Víkurfréttir - 19.05.2021, Blaðsíða 2

FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
Frá því að eldgos hófst í Geldinga-
dölum hefur vel verið fylgst með
framvindu þess, bæði af vísinda-
mönnum og viðbragðsaðilum. Að-
gangi að svæðinu er stýrt af lög-
reglu og almannavörnum með góðri
aðstoð björgunarsveita. Helstu
áskoranir varðandi öryggi almenn-
ings og innviða nærri eldgosinu
hafa stafað af gasmengun og hraun-
rennsli. Vegna fjarlægðar frá byggð
eru ekki margir innviðir í beinni
hættu vegna hraunrennslisins og
gasmengun hefur að mestu verið
bundin við eldstöðvarnar sjálfar.
Fljótlega eftir að eldgosið hófst
kom þó í ljós að ef þessi atburður
dregst á langinn gæti það haft áhrif
á mikilvæga innviði á svæðinu. Ef
hraunflæðið fer t.d. niður í Nátthaga
er ekki langt niður á Suðurstrand-
aveg, auk þess sem hraunið færi þá
líka yfir ljósleiðara sem liggur niður-
grafinn um svæðið. Ekki er að fullu
vitað um hvort og hvernig áhrif
hraunrennslið hefur ofan í jörðina
og þar með á ljósleiðarann.
Undanfarið hefur hraunflæðið að
mestu verið til norðausturs í Mera-
dali en hluti rennur inn á svæði sem
kallað hefur verið Nafnlausidalur
en er í raun syðsti hluti Meradala. Í
síðustu viku varð nokkur breyting á
svæðinu og jókst hraunstraumurinn
verulega inn á það svæði.
Almannavarnadeild ríkislögreglu-
stjóra hefur undanfarið undirbúið
gerð varnarmannvirkja ofan við
Nátthaga. Þessi vinna hefur verið í
samstarfi við lögreglustjórann á Suð-
urnesjum, almannavarnir í Grindavík
og Grindavíkurbæ.
Ef hægt er að tryggja að hraun-
rennslið verði áfram í Merardali þá
eru engir innviðir í hættu á næst-
unni. Merardalir geta tekið við tölu-
verðu magni af hrauni og ef þeir
fyllast er annað óbyggt svæði án
mikilvægra innviða sem tekur við
hrauninu.
Reynslan hefur sýnt, bæði innan-
lands og erlendis, að varnargarðar
hafa áhrif og geta gagnast og það er
því til mikils að vinna ef hægt er að
tryggja að hraunrennslið verði áfram
fyrst í fremst í Merardali.
Í upphaflegri framkvæmd var gert
ráð fyrir tveimur fjögurra metra
háum varnargörðum ofan við Nátt-
haga og hófust framkvæmdir við þá
í síðustu viku. Mögulegt er að hækka
varnargarðana upp í átta metra ef
þess gerist þörf en ríkisstjórn sam-
þykkti tillögu almannavarnadeildar
ríkislögreglustjóra á þriðjudag að
hækka garðana í átta metra. Ekki er
gert ráð fyrir frekari hækkun garð-
anna en það.
Öll efnistaka er staðbundin og ein-
göngu notast við efni sem þegar er á
staðnum. Í upphafi var gert ráð fyrir
því að efnistakan yrði hraunmegin
við varnargarðinn en vegna hraðrar
framvindu hraunsins er það ekki
lengur hægt. Gert er ráð fyrir því að
hægt sé að jafna varnargarðana út
þegar gos stöðvast og ekki þörf fyrir
hann lengur. Í þessum aðgerðum
felast mun minni umhverfisáhrif en
ef beðið er með framkvæmdir þar
til seinna.
Marel og Fisktækniskóli
Íslands endurnýja samstarf
Samstarfssamningur milli Fisktækniskóla Íslands og
Marel var undirritaður nýlega. Guðbjörg Heiða Guð-
mundsdóttir, framkvæmdastjóri fiskiðnaðar Marel, og
Ólafur Jón Arnbjörnsson, skólameistari Fisktækniskóla
Íslands, undirrituðu samning til þriggja ára um nám í
Marel vinnslutækni. Lilja Alfreðsdóttir, menntamála-
ráðherra, var viðstödd athöfnina sem fór fram í höfuð-
stöðvum Marel.
