Morgunblaðið - 16.02.2021, Page 22

22 MINNINGAR
MORGUNBLAÐIÐ ÞRIÐJUDAGUR 16. FEBRÚAR 2021
✝ Páll Einarssonvélstjóri fædd-
ist á Selfossi 26.
október 1939. Hann
lést í Reykjavík 8.
febrúar 2021. For-
eldrar hans voru
hjónin Laufey
Kristjana Lillien-
dahl húsfreyja, f.
31. maí 1902, d. 21.
febrúar 1982, og
Einar Pálsson
bankastjóri, f. 6. júní 1903, d. 19.
júní 1980. Systkini Páls eru
Gestur, ljósmyndari, f. 16. mars
byggingafræðingur, f. 15. des-
ember 1975. Synir Rögnu og
Þórmundar eru Sigurjón Þorri,
f. 9. apríl 2001, Róbert Páll, f.
24. ágúst 2008, og Ragnar Egill,
f. 11. janúar 2016.
Páll fæddist á Selfossi þar
sem hann bjó þar til hann flutt-
ist til Reykjavíkur. Síðustu 15
árin bjó hann í Kópavogi ásamt
Rögnu dóttur sinni, Þórmundi
og afastrákunum. Páll útskrif-
aðist frá rafmagnsdeild Vélskól-
ans árið 1963 og starfaði alla
sína starfsævi við vél- og verk-
stjórn bæði í landi og á sjó,
lengst af hjá Eimskip.
Útför Páls verður gerð frá
Digraneskirkju í dag, 16. febr-
úar 2021, klukkan 13.
1933, d. 15. mars
1993; Ágústa, kenn-
ari, f. 11. sept-
ember 1935; og
Páll, f. 1. febrúar
1937, d. 15. maí
1937.
Dóttir Páls og
Ingibjargar Ragn-
arsdóttur kennara,
f. 8. apríl 1943, d.
22. nóvember 1998,
er Ragna, lögfræð-
ingur, f. 5. september 1978.
Sambýlismaður Rögnu er Þór-
mundur Haukur Sigurjónsson
Nú kveð ég pabba minn og
minnist hans um leið með hlýju.
Pabbi var lengst af ævi minnar
vélstjóri á millilandaskipum og
sigldi um heimsins höf en gætti
þess alltaf að eyða sem mestum
tíma með mér, einkadóttur sinni,
þegar hann var í landi. Hann kom
oft með spennandi góss úr ferðum
sínum um heimsins höf, hvort
sem það voru leikföng, minjagrip-
ir eða gallabuxur eftir að ég varð
eldri. Ég átti sennilega landsins
mesta safn af Levi’s 501-gallabux-
um í öllum litum á þeim árum sem
pabbi sigldi til Ameríku. Þegar
hann var í landi kom hann heim til
okkar mömmu og sá um stelpuna
sína. Hann reyndist mér svo ákaf-
lega vel þegar mamma dó.
Við áttum líka góðar stundir í
öllum bíltúrunum okkar sem eru
líklega óteljandi. Oft var farið
heim að Hlíð í Gnúpverjahreppi
en þangað átti hann ættir að
rekja. Pabbi var alltaf glaður að
koma þangað og í minningunni er
þar alltaf sólskin. Við rúntuðum
svo heilu og hálfu dagana um Suð-
urlandið og enduðum gjarnan í
mat eftir langan dag. Hann hafði
líka alltaf jafngaman af því að
koma á Selfoss og rifja upp æsku-
árin í húsinu við Bankaveg og
þegar þau fjölskyldan bjuggu í
Landsbankahúsinu þar sem afi
var bankastjóri. Eftir að ég eign-
aðist fjölskyldu var hún auðvitað
dregin í þessa bíltúra með okkur.
Þegar hann var svo farinn að
minnka við sig vinnu tók hann við
sem barnfóstra elsta drengsins
okkar Þórmundar. Þá var nú
heldur betur farið í bíltúrana þar
sem helsta skemmtunin var að
fara að skoða ónýtu bílana hjá
skransölunum og fá sér svo snúð á
eftir.
