Morgunblaðið - 18.03.2021, Blaðsíða 47

en orðstír
deyr aldregi,
hveim er sér góðan getur.
(Úr Hávamálum)
Þessi vísa kom upp í huga
minn þegar ég hugsa um kynni
mín af Hlyni Víkingssyni. Á þessi
vísa vel við um manngerð hans,
ekki síst eftir baráttuna hetju-
legu, sem Hlynur háði við illvígan
sjúkdóm. Hlynur heitinn var unn-
usti sonardóttur okkar hjóna,
Dagnýjar Rósar, og voru þau
mjög samstíga í sambandi sínu.
Mér er minnisstætt, þegar
Dagný Rós kom með Hlyn í heim-
boð til okkar í fyrsta sinn. Okkur
leist vel á piltinn og við frekari
kynni kom í ljós, að þar fór gull af
manni. Við tókum sérstaklega
eftir hversu hlýr og umhyggju-
samur hann var í garð Dagnýjar.
Hlynur var það reyndar alla tíð
en samband þeirra stóð yfir í átta
ár eða allt fram að andláti Hlyns.
Ef gripið var í spil var Hlynur vel
með á nótunum og þær eru ófáar
stundirnar sem við áttum við
spilaborðið. Hlynur átti alveg sitt
keppnisskap, hvort heldur var í
spilamennsku eða körfuboltan-
um, sem hann stundaði á tímabili.
Þau Hlynur og Dagný héldu utan
til náms 2018 en sneru aftur heim
til Íslands, þegar Hlynur veiktist.
Hlynur var æðrulaus í glímunni
við sjúkdóminn sem lagði hann að
velli að lokum. Við sendum for-
eldrum Hlyns, bræðrum hans,
ættingjum og vinum samúðar-
kveðjur, svo og hans ástkæru
Dagnýju Rós. Minningarnar um
drenginn góða, Hlyn Loga, munu
lifa meðal okkar um ókomin ár.
Ólafur og Dagný, Elías
og Karen, Ingibjörg
Aldís og Ólafur Björn.
Elsku Hlynur, það er erfitt að
hugsa til þess að þú sért farinn
frá okkur en þú munt alltaf lifa í
gegnum þær góðu minningar
sem við höfum skapað saman í
gegnum árin. Hlynur var einstak-
ur karakter, traustur vinur og
maður gat alltaf verið viss um að
hann væri til staðar fyrir mann.
Hann var alltaf jákvæður og bar-
áttuglaður þrátt fyrir að veikind-
in hafi verið erfið undanfarin tvö
ár. Hlynur var mikil félagsvera
og hann var yfirleitt fyrstur að
bjóðast til þess að halda gleðskap
og sérhæfði sig í því að koma fólki
saman. Það skipti engu máli þótt
maður mætti til hans og þekkti
engan, Hlynur var búinn að gera
fólkið að bestu vinum áður en
kvöldið var á enda. Hann skipu-
lagði til að mynda hópferð síðast-
liðið sumar þar sem hann bauð
hátt í fimmtíu manns, sumir
þekktust mjög vel, aðrir ekki en í
lok ferðar voru allir orðnir bestu
vinir þökk sé Hlyni. Svona mætti
lengi telja, hvort sem það eru
hópferðir á Röðul, teiti í Nökkva-
vogi eða utanlandsferðir.
Við erum afar stoltir af því að
geta kallað Hlyn Loga vin okkar.
Minningin um Hlyn mun lifa
áfram í hjörtum okkar og við er-
um þakklátir fyrir þá góðu tíma
sem við fengum að upplifa með
honum.
Hvíldu í friði elsku vinur.
Arnar Freyr, Arnór,
Bjarni, Bjartur, Brynjar
Kári, Gunnar, Hjalti
Már, Kári Kristinn,
Kolbeinn Ari, Magnús
Már, Pétur.
