Morgunblaðið - 08.03.2021, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 8. MARS 2021
Missið ekki af áhugaverðum þætti um Heilsuverndarstöð
Reykjavíkur og viðtölum við nokkra af fyrrverandi
starfsmönnum hússins auk sviðsstjóra hjá Minjastofunun.
Hringbraut næst á rásum
7 (Síminn) og 25 (Vodafone)
ATVINNULÍFIÐ ÁdagskráHringbrautar
í kvöld kl. 20.00
• Ein veglegasta bygging á Íslandi sem síðar var friðuð
• Miðstöð heilbrigðisþjónustu ogmæðraeftirlits um áratugaskeið
• Sérstaða lóðar, aðkomu og aðgengis þeirra sem þangað sækja
Heilsuverndarstöð Reykjavíkur
Heimsókn í eina glæsilegastu byggingu í Reykjavík í þættinum
Atvinnulífið sem er á dagskrá Hringbrautar kl. 20.00 í kvöld
Sigurður Bogi Sævarsson
sbs@mbl.is
„Óvenjulegt ástand vegna kórónu-
veirunnar hefur dregið fram ýmis-
legt sem stjórnmálin þurfa að læra
af. Þá á ég ekki bara við efnahags-
málin, sveigjanleika og fjarvinnu.
Stóri lærdómurinn held ég að sé að
erfiðleikar af þessu tagi verða ekki
tæklaðir nema með samstöðu en
líka öflugum samfélagsreknum
innviðum,“ segir Óli Halldórsson,
nýr oddviti Vinstri grænna í
Norðausturkjördæmi. Í forvali
flokksins í kjördæminu á dögunum
var hann valinn til forystu og ætla
verður að hann taki sæti á Alþingi í
haust. En hver er maðurinn og
sjónarmið hans?
Vill hafa áhrif
„Ætli megi ekki segja að póli-
tíkin – sem alvöru viðfangsefni –
hafi komið til mín frekar en að ég
hafi sótt til hennar meðvitað. Ég
hef alltaf haft tilhneigingu til að
hafa áhrif á þeim sviðum þar sem
ég hef sýn og sannfæringu. Eftir að
ég flutti norður á heimaslóð aftur,
eftir nokkurra ára búsetu í höfuð-
borginni, gerðist það því nokkurn
veginn sjálfkrafa að ég var kominn
í ýmis samfélagsmál. Ég fann það
fljótt að mig langaði að koma á alls
konar breytingum og reyna að
gera mitt til að búa mína heima-
byggð betur undir það að mæta nú-
tímanum og framtíðinni. Hjá sveit-
arstjórnarfólki úti um landið fer
nefnilega ótrúlega mikið púður í
varnarbaráttu.“
Stóru verkefnin í stjórnmál-
unum á næstu misserum verða,
segir Óli, lituð af því að fást við af-
leiðingar kórónukreppunnar.
Greiða þurfi þá reikninga sem
safnast hafa upp. Einnig þurfi að
endurreisa atvinnulífið; þar sem
mikill fjöldi fólks hefur misst vinn-
una og fjarað hafi undan mörgum
fyrirtækjum.
„Í miðju Covid-ástandi fundum
við hversu samofin við erum hvert
öðru svo samfélagið okkar virki.
Hálaunafólk við skrifstofustörf gat
sýslað við sín verk í kúlunni sinni
eða sóttkvínni heima. Á meðan óku
vörubílstjórar hvern einasta dag út
um allt með nauðsynjar og versl-
unarfólkið stóð sínar vaktir innan
um fjöldann og sjómenn og bændur
sáu fyrir mat á diskinn okkar. Ég
er að vona það alla vega að við sem
ætlum að fást við stjórnmál gleym-
um þessu ekki strax. Ég held að Co-
vid-tíminn hafi opnað aðeins augu
fólks fyrir þessu; að samfélögin
okkar eru svona keðjur þar sem
hlekkirnir eru allir mikilvægir.“
Stóriðjustefnan er liðin
Um málefni og aðstæður í
Norðausturkjördæmi, þar sem
landbúnaður og sjávarútvegur eru
ráðandi greinar, segir Óli að
byggðarlög og sveitir hafi átt undir
högg að sækja af ýmsum ástæðum
en önnur svæði haldið vel velli eða
eflst. Akureyri hafi alla burði til að
geta eflst frekar sem samfélag
þekkingar og háskóla.