Þegar við fjölskyldan fórum að
hugsa okkur til hreyfings og búin
að finna okkur draumahúsið sem
hafði séríbúð í kjallaranum lá
beinast við að fá pabba með í æv-
intýrið. Hann var meira en til í
það enda þótti honum óskaplega
gott að vera nálægt litlu fjölskyld-
unni sinni. Það var því árið 2005
sem sambúðin hófst. Hann í kjall-
aranum og við hin uppi. Þetta var
mjög hentugt fyrirkomulag og
gott að hafa afa í kjallaranum sem
oft kom með eitthvert bakkelsi
fyrir afastráka eða hleypti þeim
inn þegar þeir læstu sig úti, afa-
strákarnir sem honum þótti svo
vænt um. Þegar heilsan fór að
gefa sig snerust hlutverkin við og
þá var nú gott að hafa her manns
á efri hæðinni þegar þurfti að
sinna ýmsum viðvikum.
Pabbi varð svo ósköp veikur
síðastliðið haust þar sem honum
var vart hugað líf en seigur var
hann og náði sér upp úr því þótt
hann væri mjög máttfarinn eftir
þau veikindi. Það var því ákveðið
að hann skyldi eiga skjól á Hrafn-
istu og þótt dvölin þar reyndist
verða stutt var alveg ljóst að hon-
um leið þar vel. Lundin var létt og
hann skarpur eins og alltaf. Vorið
var fram undan og tilslakanir
gerðu það að verkum að við gát-
um farið að stunda bíltúrana okk-
ar aftur. Daginn áður en hann dó
áttum við einmitt góða stund með
löngum bíltúr sem endaði með
bita á Jómfrúnni. Þegar við
kvöddumst sagði hann: „Þú ert
mér svo góð, elsku barnið mitt,“
og nú segi ég þegar ég kveð þig:
„Þú varst mér svo góður, elsku
pabbi minn.“
Þín dóttir,
Ragna.
Páll Einarsson, móðurbróðir
minn, ólst upp við bakka Ölfusár á
Selfossi. Hann naut ástúðar og
umhyggju foreldra sinna en einn-
ig stórfjölskyldunnar því margir
ættingjar hans úr nágrannasveit-
um voru að koma sér fyrir í ört
stækkandi bæjarfélagi. Mikil vin-
átta og samheldni einkenndi sam-
félagið og naut Palli þess.
Hann fór víða um höfin sem
vélstjóri, lengst af hjá Eimskip.
Færði fréttir að utan, oft af ein-
hverjum tækninýjungum, fjöl-
breytileika stóru þjóðanna eða
tónleikum með tvistkónginum
Chubby Checker á Aruba-eyj-
unni undan Venesúela. Gaf okkur
sem bjuggum í fásinninu stórar
kókflöskur, uppstoppaðan krókó-
díl, West Side Story og bítlaplöt-
ur. Hann reyndist okkur systkin-
um góður og skemmtilegur
frændi og jólagjafirnar voru alltaf
harðir pakkar.
Palli var áhugasamur um vélar,
tækni og græjur alls konar og vél-
stjórastarfið sem hann valdi sér
féll vel að áhugamálunum. Hann
útbjó útvarpsstöð á sjötta ára-
tugnum með vinum á Selfossi, var
vel að sér um flug, skip og bíla og
er tilraun hans með 100 km hraða
á nýja Volksvagninum eftir ný-
hefluðum Eyrarbakkavegi eftir-
minnileg. Síðar smíðaði hann
trukk á grunni gamals herjeppa
sem hann fékk hjá frændum sín-
um í Hlíð í Gnúpverjahreppi.
Trukkurinn reyndist vel og virtist
komast um hvaða ófærur sem er.
Það var ævintýri að ferðast með
Palla í honum þótt unglingarnir
meðal farþega hafi stundum verið
feimnir við að láta sjá sig í bíl sem
var ólíkur þekktum vörumerkj-
um.
Hann var snaggaralegur,
traustur, fylginn sér og með
sterkar skoðanir á þjóðmálum.
Oft vottaði fyrir stríðni og hann
hafði gaman af að hrista upp í um-
ræðunni og var þá óspar á að
varpa fram umræðusprengjum.
Eftir hressileg skoðanaskipti
skildu allir sáttir.
Það var mikið hamingjublik í
augum Palla þegar hann sagði
foreldrum sínum og nokkrum
okkar í fjölskyldunni að hann ætti
von á barni með góðri vinkonu
sinni, Ingibjörgu Ragnarsdóttur
kennara. Það blik varði alla tíð
gagnvart Rögnu sem fyllti líf hans
gleði og síðar Þórmundur maður
hennar og synirnir þrír. Vinátta
Imbu og samhentrar fjölskyldu
hennar var Palla mikils virði, en
hún lést um aldur fram árið 1998.
