hefur
löngum verið vinsæll áfanga­
staður, en það er staðsett í fallegu
umhverfi á bökkum Blöndu og
því stutt að fara á útivistarsvæðið
í Hrútey. Sundlaug, skemmtilegt
leiksvæði, verslun og veitinga­
staðir eru einnig skammt undan.
/MÞÞ
Tjaldsvæðið á Blönduósi:
Nýtt félag tekur við rekstrinum
Liyu Yirga Behaga frá L&E, sem tekur við rekstri tjaldsvæðisins í
Brautarhvammi á Blönduósi, og Valdimar O. Hermannsson sveitarstjóri
undirrita samninginn. Mynd / Blönduósbær
Handverkshátíð mun fara fram
á komandi sumri en verður með
óhefðbundnu sniði vegna þeirrar
óvissu sem áhrif heimsfaraldurs
kórónuveirunnar kann að hafa.
Handverkshátíðin og Matarstígur
Helga magra hafa tekið höndum
saman fyrir sumarið 2021 og munu
efna til reglulegra bændamarkaða
þar sem áhersla verður lögð á mat
og handverk úr Eyjafjarðarsveit.
Félagasamtökum, handverksfólki,
matvælaframleiðendum og öðru
þjónustuaðilum í sveitarfélaginu
verður boðið að setja upp dagskrá
hjá sér og auglýsa í tengslum við
dagskrá Handverkshátíðar og
Matarstígs Helga magra í sumar. Í
tilkynningu kemur fram að með því
vilji stjórn og aðrir aðstandendur
Handverkshátíðar halda nafni
hátíðarinnar á lofti og stuðla að
skemmtilegum viðburðum víðs
vegar um Eyjafjarðarsveit í góðu
samstarfi við Matarstíginn.
Handverkshátíð í Eyjafjarðarsveit
hefur verið haldin á hverju ári,
28 ár í röð, þar til í fyrra þegar
áhrif kórónuveirunnar settu
strik í reikninginn. Þeir sem að
Handverkshátíð standa telja eðli
hátíðarinnar með þeim hætti að
ekki sé ábyrgt að halda hana með
óhefðbundnu sniði í ár. Þar koma
margir saman, sýnendur eru jafnan
um 100 talsins og á bilinu 10 til 15
þúsund gestir hafa sótt hátíðina ár
hvert.
Brot af því besta verður í boði
Handverkshátíð er ein helsta
fjáröflun ýmissa félaga í Eyja­
fjarðarsveit og hafa félagsmenn lagt
á sig umtalsverða sjálfboðavinnu í
þágu samfélagsins um árin til að
gera hátíðina sem glæsilegasta.
Fram kemur í tilkynningu að
ákvörðun um að breyta út af nú sé
því ekki léttvæg, „og einungis tekin
af vel ígrunduðu máli en ljóst er að
ákvörðunin kemur sér ekki vel fyrir
fjárhag félaganna, en ábyrgðar­
hlutverkið er þó talið vega meira
á þessum sérkennilegu tímum,“
segir í tilkynningu frá Finni Yngva
Kristinssyni sveitarstjóra.
Engu að síður verður gestum og
gangandi boðið að sjá brot af því
besta úr Eyjafjarðarsveit í sumar
og þess vænst að sem flestir fái að
njóta.
/MÞÞ
Handverkshátíð og Matarstígur Helga magra:
Óhefðbundin Handverkshátíð en reglu-
legir bændamarkaðir haldnir í sumar
– Matvælaframleiðendur, félagasamtök og fleiri eiga kost á að setja upp dagskrá
Búsaga hefur oft tekið þátt í Handverkshátíð og sýnt gamlar dráttarvélar. Handverkshátíð verður ekki haldin með
hefðbundnu sniði í sumar, annað árið í röð, en í samvinnu við Matarstíg Helga magra verður bryddað upp á ýmsu
í sumar, m.a. reglulega bændamarkaði. Mynd / Eyjafjarðarsveit
Landbúnaður á Íslandi eykur fram-
leiðni og minnkar losun til muna
Umhverfisstofnun skilaði skýrslu
sinni til Loftslagssamnings
Sameinuðu þjóðanna (UNFCCC)
á dögunum. Heildarlosun sem telst
á beinni ábyrgð Íslands dregst
saman um 2,1% ef landnotkun er
skilin frá og 1% ef landnotkun er
tekin með. Losun á beinni ábyrgð
Íslands er sú losun sem íslensk
stjórnvöld munu þurfa að gera upp
gagnvart skuldbindingatímabili
Parísarsamkomulagsins.