Elsku besti vinur minn, það er
svo sárt að horfa á eftir þér fara
og missa þig. Frá því ég hitti þig í
fyrsta skiptið í 1. bekk, við litum
hvor á annan og sögðum: „Ertu
að hugsa það sem ég er að
hugsa?“ hafa ævintýrin verið
óteljandi mörg. Að horfa upp til
þín og elta þig í gegnum lífið hef-
ur gefið mér góðar minningar
sem ég mun varðveita að eilífu.
Það er óbærilega erfitt að ímynda
sér veröldina án þín og þinnar
einstöku nærveru.
Þú varst einstakur maður, frá-
bær vinur, með hjarta úr gulli.
Það var alltaf gaman að vera í
kringum þig og þessar sögur hér
að neðan sanna það.
Ég elska þig og mun varðveita
minningu þína í hjarta mínu ævi-
langt.
Þinn vinur,
Pétur Jökull.
Í dag kveðjum við kæran vin
okkar, elsku Hlyn Loga. Sorgin
sem fylgir því að kveðja einstak-
an vin, á svona ósanngjarnan
hátt, er okkur öllum þungbær.
Við vorum allar svo lánsamar að
kynnast Hlyni á árum okkar í
Verslunarskólanum, bæði sem
bekkjarfélaga og jafnframt sem
kærasta elsku bestu vinkonu
okkar.
Samband Dagnýjar og Hlyns
var alveg einstakt, þau voru alltaf
svo góð við hvort annað, stóðu
saman í einu og öllu og sýndu
hvort öðru alltaf ást og virðingu.
Það var aðdáunarvert að fylgjast
með þeim standa saman í veik-
indum Hlyns. Þetta var verkefni
sem þau unnu saman af miklum
styrk og með jákvæðni að leið-
arljósi fram á síðasta dag.
Hlynur var einstakur vinur
sem tók okkur vinkonum hennar
Dagnýjar opnum örmum. Hann
vildi okkur allt það besta og í
nærveru hans leið okkur vel.
Hlynur var alltaf svo hress og
stutt var í grínið, en hann fékk
okkur alltaf til að hlæja og dró
okkur ósjaldan út í sprell og
glens. Þær minningar munu
ávallt hlýja okkur um hjartaræt-
ur. Styrkurinn, dugnaðurinn,
æðruleysið og lífsviðhorf hans,
sérstaklega í gegnum veikindin,
er eitthvað sem við viljum ætíð
hafa að leiðarljósi. Við lítum til
baka og minnumst þess hversu
dásamlegar stundir við áttum
saman en Hlynur vildi alltaf svo
gjarnan hafa okkur með. Þegar
við vinkonur hittumst leiddist
honum ekki að hlusta á okkur,
hélt samræðunum alltaf líflegum
og tók með kæti þátt í allri vit-
leysunni.
Elsku Hlynur, um leið og við
þökkum þér fyrir allar okkar
góðu stundir og kveðjum þig í
hinsta sinn, lofum við vinkonur
þínar og Dagnýjar að líta eftir
henni og halda utan um hana,
elsku ástina þína. Við munum
standa þétt við bakið á Dagnýju á
þessum erfiðustu stundum og
jafnframt öllum stundum héðan
af, sorg hennar og missir er svo
mikill. Við komum ætíð til með
halda minningu þinni á lofti og
gleymum því aldrei, eins og þú
sagðir svo oft, að það mikilvæg-
asta er að muna að njóta. Við vilj-
um votta fjölskyldu Hlyns okkar
dýpstu samúð, megi styrkur leiða
ykkur í gegnum þessa erfiðu
tíma.
Elsku vinur, takk fyrir allt.
Minningin um kæran og góðan
vin lifir í hjörtum okkar.
Guðrún Anna, Gyða,
Katrín Hrefna, María
Ellen, Rebekka Helga,
Sigrún Ágústs, Sigrún
Elfa og Sigrún Soffía.