Palli, Ragna og Þórmundur
festu kaup á tveggja íbúða húsi í
Kópavogi og naut hann þess að
búa í návígi við fólkið sitt. Þau
reyndust honum sérlega vel þeg-
ar heilsan fór að gefa sig. Hann
veiktist alvarlega í haust en það
var sem þrjóskan þjónaði honum
vel, því hann náði góðum tíma síð-
ustu mánuði og átti sérlega
ánægjulegan lokadag; bíltúr með
Rögnu sinni á fallegum vetrar-
degi og síðan út að borða.
Við Örn og fjölskylda okkar
vottum Rögnu, Þórmundi og afa-
strákunum, Sigurjóni Þorra, Ró-
berti Páli og Ragnari Agli okkar
dýpstu samúð.
Laufey Guðjónsdóttir.
Móðurbróðir minn hefur nú
kvatt. Síðustu mánuðir hafa verið
erfiðir og líkaminn sjálfsagt feg-
inn. Lífsviljinn hvarf þó aldrei.
Við höfum fylgst að lengi. Við
systurbörn hans vorum heppin að
eiga hann að. Hann var barngóð-
ur og mikill vinur okkar. Til í að
sinna okkur, fara með okkur í bíl-
túra um bæinn eða hjálpa okkur
með hjólin eða kassabílinn
Er árin liðu varð hann svo fé-
lagi. Eftirminnilegt fertugsaf-
mælið, þó mörg ár séu liðin, en
Palli var höfðingi. Afmælisveislur
eða jólaboð; Palli var ómissandi
ásamt sínu fólki.
Palli var á undan sínum tíma í
mörgu. Talaði fyrir skógrækt áð-
ur en hún varð almenn. Honum
fannst líka tóm vitleysa að auka
sauðfjárrækt, sem var hugmynd
lengi.
Honum fannst líka tóm vitleysa
að þjóðin skyldi ekki vilja nýta sér
nýjustu tækni við gerð slitlags á
vegina. Fannst líka tóm vitleysa
hvað vegir landsins voru illa
merktir. Á yngri árum var hann
oft í Bandaríkjunum við störf. Var
stundum spurður þegar til Ís-
lands kom hvernig hann hefði rat-
að á bíl til New York: „svarið er
einfalt.“ Nú? „Ég fylgdi bara veg-
merkingunum.“
Held að vinna hans í skipa-
smíðastöðinni Stálvík hafi verið
honum mest að skapi. Fyrirtækið
var frumkvöðlafyrirtæki sem
smíðaði mörg stálskip og síðar
fyrsta skuttogarann sem smíðað-
ur var á Íslandi; Stálvík. Einnig
togarann Ottó N. Þorláksson en
þar komu fram nýjungar á heims-
vísu, eyddi t.d. minni olíu en þá
var lenska. Skipið er enn að veið-
um við Ísland á fimmtugsaldri.
Kvótakerfið drap stöðina en í
nokkur ár fengu ný skip ekki
veiðileyfi. Palli eignaðist marga
góða vini í starfi sínu þar.
Á yngri árum veiddi Palli nokk-
uð bæði rjúpu og fiska en bara til
eigin nota. Oft kom jólarjúpan frá
honum. Sem unglingur fékk hann
oft að veiða silung við Kaldár-
höfða í boði Sveins og Helgu og
fór þá stundum hjólandi frá Sel-
fossi. Þá var lengi til selskinns-
„teppi“ á risgólfinu hjá mömmu
og pabba sem hann færði þeim.
Selinn skaut hann í sjálfsvörn á
Sléttu. Þá færði hann okkur upp-
stoppaðan villtan krókódíl sem
hann keypti sem ungur maður á
ferð í Barcelona.
Íslensk náttúra var einnig í
uppáhaldi og reyndi hann að kom-
ast í Þórsmörk og Veiðivötn ár-
lega. Jafnan á bílnum sem hann
smíðaði sjálfur, sem nú er á bíla-
safni.
Mér er enn í fersku minni þeg-
ar Ragna fæddist og skírnardag-
ur hennar og hve glaður hann var
og hamingjusamur. Imba var
ævivinkona og þau voru sameinuð
um að tryggja velferð Rögnu. Því
miður lést hún alltof ung.
