Morgunblaðið - 14.01.2021, Side 50

MORGUNBLAÐIÐ FIMMTUDAGUR 14. JANÚAR 2021
Með allt á hreinu 2021
Jakkaföt og skyrtur Gluggatjöld og áklæði Úlpur, kápur og frakkar
Rúmföt og heimilisþvottur Kjólar og blússur Servíettu- og dúkaþvottur
STOFNAÐ 1953Háaleitisbraut 58–60 • 108 Reykjavík • haaleiti@bjorg.is • www.facebook.com/efnalauginbjorg • Sími: 553 1380
Við þökkum viðskiptavinum okkar fyrir árið
sem er að líða og óskum landsmönnum öllum
farsældar á komandi ári.
Anna Lóa er með Hamingjuhornið alla mánu-
daga í morgunþættinum Ísland vaknar. Þar
ræðir hún við þau Ásgeir Pál, Jón Axel og
Kristínu Sif um ýmsa hluti sem hægt er að
gera til þess að efla hamingjuna.
„Ég var að horfa á heimildarmynd á föstu-
daginn sem heitir „Love wins over hate“. Ég
rambaði á hana og hún er um sex einstaklinga
sem tilheyrðu öfgahópum. Til dæmis eins og
öfgahóparnir sem við erum að horfa upp á í
Bandaríkjunum núna, trúarlegir öfgahópar, Ku
Klux Klan og svo framvegis, en þetta eru ein-
staklingar sem komu sér út úr þessum hópum
líka og eru að segja sögu sína. Það var svo
áhugavert að hlusta á þetta af því að við getum
lært ótrúlega mikið af þessu. Til að byrja með
þá töluðu þau öll um að ástæðan fyrir því að
þau fóru inn í svona hópa er að þau áttu það öll
sameiginlegt að vera með óunna áfallasögu,
hvort sem það var vanræksla, ofbeldi, alkóhól-
ismi, andleg veikindi á heimilinu, fátækt eða
jafnvel ofdekur sem tengdist þá ríkidæmi. Það
sem þau fundu var að það var ótrúlega mikil
reiði inni í þeim og þau fara þarna inn í hóp þar
sem allir eiga það sameiginlegt að búa yfir
svona mikilli reiði og hatur verður svona sam-
einingartákn hópsins. Þau lýstu því að hatrið
varð bara eins og eiturlyf, þau urðu háð því á
sama tíma og það var að éta þau að innan,“ seg-
ir Anna Lóa og viðurkennir að umræðan sé
kannski ekkert rosalega sólrík en mjög mik-
ilvæg samt sem áður.
Áttuðu sig á því að þetta var
ekki það sem þau vildu
„Þau komust út úr þessu með því að hleypa
góðmennskunni inn. Einn lýsti því að þegar
hann varð faðir og upplifði þessa skilyrðislausu
ást frá barninu sínu byrjuðu hlutirnir að bráðna
í kringum hann. Einn sem hafði verið alinn upp
í svona trúarofstæki, hann prófaði að þróa með
sér ákveðna samkennd af því að þau töluðu um
að það vantaði alla samkennd. Þannig að hann
prófaði að gefa fólki sem hafði alið upp í honum
að hann ætti að hata, hann prófaði að sýna
þeim samkennd. Þannig byrjaði hann að þróa
með sér ákveðna góðennsku sem gerði það að
verkum að hann áttaði sig á því að þetta líf sem
hann lifði var ekki það sem hann vildi,“ segir
Anna Lóa.
Hvert sem litið er í samfélaginu virðist vera
til fólk sem nærist á því að hata, nærist á nei-
kvæðni og er í stanslausri baráttu við kerfið,
allt og alla. Anna segir að ástæðuna fyrir slíku
megi rekja til óunninnar áfallasögu fólks.