Í dag kveðjum við einstakan og
kæran vin sem við kynntumst
fyrst fyrir nær áratug. Frá því
við kynntumst Hlyn ung og
óreynd í menntaskóla hefur hann
alltaf náð að koma brosi á varir
allra í kringum sig með sinni ein-
stöku hlýju, glaðværð og góð-
mennsku. Það er ekki nóg með
það að við hefðum þroskast sam-
an og upplifað einstaka vináttu á
menntaskólaárunum á Íslandi,
heldur eignuðumst við líka ómet-
anlegar minningar eftir samveru-
stundir okkar í kóngsins Kaup-
mannahöfn. Við erum svo
óendanlega þakklát fyrir að hafa
fengið að vera hluti af lífi Hlyns.
Þær stundir sem við höfum upp-
lifað saman eru þær dýrmætustu
sem við eigum og við munum
ávallt geyma þær í hjörtum okkar
og hugum.
Hlynur hafði þann einstaka
eiginleika að það leið öllum vel í
kringum hann. Það var ekki ann-
að hægt. Jákvæðni, bjartsýni og
léttlyndi hans höfðu einfaldlega
þessi áhrif. Enda var hann mjög
vinamargur og við urðum góðir
vinir á örstuttum tíma. Í Kaup-
mannahöfn trúði hann okkur fyr-
ir því að hann kviði því að eiga
erfitt með að að kynnast fólki í
nýju landi og eignast þar vini.
Hann saknaði vina sinna heima á
Íslandi, enda átti hann þar mörg
sterk og góð vinabönd. En hans
jákvæða viðhorf og einstaka nær-
vera varð til þess að hann eign-
aðist fljótt marga og góða vini í
Kaupmannahöfn og í raun flykkt-
ist fólk að honum úr öllum áttum.
Fljótlega heyrðum við nafnið
„Lenny“ úr ótrúlegustu áttum og
vildu allir hafa skemmtilega parið
Lenny og Dagny með hvert sem
farið var. Við munum geyma
þessar yndislegu minningar með
okkur og gerum okkur grein fyrir
því hvað Hlynur hafði mikil áhrif
á okkur, hvort sem við vorum í ró-
legum og kósí matarboðum eða á
fjörugum tónleikum. En við vit-
um líka að minningarnar munu
lifa áfram með okkur og við mun-
um reglulega rifja upp þessar
ómetanlega dýrmætu stundir
með Hlyni.
Það er erfitt að setja það í orð,
en það er einhver sérstakur hluti
af Hlyni sem býr áfram í okkur
öllum og við vitum að við munum
aldrei hætta að finna fyrir nær-
veru hans, hún er einfaldlega of
sterk til þess.
Elsku Hlynur, minning þín
mun lifa í hjörtum okkar að eilífu
og við munum alltaf lifa eftir orð-
unum þínum: Muna að njóta.
Elsku Dagný og fjölskylda, við
vottum ykkur okkar dýpstu og
innilegustu samúð. Megi englarn-
ir allir vaka yfir ykkur og leiða
ykkur í gegnum þessa erfiðu
tíma. Við munum ávallt varðveita
dýrmæta minningu ómetanlegs
vinar og félaga.
Eiður, Guðrún og Klaudia.
Elsku besti vinur okkar, Hlyn-
ur Logi. Að hafa fengið að þekkja
Hlyn meirihluta ævi okkar eru
forréttindi og við erum mjög
þakklátir fyrir tímann sem við
fengum með honum. Hlynur var
einstakur vinur og það var alltaf
hægt að treysta á að hann væri í
góðu skapi og til í að gera eitt-
hvað skemmtilegt með okkur
strákunum.
