Morgunblaðið - 14.01.2021, Síða 17

DAGLEGT LÍF 17
MORGUNBLAÐIÐ FIMMTUDAGUR 14. JANÚAR 2021
Skylda til flokkunar heimilis- og rekstrarúrgangs, sam-
ræming merkinga á úrgangstegundum, stuðningur við
heimajarðgerð og uppbyggingu innviða til meðhöndl-
unar úrgangs sem samræmast hugmyndum um hring-
rásarhagkerfi. Þetta er meðal atriða
sem Guðmundur Ingi Guðbrandsson
umhverfisráðherra vill að verði að
lögum, sbr. kynningu hans í rík-
isstjórn nú í vikunni á tillögum um
meðhöndlun úrgangs 2021-2032.
Drögin að nýrri stefnu í þessum
málum hafa verið send til umsagnar
alþjóðar undir heitinu Í átt að hring-
rásarhagkerfi.
Markmiðið sem nú hefur verið
sett er að draga úr losun gróð-
urhúsalofttegunda frá meðhöndlun
úrgangs, vinna að kolefnishlutleysi Íslands og auka
endurvinnslu, draga úr urðun og hætta urðun lífbrjót-
anlegs úrgangs. Markmiðið er að Ísland verði meðal
leiðandi þjóða í loftslagsmálum og sjálfbærri nýtingu
náttúruauðlinda til hagsbóta.
Magn heimilisúrgangs á hvern íbúa hér á landi er
með því mesta sem gerist meðal EES-ríkja og er end-
urvinnsla heimilisúrgangs of lítil og of mikið af honum
urðað. Nýrri stefnu er ætlað að bæta úr þessu. Árið
2018 féllu til hér á landi um 1.300 þúsund tonn af úr-
gangi í heild og þar af voru 216 þúsund tonn urðuð.
Þetta sama ár var samanlögð losun gróðurhúsa-
lofttegunda frá urðun úrgangs, sorpbrennslu og jarð-
gerð hér á landi tæp 5% af heildarlosun Íslands og
má rekja 95% af þeirri losun til urðunar úrgangs, seg-
ir í kynningunni um mál sem varðar daglegt líf fólks-
ins í landinu. sbs@mbl.is
Umhverfisráðherra boðar róttæka stefnu í ruslinu
Úrgangur sé flokkaður og verði endurunninn
Morgunblaðið/Sigurður Bogi
Rusl Tunnur tæmdar við hús í Reykjavík. Magn heimilis-
úrgangs á hvern Íslending er með því mesta sem þekkist.
Guðmundur Ingi
Guðbrandsson
Morgunblaðið/Árni Sæberg
Rölt Þegar glæra liggur á götum og gangstéttum er ráð að fara rólega og
vera á góðum skóm. Þannig má forðast brot, byltur og þaðan af verri mál.
námsárangur og líðan nemenda. Við
teljum til mikils að vinna,“ segir
Helgi.
Málþroski, orðaforði
og lesskilningur
Breiðholtsverkefni þetta hefur
fengið yfirskriftina Draumaskólinn
sem aftur bergmálar við Mennta-
stefnu Reykjavíkur til 2030 sem ber
undirtitilinn Látið draumana ræt-
ast. Kjarnaatriðin í Draumaskól-
anum eru að auka hæfni leik- og
grunnskólanemenda í íslensku og
efla læsi, sérstaklega málörvun,
málþroska, orðaforða og lesskilning
nemenda með annað móðurmál en
íslenskuna. Einnig að auka snemm-
bæran stuðning, samstarf og sam-
fellu milli leik- og grunnskóla og frí-
stundaheimils; stuðla að bættri
líðan nemenda og virkni í námi og
síðast en ekki síst efla þekkingu
skólafólks. Til þessa fæst fjöl-
breyttur stuðningur og liðsinni, m.a.
frá menntavísindasviði Háskóla Ís-
lands með faglegri ráðgjöf lestrar-
fræðings og aðkomu að mati á verk-
efninu og árangri af því.
„Hlutverk grunnskóla er marg-
þætt, svo sem að fræða nemendur
og stuðla að virkri þátttöku í fjöl-
breyttu lýðræðissamfélagi. Annað
er að jafna tækifæri og aðstöðumun.