Losun frá landbúnaði dregst
saman um 2,1% milli áranna 2018 og
2019. Þar með hefur losun minnkað
um 5,8% síðan 1990 – ólíkt flestum
öðrum geirum þar sem að losun hefur
aukist síðan 1990. Á sama tímabili
hefur framleiðsla landbúnaðarafurða
aukist um 71 þúsund tonn.
Landbúnaðurinn eykur framleiðni
sína stöðugt með aukinni þekkingu
bænda og innleiðingu tækninýjunga
og með þeim hætti verður minna að
meiru.
Innleiða mælingar á
kolefnisfótspori
„Við vorum að ljúka og gefa út
samfélagsskýrslu þar sem umhverfis­
og sjálfbærnistefna okkar kemur
fram en við viljum vera leiðandi í
þessum þáttum. Því náum við með
því að framleiðslan hjá okkur sé alltaf
fyrsta flokks og að öryggi og heilsa
neytenda sé höfð að leiðarljósi. Við
höfum reiknað út kolefnisfótspor
starfseminnar með reiknilíkani
Sambands garðyrkjubænda þar sem
tekið er inn kolefnisspor salats frá fræi
þar til salatið er tilbúið til dreifingar.
Þar kemur í ljós að kolefnisspor
Lambhaga er 1,11 CO2/kg sem við
erum ansi sátt við,“ segir Hafberg
Þórisson, eigandi Lambhaga, og
bætir við:
„Eins og fram kemur í stefnu
Lambhaga þá er okkar framtíðarsýn
að leggja okkar af mörkum til að gera
Ísland sjálfbært í matvælaframleiðslu.
Til að styðja við okkar framtíðarsýn
vinnur Lambhagi með sérfræðingum
frá Ábyrgum lausnum ehf. í að
innleiða markmið Sameinuðu
þjóðanna um sjálfbæra þróun. Við
leggjum áherslu á að viðskiptavinir
okkar geti tekið upplýsta ákvörðun um
kaup og við viljum miðla traustum og
gagnsæjum upplýsingum til haghafa,
m.a. á vefsíðu okkar. Við viljum hafa
hreina virðiskeðju og leggjum áherslu
á heiðarlegt og siðferðislegt samstarf.
Við viljum eiga viðskipti við birgja
sem vinna markvisst með okkur að
því að innleiða heimsmarkmiðin.
Við viljum takmarka losun
gróðurhúsalofttegunda frá rekstri
fyrirtækisins, setja stefnu í
umhverfismálum þar sem við höfum
nú þegar innleitt mælingar og markmið
sem draga úr kolefnisfótspori
fyrirtækisins. Við viljum hlúa að
nýsköpun í starfseminni, byggja upp
trausta innviði, fylgja breytingum
sem eiga sér stað og styrkja
þannig samkeppnishæfni Íslands
í matvælaframleiðslu til að mæta
breyttri samfélagsgerð og breyttum
þörfum til framtíðar.“
• Losun frá landbúnaði dregst
saman um 2,1% milli áranna
2018 og 2019.
• Losun hefur minnkað um 5,8%
síðan 1990 í landbúnaði.
• Á sama tímabili hefur fram-
leiðsla landbúnaðarafurða
aukist um 71 þúsund tonn.
• Lambhagi leiðandi í mæling-
um og markmiðum á kolefnis-
fótspori framleiðslunnar.
Bændablaðið
Smáauglýsingar 56-30-300
Næsta blað kemur út 27. maí