Það eru ekki margir sem vita
hvað lífið snýst um en Hlynur var
með það alveg á hreinu. Hlynur
gerði sér grein fyrir hvernig ætti
að nýta þennan takmarkaða tíma
sem við fáum og hvernig ætti að
njóta hans til fulls. Árið 2017,
þegar Hlynur var staddur á
ferðalagi í Taílandi sendi hann á
hópspjallið okkar mynd af úln-
liðnum á sér þar sem hann var
nýbúinn að fá sér húðflúrið
„Muna að njóta“. Þetta var eitt af
óteljandi skiptum þar sem hann
fékk okkur til að hlæja og minnti
okkur á að það eru einföldu hlut-
irnir sem ekki allir sjá sem gera
lífið fallegt. Þegar öllu er á botn-
inn hvolft eru það samböndin við
fólk og minningarnar sem skipta
mestu máli.
Hlynur hafði einstakt lag á að
sameina ólíka vinahópa, hann
vissi nákvæmlega hvernig átti að
ná fólki saman og sjá til þess að
allir skemmtu sér, þótt það ætti
til að gerast að Hlynur skemmti
sér meira en allir í kring. Hlyni
fannst gaman að grínast í vinum
sínum, stundum breytti hann
stillingunum í símanum sínum
þannig að ef hann missti af sím-
tali þá framsendist það í einhvern
annan sem var alveg grunlaus og
áttaði sig ekkert á því af hverju
allt þetta fólk væri að hringja í sig
og spyrja um Hlyn. Þeir sem
hringdu skildu heldur ekkert
hvað var í gangi og varð einn
frændi hans að norðan alveg
ringlaður yfir því að einhver vin-
ur Hlyns svaraði inn á milli þegar
hann reyndi að hringja í Hlyn.
Einnig fannst honum sniðugt
að breyta númerum fjölskyldu-
meðlima í símum vina sinna í eitt-
hvað allt annað, og þegar maður
ætlaði kannski að hringja í
mömmu sína þá fékk maður bara
samband við lögregluna eða hann
sjálfan. Þrátt fyrir þessa stríðni
passaði Hlynur vel upp á fé-
lagana og var manna fyrstur til
þess að hrósa og láta vita hvað
hann væri ánægður með vini sína.
Síðustu tvö ár eru búin að vera
erfið en aldrei heyrðum við Hlyn
kvarta, hann var alltaf jákvæður
og bjartsýnn. Í erfiðri meðferð
gátum við strákarnir kíkt til hans
og horft saman á boltann þar sem
oftar en ekki voru bornar í mann
nýbakaðar kleinur og heitt kaffi.
Það er gott að vera í Nökkvavog-
inum í kringum Hlyn og hans frá-
bæra fólk. Þar var stutt í grínið
og alltaf smá stríðni til staðar. Á
þessu tímabili fengum við einnig
tækifæri á að gera aðra hluti sem
Hlyni fannst skemmtilegir, við
fórum í fjallgöngur, partý, golf,
ferð í kringum landið og svo
margt annað sem við erum þakk-
látir fyrir.
Við horfum á eftir okkar besta
vini fullir söknuði.
Þú átt stað í hjarta okkar allra,
Gulgast að eilífu,
Andrés Uggi Burknason,
Breki Einarsson, Daníel
Þór Rúnarsson, Jón
Kaldal, Kristófer Karl
Jensson, Logi Sæmunds-
son, Pétur Jökull Þor-
valdsson, Viktor Snær
Rúnarsson, Þorkell
Helgason.
MINNINGAR 47
MORGUNBLAÐIÐ FIMMTUDAGUR 18. MARS 2021
Elskulegur sonur okkar og bróðir,
SIGURÐUR JÓHANN RUI HELGASON,
sem lést 7. mars, verður jarðsunginn frá
Fríkirkjunni í Reykjavík föstudaginn
19. mars klukkan 13.