Síaukin tæknivæðing við fiskvinnslu umbreytir
störfum og krefst nýrrar færni, ekki síst á sviði hugbún-
aðar og tækni. Sérhæfing í Marel vinnslutækni er sex
mánaða námsbraut og ein af fjórum framhaldsbrautum
sem nemendur geta valið að loknu grunnnámi við Fisk-
tækniskólann. Nemendur öðlast færni og þekkingu á
hátæknilausnum og hugbúnaði frá Marel með þessari
sérhæfingu og læra að beita nýjustu tækni til þess að
hámarka afköst, verðmæti og gæði sjávarafurða. Að auki
er áhersla lögð á að tryggja rekjanleika, matvælaöryggi
og sjálfbærni við fiskvinnslu, segir í frétt frá Fisktækni-
skólanum.
Bein tenging við sérfræðinga og atvinnulífið
Gestakennarar frá Marel miðla þekkingu til nemenda
sem lúta að hátæknilausnum, kerfum og hugbúnaði.
Marel tengir nemendur einnig við atvinnulífið með heim-
sóknum og kynningum á fiskvinnslufyrirtækjum en á
Íslandi má finna sumar tæknivæddustu vinnslur heims
þar á meðal Brim, Búlandstind, og Vísi.
Nemendur fá innsýn í heim nýsköpunar við þróun
hátæknilausna við fiskvinnslu með heimsókn í höfuð-
stöðvar Marel í Garðabæ. Þau heimsækja einnig Pro-
gress Point, sýningarsal Marel í Kaupmannahöfn, þar
sem þau sjá slíkar hátæknilausnir vinna hráfefni í raun-
tíma og fræðast um samspil tækni og hugbúnaðar við að
hámarka nýtingu, afköst og gæði.
Farsælt samstarf
Frá því að samstarf Marel og Fisktækniskólans hófst árið
2014 hafa um 40 nemendur útskrifast með sérhæfingu í
Marel vinnslutækni. Mörg þeirra starfa nú við fjölbreytt
störf í fiskiðnaði og stuðla að aukinni verðmætasköpun
og sjálfbærni við vinnslu sjávarafurða.
Nýlega útskrifuðust nemendur af
vorönn úr Sjávarakademíunni en
hún er samstarfsverkefni Fisk-
tækniskóla Íslands og Íslenska
sjávarklasans og fer kennsla fram
í Húsi sjávarklasans við Gömlu
höfnina í Reykjavík.
Námið er á framhaldsskólastigi og
mun að sögn Ólafs Jón Arnbjörns-
sonar, skólameistara Fisktækniskóla
Íslands í Grindavík, vonandi festa sig
í sessi sem valmöguleiki fyrir þá sem
vilja kynnast bláa hagkerfinu betur.
Nemendur kynntu lokaverkefni
sín fyrir kennurum, nemendum og
stjórnendum og var að sögn Ólafs
frábært að sjá hvað það eru mörg
tækifæri innan bláa hagkerfisins og
hvað nemendur voru fljótir að grípa
þau. Einnig hvað hópurinn var með-
vitaður um vitundarvakningu á um-
hverfismálum og voru búin að hugsa
viðskiptahugmyndirnar sínar vel til
enda með sjálfbærni í huga.
Þetta var í annað skiptið sem
boðið er upp á námsleiðina í fullu
annarnámi en markmið Sjávaraka-
demíunnar er að efla þekkingu og
áhuga á stofnun fyrirtækja og ný-
sköpun sem tengist bláa hagkerfinu.
„Nám í Sjávarakademíunni er mjög
góð viðbót fyrir annars fjölbreytt
nám í Fisktækniskóla Íslands,“ segir
Ólafur Jón.
„Þetta var frábær hópur sem fer
frá okkur og erum við viss um að þau
eiga eftir að gera góða hluti í fram-
tíðinni. Viðskiptahugmyndirnar
sem nemendurnir kynntu voru afar
áhugaverðar og hlakka ég til að sjá
þær komast í framkvæmd á næstu
misserum,“ segir Berta Danielsdóttir
framkvæmdastjóri Íslenska sjávar-
klasans og leiðbeinandi Sjávaraka-
demíunnar.
Útskriftarhópurinn á vorönn.
Útskrift í Sjávar-
akademíunni
Hækka varnargarða í átta metra
– Til mikils að vinna ef hægt er að tryggja að
hraunrennslið verði áfram fyrst í fremst í Merardali
Unnið við varnargarða. Mynd: Almannavarnir
Hraunstraumur ógnaði nýja varnargarðinum á mánudagskvöld.
VF-mynd: Jón Hilmarsson
Guðbjörg Heiða Guðmundsdóttir og Ólafur
Jón Arnbjörnsson undirrituðu samninginn.
Lilja Alfreðsdóttir, menntamálaráðherra,
var viðstödd við athöfnina
2 // víkurFrÉttir á SuðurNESJuM í 40 ár