„Hér munu verða miklar
atvinnuháttabreytingar á næstu
áratugum í kjördæminu og því afar
brýnt að styrkja þessa pósta. Það
eru önnur stór mál sem þarf að
gefa sérstaklega gaum. Umhverfis-
málin ekki síst. Það virðist til dæm-
is vaxa sífellt áhugi einkaaðila á að
reisa virkjanir, bæði á Norður- og
Austurlandi. Áformin um allar 9,9
MW virkjanirnar og svo vindmyllu-
garðana í stórum skógum. Stíga
þarf varlega til jarðar í þessum efn-
um á næstu árum og láta umhverf-
ið njóta vafans. Ég held því nú
reyndar fram að kjarninn úr at-
vinnustefnu VG frá því fyrir 15 ár-
um sé orðinn að almennu viðmiði
núorðið. Það var mikið hæðst að
frösunum um „eitthvað annað“ í
staðinn fyrir stóriðjustefnuna en
nú eru nýsköpun og grænt og sjálf-
bærni orðin meginstef í stefnumót-
un, og raunar hjá flestum stjórn-
málaflokkum. Stóriðjustefnan
hlýtur því að teljast endanlega liðin
undir lok. Stefnan þarf ekki bara
að miðast við græna og sjálfbæra
þróun heldur líka fyrirséðar breyt-
ingar á atvinnuháttum.“
Þekking ráði ákvörðunum
Setu í sveitarstjórn segir Óli
vera góðan skóla fyrir annað póli-
tískt starf. Í sveitarstjórnum séu
teknar ákvarðanir um mál er lúta
að daglegu lífi fólks og grunnþjón-
ustu. „Starfi í sveitarstjórn fylgir
virðing fyrir lýðræðislegu umboði,
því það er hvergi sýnilegra og aug-
ljósara en í minni samfélögum þar
sem kjósendur þekkja frambjóð-
endur sína persónulega í mörgum
tilvikum. Eftir að hafa unnið nokk-
uð lengi í þekkingargeiranum er
ég áhugamaður um þekkingar-
drifna ákvarðanatöku, svona eins
og við höfum séð birtast svo frá-
bærlega í meðferð stjórnvalda og
heilbrigðisyfirvalda í Covidinu, þar
sem stjórnmálin taka ákvarðanir á
grunni vísindanna. “
Ýmsir af þingmönnum
stjórnarflokkanna hafa að undan-
förnu lýst áhuga sínum á því að
flokkarnir haldi samstarfi áfram
að loknum kosningum, fái flokk-
arnir stuðning til þess. Um þetta
segir Óli Halldórsson með almenn-
um orðum að sér þykir VG hafa
verið ábyrgt og sterkt afl í ríkis-
stjórn og Katrín Jakobsdóttir sé
öflug og óumdeild sem forsætisráð-
herra.
„Útgangspunktur í samsetn-
ingu ríkisstjórnar, þessara flokka
sem nú sitja saman eða annarra,
verður að vera málefnin og gildi
VG og hvernig þeim verður komið
áfram. Að því fengnu getum við
haldið áfram að gera brýn jaðar-
mál sjálfsögð.“
Óli Halldórsson er nýr oddviti Vinstrihreyfingarinnar – græns framboðs í Norðausturkjördæmi
Morgunblaðið/Hafþór Hreiðarsson
Stjórnmál Stefnan þarf ekki bara að miðast við græna og sjálfbæra þróun
heldur líka fyrirséðar breytingar á atvinnuháttum, segir Óli Halldórsson.
Hlekkir í keðju
 Óli Halldórsson er frá Húsa-
vík, fæddur 1975. Lærði heim-
speki við HÍ og er með meist-
arapróf í umhverfisfræði. Lauk
einnig réttindanámi til kennslu.
Starfaði hjá Skipulagsstofnun
við umhverfis- og skipulagsmál
í nokkur ár að loknu námi.
 Átti frumkvæði að stofnun
fullorðinsfræðslu- og rann-
sóknasetursins Þekkingarnets
Þingeyinga árið 2003 og hefur
veitt stafseminni forstöðu frá
upphafi. Fulltrúi í sveitarstjórn
Norðurþings með hléum frá
2014, síðast sem forseti
sveitarstjórnar.
Hver er hann?