„Segjum sem svo að þú alist upp við áföll og
þú ert með óunna áfallasögu sem gerir það að
verkum að þú ferð út í lífið og þér finnst þú
hvergi „fitta“ inn. Þú færð ekki aðstoð þannig
að þú ferð með þessar vondu tilfinningar út í
lífið og reynir að máta þig við aðra og við
hverja mátarðu þig? Sambærilega aðila,“ segir
hún.
Mikilvægt að foreldrar
sýni góða fyrirmynd
Anna Lóa segir mikilvægt að foreldrar geri
sér grein fyrir því hvað börnin þeirra og sér-
staklega unglingar eru að ganga í gegnum.
„Bara það að þú farir með barnið þitt úr ein-
um skóla í annan, hverjir eru það sem vilja ná
barninu þínu inn í sinn hóp? Það er veikasti
hlekkurinn sem vill styrkja sig. Segjum sem
svo að þú farir með barnið þitt í nýjan skóla á
unglingsárunum þar sem er mjög mikil klíku-
myndun, þá er til dæmis bara þetta að þú sért
meðvitaður um að þarna inni eru hópar sem
eru akkúrat eins og ég var að lýsa áðan. Þarna
eru kannski börn með áfallasögu sem er
kannski ekki verið að vinna með og þau reyna
að styrkja sinn hóp. Þannig að það sem við ætt-
um alltaf að hafa í huga er að þegar maður
finnur að börnin manns eru hætt að hafa skoð-
anir á hlutunum og farin að segja oftar og oftar
að þeim sé alveg sama og að þau vilji reyna að
„fitta“ inn í hópinn, sem við gerum svolítið oft á
unglingsárunum, þá þurfum við foreldrarnir að
vera rosalega meðvituð. Ef við byrjum að gera
þetta á unglingsárum komumst við ekki út úr
því og hvað gerist? Við sveiflumst frá því að
vilja gera annaðhvort öllum til geðs eða vera á
móti öllu og öllum,“ segir hún.
„Þetta byrjar alltaf með þessari meðvitund
um hvar þú ert. Ef við finnum að við erum allt-
af í samanburði við aðra, alltaf týnd og að gera
öðrum til geðs ættum við að taka það alvarlega.
Við ættum líka að rækta góðmennskuna, kær-
leikann og þróa samkennd,“ segir hún.
Anna Lóa segir mikilvægt að átta sig á því
að slík hegðun byrji heima við og því sé mik-
ilvægt að vera góð fyrirmynd fyrir börnin.
„Hvernig við nýtum kærleikann sem ætti að
vera drifkrafturinn, að það byrjar heima.
Hvernig við tölum um aðra og hvernig börnin
okkar heyra okkur tala um aðra. Ef við mynd-
um bara spyrja okkur: „Er ég sátt í eigin skinni
eða er ég alltaf að leitast við að „kópíera“ aðra
eða er ég að leitast við að láta aðra finna hvað
ég er betri þannig að ég er að láta aðra pirra
mig sem mér finnst kannski vera að gera það
sem ég myndi vilja vera gera?“ Það þarf að efla
sjálfan sig og efla kærleikann í lífi sínu og gefa
fólki sem er öðruvísi en við tækifæri og vera
ekki alltaf að hugsa hvar er ég í samanburði við
aðra heldur hugsa þetta út frá heildinni.“
Hægt er að hlusta á Önnu Lóu í Hamingju-
horninu alla mánudagsmorgna á K100.
Fólk með óunna áfalla-
sögu getur leitað í
rangan félagsskap
Anna Lóa í Hamingjuhorninu ræðir um ýmsa hluti sem hægt er að
gera til þess að efla hamingjuna í þættinum Ísland vaknar alla mánu-
dagsmorgna. Hún segir mikilvægt að foreldrar séu góðar fyrirmyndir
fyrir börnin sín enda byrji slæm hegðun gjarnan heima við.
Hamingjuhornið Fólk með óunna áfallasögu
getur leitað í rangan félagsskap.