Palli og Ragna og Þorri og afa-
strákarnir þrír hafa svo alltaf átt
vísan stuðning og vináttu systk-
ina Imbu og barna auk tengda-
fólks.
Tryggur og góður vinur alla
ævi og ég man ekki til þess að
okkur hafi orðið sundurorða.
Glaðlegur og ákveðinn, allra
manna skemmtilegastur og alltaf
saknaði maður hans þegar hann
komst ekki í fjölskylduboðin.
Langri samferð lýkur í dag
þegar ég fæ að halda undir
kistuna hans úr kirkjunni. Far
vel, kæri frændi.
Einar Guðjónsson.
Mig langar að minnast Einars
Páls Einarssonar. Hann kvaddi
„Hótel Jörð“ fyrir stuttu.
Við kynntumst aðeins nokkr-
um sinnum við matborðið á
Hrafnistu hér í Reykjavík. Hann
var mjög rólegur maður. Hann
átti áður heima á Selfossi. Þar
hafði hann kynnst góðum vini
mínum, Guðmundi Gilssyni Guð-
jónssonar sem var organisti við
Selfosskirkju. Þessi organisti, þ.e.
Guðmundur Gilsson, bjó hjá for-
eldrum mínum í Hamburg. Þar
lærði þessi yndæli maður organ-
leik hjá prófessor Günter Fös-
temann.
Megir þú, Einar Páll, hvíla í
friði og lifa áfram í hlýjum minng-
um.
Þín kunningjakona,
Ingrid María Paulsen.
Páll Einarsson
Morgunblaðið birtir minningargreinar
endurgjaldslaust alla útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi). Þar sem pláss er tak-
markað getur birting dregist, enda þótt grein berist áður en skila-
frestur rennur út.
Minningargreinar
Raðauglýsingar
Smáauglýsingar
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Eurotec A4 harðviðarskrúfur.
Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
660 0230 og 561 1122.
Húsviðhald
Hreinsa þakrennur

Laga ryðbletti á
þökum og tek að
mér ýmis smærri
verkefni
Uppl. í síma 847 8704
manninn@hotmail.com
Félagsstarf eldri borgara
Árskógar Smíðastofa með leiðb. kl. 9-16. Opin vinnustofa kl. 9-12.
Boccia með Guðmundi kl. 10. Handavinnuhópur kl. 12-16.
Hádegismatur kl. 11.40-12.50. Hreyfiþjálfun kl. 13:45. Kaffisala kl.
14:15-15.30. Heitt á könnunni, Allir velkomnir. Grímuskylda og það
þarf að skrá sig í viðburði eða hópa: 411-2600.
Bústaðakirkja Opið hús frá kl 13-16 á miðvikudögum, samvera með
helgistund, kaffi og góðu spjalli. Einnig boðið upp á göngutúr kl 13:00
frá kirkjunni um nágrennið. ca 45 -50 mín. Hlökkum til að sjá ykkur.
Starfsfólk Bústaðkirkju.
Félagsmiðstöðin Hæðargarði 31 Opnunartími kl. 8:10-16.
Allir velkomnir. Kaffisopi og spjall kl. 8:10-11:00. Thai Chi kl. 9-10.
Prjónum til góðs kl. 9-12. Hádegismatur kl. 11:30-12:30. Mynd-
listarhópurinn Kríur kl. 13-15:30. Síðdegiskaffi kl. 14:30-15:30. Hjá
okkur er Grímuskylda og vegna fjöldatakmarkana þarf að skrá sig
fyrirfram í síma eða á skrifstofunni.
Nánari upplýsingar í síma 411-2790
Garðabæ Opið í Jónshúsi og heitt á könnunni. Hægt er að panta
hádegismat með dagsfyrirvara. Poolhópur í Jónshúsi kl. 9:00
Gönguhópur fer frá Jónshúsi kl. 10:00. Stólajóga kl. 11:00 í sal í
kjallara Vídalínskirkju. Boccia Ásgarður kl: 12:55. Smíði Smiðja
Kirkjuh. kl. 09:00 og 13:00. Vatnsleikfimi Sjál kl. 15:15. Litlakot opið
kl. 13:00 – 16:00.
Gerðuberg Opin handavinnustofa rá kl. 8:30-16:00 Gönguhópur létt
leikfimi og síðan ganga, kl. 10:00. Núvitund (áherlsa á innri ró, sátt og
sjálfsheilun) frá kl. 11 – 11:20. Myndlist/listaspírur kl. 13-16:00.