Með sömu undirstöðu og menntun
ættu nemendur við lok grunnskóla-
náms að vera jafnsettir þegar haldið
er út í lífið til frekara náms og
starfa,“ segir Helgi sem telur eflt ís-
lenskunám ekki síst mikilvægt í
Fellaskóla. Um 80% alls 330 nem-
enda skólans eru tvítyngd; það er
eiga annaðhvort eða bæði foreldri af
erlendum uppruna. Mikill fjöldi
fólks af erlendum uppruna býr ein-
mitt í Fellunum, sem segja má að
séu fjölmenningarlegt hverfi.
Til betra lífs
Ásmundur Einar Daðason, fé-
lags- og barnamálaráðherra, Lilja
Alfreðsdóttir menntamálaráðherra
og Dagur B. Eggertsson borgar-
stjóri heimsóttu Fellaskóla í vikunni
til að kynna sér sér áherslur verk-
efnisins. Í tilkynningu er haft eftir
Lilju að öflugt fagfólk í Fellaskól-
anum, hennar gamla grunnskóla,
þekki mátt samvinnu og gagn-
reyndra aðferða, starfi að skýrum
markmiðum og mikils megi því
vænta.
„Menntun er eitt mikilvægasta
hreyfiaflið til framfara og betra
lífs,“ segir Lilja. Eftir Ásmundi
Einari Daðasyni er haft að eftir því
sem bakgrunnur barna í leik- og
grunnskólum verði fjölbreyttari sé
mikilvægara að öllum nemendum
líði vel. Þeir nái skilningi og fylgni
við námsefni og annað starf. Verk-
efnið sé því einkar spennandi.
Skóli í fókus
„Þetta er jákvætt og gott verk-
efni sem við fórum af stað í með
ráðuneytunum til þess að efla enn
frekar íslenska málvitund og mál-
þroska hjá krökkunum í Fellaskóla.
Við höfum verið með sérstakan fók-
us á skólann á undanförnum árum
og fjöldi góðra verkefna þar í gangi
sem lýtur að málþroska, læsi og efl-
ingu móðurmáls og íslenskrar mál-
vitundar,“ er haft eftir Degi B. Egg-
ertssyni borgarstjóra um áhersl-
urnar í Fellaskóla.
Ljósmynd/Aðsend
Heimsókn Borgarstjórinn í Reykjavík og ráðherrar mennta- og félagsmála
mættu í Breiðholtið til þess að kynna sér starf og áherslur í skólanum góða.
Morgunblaðið/Sigurður Bogi
Fellaskóli Alls eru um 340 nemendur í skólanum og um 80% þeirra eru tví-
tyngd, sem svo á ýmsa lund mótar alla menningu í Fellahverfinu.
Morgunblaðið/Sigurður Bogi
Skólastjóri Efla málþroska og læsi,
segir Helgi Gíslason um verkefnið.
Íslendingar vilja borða meira af fiski.
Þetta kemur fram í könnun sem
Samtök fyrirtækja í sjávarútvegi létu
gera og kynntu í gær. Svo virðist sem
fólki detti hreinlega ekki í hug að
hafa fisk í matinn, þrátt fyrir að vilja
borða meira af honum. Með þetta í
huga var ákveðið í sjávarútvegsgeir-
anum að ráðast í átak og hvetja
landsmenn til að borða meira af fiski.
Auglýsingastofan Brandenburg var
fengin til samstarfs um málið og
þaðan kom hugmyndin að því að
kalla átakið einfaldlega: Fisk í mat-
inn.
„Til að auðvelda fólki að matreiða
fisk er farin sú leið að nota fisk í rétti
sem flestir kannast við. Til dæmis að
hafa fisk á pítsu og þá er komin fizza,
það sama á við um lasagna, sem
verður þá fasagna og fiskur í tacos
verður facos, svo ekki sé minnst á
hið margrómaða fnitzel. Möguleik-
arnir eru endalausir,“ segir SFS.
Sjávarfang í svanginn
Fiskur og lyst
Fisksalinn Sigfús sér vel um sína.
Morgunblaðið/Kristinn Magnússon
mjolka.is
Fylgdu okkur á