Vegna sóttvarnareglna er sætaframboð
í kirkjunni takmarkað við nánustu ættingja og vini en útförinni
verður streymt á hlekknum: https://youtu.be/e9t46wOJnyU
Anna María Sigurðardóttir
Helgi Jóhannesson Þórný Jónsdóttir
Anna Lucia Helgadóttir Jóhannes L.L. Helgason
Sími · 567 9110 · utfarir@utfarir.is · www.utfarir.is
Stofnað 1990
Traust fjölskyldufyrirtæki í áratugi
Móðir okkar, tengdamóðir, amma
og langamma,
GUÐNÝ HELGA BJÖRNSDÓTTIR
frá Suðureyri,
áður Árskógum 8,
lést á Heilbrigðisstofnun Vesturlands á
Hólmavík 7. mars.
Útförin fer fram frá Hólmavíkurkirkju laugardaginn 20. mars
klukkan 14. Útförinni verður streymt á facebooksíðu
Guðmundar Viktors Gústafssonar.
Guðmundur Viktor Gústafsson
Guðbjörg Gústafsdóttir
Magnús Gústafsson
og fjölskyldur
Elskuleg móðir okkar, tengdamóðir
og amma,
GUÐRÚN ÞÓRA HJALTADÓTTIR,
Grænumýri 12, Seltjarnarnesi,
varð bráðkvödd aðfaranótt sunnudagsins
7. mars. Útförin fer fram frá Fríkirkjunni í
Reykjavík föstudaginn 19. mars klukkan 15.
Allir velkomnir á meðan húsrúm og fjöldatakmarkanir leyfa.
Gestir eru beðnir að mæta með miða með nafni, kennitölu og
símanúmeri. Útförinni verður streymt á slóðinni
https://youtu.be/HOLa6GIfXPs.
Sara Þórunn Óladóttir Houe Sölvi Þórðarson
Hjalti Thomas Houe Sólrún Fönn Þórðardóttir
og barnabörn
Elskuleg systir okkar og mágkona,
SVANDÍS SIGURÐARDÓTTIR
frá Landamóti,
Hafnarstræti 16, Akureyri,
lést á heimili sínu 12. mars.
Útför hennar fer fram frá Höfðakapellu
þriðjudaginn 23. mars klukkan 13. Vegna aðstæðna í
þjóðfélaginu verða einungis nánustu ættingjar viðstaddir.
Sérstakar þakkir fær starfsfólkið í Hafnarstræti 16 fyrir einstaka
umönnun og hlýju.
Klara S. Sigurðardóttir Sigurður Ólafsson
Sigurður M. Sigurðsson Guðrún Stefánsdóttir
Þormóður Sigurðsson Ave Kara Sillaots
Baldvin H. Sigurðsson
Ástkær móðir okkar, tengdamóðir
og amma,
SIGRÍÐUR JÓNA ARADÓTTIR,
lést á krabbameinsdeild Landspítala
sunnudaginn 14. mars.
Útför hennar fer fram frá Bústaðakirkju
þriðjudaginn 23. mars klukkan 13.
Magnús Gunnarsson Feldís Lilja Óskarsdóttir
Ari Gunnarsson Anna Eyberg Hauksdóttir
barnabörn og barnabarnabörn
Ástkær systir okkar, mágkona og frænka,
INGIBJÖRG MATTHÍASDÓTTIR,
fyrrv. flugfreyja,
frá Vík
sem lést á heimili sínu miðvikudaginn
3. mars, verður jarðsungin frá Víkurkirkju
laugardaginn 20. mars klukkan 14.
Vinir og ættingjar velkomnir en í ljósi aðstæðna eru gestir beðnir
um að hafa með sér á blaði nafn, kennitölu og símanúmer.
Kolbrún Matthíasdóttir
Einar Matthíasson Halldóra Svanbjörnsdóttir
og fjölskyldur
Ástkær móðir okkar, tengdamóðir, amma
og langamma,
ERLA ÓLAFSDÓTTIR STOLZENWALD,
fyrrum til heimilis í Nestúni 10,
Hellu,
lést á Sjúkrahúsi Suðurlands mánudaginn
16. mars.
Sólveig Stolzenwald
Gústav Þór Stolzenwald
Ólafur Egill Stolzenwald
og fjölskyldur