Morgunblaðið - 16.02.2021, Side 21

MINNINGAR 21
MORGUNBLAÐIÐ ÞRIÐJUDAGUR 16. FEBRÚAR 2021
Elsku hjartans
mamma mín. Ég
græt þig svo sárt.
Mig langar að þakka
þér af öllu hjarta fyrir lífið okkar
saman, vináttu okkar, styrkinn og
ástina sem þú sýndir mér. Við
urðum alltaf betri og betri vinkon-
ur og ég er alltaf að standa mig að
því að ætla að senda þér snapp af
bakkelsinu sem ég er að borða eða
segja þér frá skemmtilegum sjón-
varpsþætti. Bara segja þér frá
litlu ómerkilegu smáatriðunum í
lífinu sem þér fannst svo merki-
leg, bara því þetta var ég. Þú
misstir foreldra þína þegar þú
varst 44 ára. Vorið 2020, í miðjum
heimsfaraldri, kom í ljós að minn
versti ótti var við það að rætast.
Að missa þig líka langt fyrir aldur
fram. Þvílíkur hryllingur elsku
mamma mín. Þetta er svo skelfi-
lega ósanngjarnt en þú sýndir
einstakt æðruleysi og hugrekki í
öllu þessu ferli. Þú fórst að miklu
leyti í gegnum spítalavistir ein
vegna aðgangstakmarkana og ég
veit að þú upplifðir hræðslu og
sársauka. En eins og þín var von
og vísa léstu engan hafa áhyggjur
af þér. Þú verndaðir alla í kring-
um þig, hógværðin og lítillætið
uppmálað. Þú varst hetja allt þitt
líf elsku hjartans mamma. Þú
Kristjana Þuríður
Jónsdóttir
✝ Kristjana Þur-íður Jónsdóttir
(Sissa) fæddist 16.
mars 1961. Hún lést
6. febrúar 2021.
Útför Kristjönu
fór fram 15. febr-
úar 2021.
eignaðist mig aðeins
19 ára og ólst mig
upp ein þar til
Stebbi og Unnur
bættust við litlu fjöl-
skylduna okkar þeg-
ar ég var 10 ára. Þar
sem ég varð sjálf
ung móðir skil ég
hversu gríðarlega
mikinn styrk þú
sýndir að gera þetta
svona ein. Skilning-
urinn á því sem þú afrekaðir
dýpkaði sérstaklega á síðustu ár-
um. Ég er þér svo innilega þakk-
lát og ólýsanlega hreykin af fórn-
um þínum, sigrum og lífshlaupi.
Ég hefði ekki getað beðið um
betri ömmu fyrir börnin mín. Ég
elska þig að eilífu og ber þig í
hjarta mínu.
Ástarkveðja.
Þín dóttir,
Hanna Jóna.
Elsku hjartans amma okkar.
Ekki er fullkomlega hægt að lýsa
því hversu góð og yndisleg amma
hún var okkur því hún var einstök
manneskja. Við gistum mikið hjá
ömmu og afa alveg frá því að við
vorum nýfæddar. Amma svæfði
alltaf Kötu með því að lesa fullt af
sögum fyrir hana þangað til hún
sofnaði, en afi svæfði Petu. Við
eyddum miklum tíma heima hjá
þeim og eru allar minningarnar
okkar með þeim svo dýrmætar.
Amma eldaði alltaf matinn og
kenndi okkur systrum öll sín
leyndarmál og uppskriftir. Hún
naut þess mikið að elda og meðal
okkar bestu tíma voru stundir í
eldhúsinu með henni. Eftir að
Peta varð eldri fór áhugi hennar á
hönnun að aukast og það var
áhugamál sem hún og amma
deildu. Alltaf þegar Peta var hjá
ömmu eða að tala við hana í síma
voru þær að plana einhverjar
breytingar heima hjá annarri
hvorri. Það er svo sárt að hafa
misst elsku ömmuna okkar svona
unga og hafa ekki átt fleiri stundir
með henni. Við söknum hennar á
hverjum degi og við munum elska
hana að eilífu. Hvíldu í friði elsku
engillinn okkar og Guð geymi þig.
Þínar ömmustelpur,
Petrúnella Aðalheiður
og Katrín Diljá.
„Hvernig er það Krissi minn,
þurfum við ekki að fá okkur ferskt
loft úti í skúr?“
Eftir dýrindis máltíð, eldaða af
Sissu þar sem hún hellti einum
desilítra af forvitni, einum bolla af
hugrekki og óendanlegu magni af
ást út í.