Alltaf heitt á könnunni.
Gjábakki kl. 8.30 til 10.30 handavinnustofa opin, bókið daginn áður.
Kl. 9.45 Stólaleikfimi (fullbókað), kl. 11.30 til 12.30 Matur. Kl. 13.30 til
15.30 opið fyrir spjall, bókið daginn áður.
Gullsmára Myndlist kl. 9.00. Tréútskurður kl. 13.00.
Munið sóttvarnir, grímuskylda.
Hraunsel Dansleikfimi á þriðjudögum og fimmtudögum kl. 8.30 og
9.30. Bingó á miðvikudögum kl. 13. Handverk á miðvikudögum kl. 13.
Píla á fimmtudögum kl. 13. Línudans á föstudögum kl. 10 og 11.
Grímuskylda og 2ja metra reglan eru í gildi og nauðsynlegt að skrá
sig í allt starf fyrirfram í síma 5550142.
Hvassaleiti 56-58 Morgunkaffi og spjall frá 8:30-10:30.
Útvarpsleikfimi kl. 9:45. Helgistund kl. 14:00, prestur frá Grensáskirkju
þjónar.
Korpúlfar Listmálun hefst á ný í dag kl. 9 í Borgum, Pétur
Halldórsson leiðbeinandi og þátttökuskráning. Boccia kl. 10 í Borgum.
Helgistund kl. 10:30 í Borgum. Spjallahópur í listasmiðjunni í Borgum
kl 13. Sundleikfimi í Grafarvogssundlaug kl. 14 í dag. Sóttvarnir í
hávegum hafðar og 20 manns í hópatímum. Grímuskylda í
félagsstarfinu og allir velkomnir.
Seltjarnarnes Vatnsleikfimi í sundlauginni kl. 07.10. Kaffispjall í
króknum kl. 10.30. Ef veður leyfir förum við í smá göngu kl. 11.00.
Örnámskeið i roði og leðri á neðri hæð félagsheimilisins kl. 15.30 -
18.30. Vatnsleikfimi í sundlauginni kl. 18.30. Virðum sóttvarnir og
höldum áfram að fara varlega.
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Merkurteigur 3, Akranes, fnr. 210-2186 , þingl. eig. Margrét Marta
Ólafsdóttir, gerðarbeiðendur Sjóvá-Almennar tryggingar hf. og
Húsnæðis- og mannvirkjastofnun, miðvikudaginn 24. febrúar nk.
kl. 11:00.
Kirkjubraut 7, Akranes, fnr. 210-1918 , þingl. eig. Hraunbraut ehf.,
gerðarbeiðandi Vátryggingafélag Íslands hf., miðvikudaginn 24.
febrúar nk. kl. 11:15.
Sýslumaðurinn á Vesturlandi
15. febrúar 2021
Uppboð
Einnig birt á www.naudungarsolur.is.
Framhald uppboðs á eftirfarandi eignum verður haldið á
skrifstofu embættisins Borgarbraut 2, Stykkishólmi, sem hér
segir:
AKRANES, AK, Akranes, (FARÞEGASKIP), fnr. 2777 , þingl. eig. Loðna
ehf., gerðarbeiðendur Skipalyftan ehf. og Vestmannaeyjahöfn,
þriðjudaginn 23. febrúar nk. kl. 11:00.
Sýslumaðurinn á Vesturlandi
15 febrúar 2021
Nauðungarsala
atvinna@mbl.is
Pantaðu pláss fyrir þína atvinnuauglýsingu á
Ástkær eiginmaður minn, faðir, tengdafaðir,
afi og langafi,
JÓN HAUKUR STEFÁNSSON,
Álfkonuhvarfi 53,
andaðist á Landspítalanum Fossvogi
þriðjudaginn 3. febrúar.
Jarðarförin fór fram í kyrrþey að ósk hins látna.
Þökkum auðsýnda samúð og hlýhug.
Katrín Kristín Guðjónsdóttir
Helga Lísa Jónsdóttir Egill Kristján Björnsson
Kristín Steinunnardóttir Einar B. Árnason
Ómar al Lahham Amanda Jo Wood
Sara Steinunnardóttir Alexander Marinuson
Björn Magnús og Katrín Kristín Egilsbörn
Gabríel Þór Alexandersson