Morgunblaðið - 22.03.2021, Qupperneq 2

ELDGOS Í FAGRADALSFJALLI2
MORGUNBLAÐIÐ MÁNUDAGUR 22. MARS 2021
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratug
a
reynsl
a
Startar bíllinn ekki?
Við hjá Rafstillingu leysum málið
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
„Að upplifa eldgos í návígi er einstök
upplifun, nokkuð sem maður nær
bara einu sinni á ævinni,“ segir
Andri Friðriksson tölvunarfræð-
ingur. Hann er meðal þeirra mörg
hundruð manna sem í gær gengu að
eldgosinu í Geldingadal; um 10 kíló-
metra hvora leið. Lagði af stað um
kl. 10 og kom til baka klukkan rétt
fyrir fjögur. Margir sem gengu
þessa leið lögðu bílnum á Grindavík-
urvegi nærri Svartsengi. Frá deg-
inum í dag verður umferðinni að gos-
stöðvunum beint á
Suðurstrandarveg, en frá Festar-
fjalli er greiðfær leið að eldgosinu.
Hræðilegur glannaskapur
„Leiðin er erfið; hrjóstrug og
þarna er villugjarnt og þá sér-
staklega í myrkri og ef þoka leggst
yfir. Mér fannst eftirtektarvert og
hef áhyggjur af því hve margt af
göngufólkinu sem ég mætti á leiðinni
eða hitti við eldstöðina var illa búið;
sumir ekki í úlpu né með húfu og
vettlinga, eða vatn á brúsa. Þessi
ganga er ekki fyrir nema vant fólk.
Glannaskapurinn sem sumir sýndu
við glóandi hraunið var líka alveg
hræðilegur. Ég óttast að einhverjum
þurfi björgunarfólk að koma til að-
stoðar. En maður lifandi; þessi fimm
stunda gönguferð var frábær og al-
veg þess virði – hvert einasta skref.
Ég er þreyttur eftir þessa ferð, en
glaður. Ferðin var frábær.“
Frænkurnar Bergþóra Laxdal og
Heiðdís Ósk Þrastardóttir tóku dag-
inn snemma þegar þær fóru að gló-
andi gosinu. Lögðu af stað upp úr
klukkan átta í gærmorgun og þegar
þær komu svo til baka síðdegis höfðu
þær lagt um 20 km að baki.
Magnþrungin tilfinning
„Ævintýraþráin rak mig áfram,
þótt það að ganga í úfnu hrauni, mosa
og upp brekkur sé ekki auðvelt. En
allt tókst þetta þó að lokum og að líta
niður í Geldingadali og sjá eldgosið,
var engu líkt. Ég fékk gæsahúð og
fylltist alveg einstakri tilfinningu. Að
sjá hraunið streyma fram var nánast
magnþrungið,“ segir Bergþóra sem
einnig gekk að gosinu á Fimmvörðu-
hálsi fyrir 11 árum. Margt sé svipað
með þessum tveimur gosum og að sjá
náttúruöflin í ham sé engu líkt.
„Núna bara hvíli ég mig og safna
kröftum. Ég stefni á að koma hingað
aftur og ganga að gosinu á þriðjudag-
inn,“ segir Bergþóra Laxdal.
„Við hittum marga við eldstöðina
og svo á leiðinni til baka. Ég er þakk-
lát Bergþóru frænku minni að hafa
drifið mig af stað í þennan leið-
angur,“ segir Heiðdís Ósk sem rétt
eins og frænka hennar var þreytt eft-
ir gönguna, en lífsgleðin ráðandi.
Af ævintýraþrá að glóandi gígunum
- Margir skoðuðu eldgosið í Geldingadölum í gær - Fóru fótgangandi að Fagradalsfjalli - Upp-
lifun fyrir alla ævina - Fimm stunda ferðalag - Hrjóstrugt svæði, villugjarnt og ýmsir illa búnir
Göngufólk Andri Friðriksson og frænkurnar Bergþóra Laxdal, til vinstri, og Heiðdís Ósk Þrastardóttir.
Morgunblaðið/Sigurður Bogi
Sigurbjörn Hlöðver Jóhannsson og
Ólöf Helga Jónsdóttir trúlofuðu sig
við rætur gosstróksins í Geldinga-
dölum í gær. Sigurbjörn hafði pant-
að þyrluflug yfir gossvæðið með
unnustu sinni án þess að hún væri
þess vís og eigandi Heli Austria,
fyrirtækisins sem Sigurbjörn bók-
aði hjá, sá til þess að ljósmyndari
yrði með í för. Eva Björk Ægisdótt-
ir ljósmyndari fékk því að fylgja
parinu eftir að gosstöðvunum og
fangaði svo augnablikið ógleyman-
lega með myndum sem hún sendi
Morgunblaðinu.
Í samtali við mbl.is í gær sagðist
Sigurbjörn vera í skýjunum yfir því
að vera orðinn trúlofaður. Þau Ólöf
voru þá stödd á hóteli í miðbæ
Reykjavíkur og ætluðu út að borða
til að kóróna kvöldið. Þau hafa ver-
ið saman í 6 ár og eiga saman dótt-
ur á öðru ári. Fyrir á Sigurbjörn 12
ára son. Nánar á mbl.is. Ljósmynd/Eva Björk Ægisdóttir
Stund sem
aldrei
gleymist
Bónorð við gosstöðvarnar í Fagradalsfjalli í gær
Andrés Magnússon
andres@mbl.is
„Allar fréttir af tiltölulega skaðlausu
gosi, sem lítur fallega út á myndum,
hjálpa alveg örugglega til sem land-
kynning og nýtast í markaðssetn-
ingu almennt,“ segir Jóhannes Þór
Skúlason hjá Samtökum ferðaþjón-
ustunnar í samtali við Morgunblaðið.
„Ég veit ekki hversu mikið það ýt-
ir beinlínis undir að fólk ferðist til
landsins í sumar, en við höfum
reynslu fyrir því að slíkt getur vakið
mikinn áhuga á landinu.“
Hann segir að gosið hafi nú þegar
hreyft við ýmsum fyrirtækjum í
ferðaþjónustu,
ekki síst kannski
þyrlufyrirtækj-
unum, sem ekki
hafi haft undan
við að fara með
fólk í útsýnisflug
yfir gosstöðvarn-
ar.
„Áhrifin af gos-
inu eru þess
vegna jákvæð á
ýmsa lund, en ég treysti mér ekki til
að segja hverju það skili þegar upp
er staðið,“ segir Jóhannes Þór.
Hann segir að ýmis fyrirtæki í
ferðaþjónustu séu þegar farin að
nota myndir af gosinu til almennrar
kynningar á landinu. „Mikilfengleg-
ar myndir af eldgosum fara fljótt á
flug um heiminn, þar sem ógurleg
fegurð náttúrunnar í sinni hrikaleg-
ustu mynd hefur mikil áhrif. Þetta
vekur alltaf mikla athygli og hún
nýtist okkur.“
Jóhannes játar að ekki saki, að
landið sé ögn að opnast. „Ákvörðun-
in um að opna fyrir bólusettu fólki
utan Schengen og þá sem hafa mót-
efnavottorð, hún mun hjálpa mjög til
við það. Svo verðum við að sjá hvern-
ig og hvenær flugið kemst í gang, en
við erum þegar farin að finna fyrir
auknum áhuga erlendra flugfélaga.“
Myndir af gosinu hjálpa
til við landkynningu
- Samtök ferðaþjónustunnar hóflega bjartsýn á áhrif gossins
Jóhannes Þór
Skúlason