„Frábær hugmynd Sissa,“
sagði ég. Svo skunduðum við út í
skúr og kveiktum í rettunum. Því-
lík samtöl sem við áttum um allt
og ekkert. Það var sko aldrei leið-
inlegt hjá okkur í skúrnum.
Ég elska þig Sissa mín og mik-
ið svakalega sakna ég þín og alls
spjallsins okkar.
Takk fyrir lífið okkar saman.
Þinn tengdasonur,
Kristján Páll.
Morgunblaðið birtir minn-
ingargreinar endurgjalds-
laust alla útgáfudaga.
Lengd | Minningargreinar sem
birtast í Morgunblaðinu séu ekki
lengri en 3.000 slög. Ekki er unnt
að senda lengri grein. Lengri
greinar eru eingöngu birtar á
vefnum. Hægt er að senda ör-
stutta kveðju, HINSTU
KVEÐJU, 5-15 línur.
Minningargreinar
Vefur þar sem er sameinað efni sem snýr að andlátum og útförum.
Þar eru birtar andláts-, útfarar- og þakkartilkynningar sem eru aðgengilegar
öllum en auk þess geta áskrifendur lesið minningargreinar á vefnum.
Á vefnum er að finna upplýsingar um þjónustuaðila sem aðstoða
þegar andlát ber að höndum og aðrar gagnlegar upplýsingar
ætlaðar aðstandendum við fráfall ástvina.
www.mbl.is/andlát
Minningargreinar
Hægt er að lesa minningargreinar,
skrifa minningargrein ogæviágrip.
Þjónustuskrá
Listi yfir aðila og fyrirtæki sem
aðstoða þegar andlát ber að höndum.
Gagnlegar upplýsingar
Upplýsingar og gátlisti fyrir
aðstandendum við fráfall ástvina
Minningarvefur á mbl.is
Minningar og andlát
Elsku maðurinn minn, faðir okkar,
tengdafaðir, afi, stjúpi og stjúpafi,
SIGMUNDUR SIGFÚSSON
geðlæknir,
lést á heimili sínu föstudaginn 29. janúar.
Útförin fer fram frá Akureyrarkirkju
mánudaginn 22. febrúar klukkan 13.30. Því miður getur athöfnin
ekki verið öllum opin vegna sóttvarna. Streymt verður á
facebooksíðunni: Jarðarfarir í Akureyrarkirkju – beinar
útsendingar. Blóm eru vinsamlega afþökkuð en þeim sem vildu
minnast hans er bent á að styrkja góð málefni.
Ingiríður Sigurðardóttir
Marjón Pétur Sigmundsson Oorawan Sukphuwong
Sigfús Þór Sigmundsson Erna Hjaltested
Benedikt Sigmundsson Hala Mamdouhdóttir
Haraldur Sigmundsson
Steinunn Arnbjörg Stefánsd. Mathurin Matharel
barnabörn og stjúpbarnabörn
Elskuleg móðir okkar, tengdamóðir, amma
og langamma,
HALLDÓRA KARVELSDÓTTIR
sjúkraliði,
Hjúkrunarheimilinu Eir,
Reykjavík,
lést á Hjúkrunarheimilinu Eir föstudaginn
12. febrúar.
Útförin fer fram frá Fella- og Hólakirkju föstudaginn 19. febrúar
klukkan 13.
Örn Ægir Brynjarsson
Ómar Guðbjörn Brynjarsson
Halldóra B. Brynjarsdóttir Andrés Einar Einarsson
Hlöðver Már Brynjarsson Sigrún Inga Sigurgeirsdóttir
Sigurður Ívar Leifsson Jenný Parimarn
barnabörn og barnabarnabörn
Ástkær faðir okkar, tengdafaðir, afi
og langafi,
HELGI KRISTMUNDUR ORMSSON
rafvirkjameistari,
lést í Brákarhlíð í Borgarnesi föstudaginn
5. febrúar. Útför hans fer fram frá
Borgarneskirkju miðvikudaginn 17. febrúar klukkan 14 að
viðstöddum nánustu fjölskyldu og vinum. Útförinni verður
streymt á youtuberás Borgarneskirkju.
Fjölskyldan þakkar auðsýnda samúð og vill færa starfsfólki
Brákarhlíðar sérstakar þakkir fyrir frábæra umönnun.
Blóm og kransar vinsamlegast afþakkaðir en þeim sem vilja
minnast hans er bent á minningarsjóð Brákarhlíðar.
Hilmar Helgason
Kristján Helgason Hrefna Traustadóttir
Sigríður S. Helgadóttir Stefán Aðalsteinsson
Helgi Örn Helgason Kerstin Bruggemann
Þuríður Helgadóttir Sigurður Ó. Kristófersson
barnabörn og barnabarnabörn