Fréttablaðið - 06.08.2021, Qupperneq 16

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Þórdís Lilja Gunnarsdóttir, thordisg@frettabladid.
is, s. 550 5768
Útgefandi:
Torg ehf
Ábyrgðarmaður:
Björn
Víglundsson
Sölumenn: Arnar Magnússon, arnarm@frettabladid.is, s. 550 5652, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
„Sagan á bak við þetta er þannig
að í gegnum árin hafa verið haldin
árleg Grímsævintýri á Borg og þar
hefur verið settur upp markaður
þar sem fólk selur ýmsa hluti,“
segir hún. „Ég var þar með fjár-
öflun fyrir strákinn minn í nokkur
ár vegna íþróttastarfs, en svo hætti
hann í íþróttum. En mér fannst
gaman að vera með og langaði að
halda áfram, svo ég ákvað í staðinn
að selja vörur til styrktar hjálpar-
sveitinni Tintron.
Svo í fyrra var ekkert Gríms-
ævintýri út af Covid, þannig að ég
ákvað bara að ganga úr borginni
að Nesjavöllum og safna áheitum
eins og fólk gerir fyrir Reykja-
víkurmaraþonið. Þessu var bara
hent upp á föstudegi og svo var
labbað á sunnudegi,“ segir Pernille.
„Mér fannst þetta svolítið gaman
og hjálparsveitin var ánægð með
framtakið, svo ég ákvað bara að
gera þetta aftur í ár.“
Lá beint við að styrkja Tintron
Pernille hefur búið á Íslandi í 30
ár, en hún kom til Íslands vegna
áhuga á íslenskum hestum. Hún
hefur lokið námi í búfræði við
Háskólann á Hólum og leikskóla-
kennaranámi í Kennaraháskól-
anum og starfar sem leikskóla-
kennari og aðstoðarleikskólastjóri
í leikskólanum Vinaminni.
„Ég er ósköp venjuleg fjölskyldu-
manneskja og mér og manninum
mínum finnst alltaf gott að vera í
sveitinni, svo við eyðum miklum
tíma í Grafningi og í Grímsnesi,“
segir hún. „Veturinn í hitteðfyrra
var skelfilegur og það var mikið
álag á hjálparsveitinni hér og flug-
eldasalan, stærsta fjáröflun hennar,
var í uppnámi vegna umhverfis-
verndarsjónarmiða. Þess vegna
fannst mér það liggja beint við að
styðja Tintron, þar sem hún starfar
á svæðinu sem við höldum til á og
þar sem Grímsævintýri fara fram.“
Bara tveggja daga fyrirvari
„Ég og vinkona mín ætluðum alltaf
að labba frá Reykjavík að Nesja-
völlum einhvern tímann og svo
varð loks úr því þegar það kom í
ljós að það væri ekki hægt að selja
nammi á Grímsævintýrum. Þá
ákváðum við að kýla á þetta og gera
þetta að áheitagöngu. Ég hafði sam-
band við hjálparsveitina og þeir
tóku náttúrulega rosa vel í þetta,“
segir Pernille og hlær. „Við skelltum
þessu upp með bara tveggja daga
fyrirvara en engu að síður gekk
söfnunin rosalega vel og við söfn-
uðum yfir 140 þúsund krónum.
Ég hef engu að tapa á því að gera
þetta aftur, mér finnst gaman
að labba og Tintron hefur allt að
vinna, þannig að þess vegna ætla
ég að fara aftur í ár,“ segir Pernille.
„Grímsævintýrum var líka aflýst
aftur vegna Covid í sumar.“
Það mega allir
sem treysta sér
til þess koma
með í gönguna á
morgun, en hún
hefst klukkan 10
í fyrramálið hjá
bílastæðinu við
Morgunblaðs-
húsið. FRÉTTA-
BLAÐIÐ/EYÞÓR
Hér er Pernille að leggja af stað í
gönguna á síðasta ári með ferða-
félögum sínum. MYND/AÐSEND
Meðlimir
hjálparsveitar-
innar Tintrons
tóku vel á móti
göngugörp-
unum þegar þeir
komu á Nesja-
velli í fyrra.
MYND/AÐSEND
Oddur Freyr
Þorsteinsson
oddurfreyr
@frettabladid.is
Þegar Pernille er spurð hvers
vegna hún labbar þessa tilteknu
leið hlær hún.
„Það er nú bara gott að enda á
Nesjavöllum því þá kemst maður
beint í kvöldmat. Maðurinn minn
er ættaður frá Nesjavöllum og
við höldum mikið til þar á gamla
bænum,“ segir hún. „Þetta er líka
ekki erfið ganga, þetta tók akkúrat
tíu tíma í fyrra með pásum, og það
er gott aðgengi að þessum áfanga-
stað, þannig að það er auðvelt að
láta sækja sig.“
Allir velkomnir með
„Það mega allir sem treysta sér til
koma með í gönguna í ár,“ segir
Pernille. „En fólk þarf að sjá um
sig, hafa nesti, klæða sig rétt og láta
sækja sig á Nesjavelli. Þessi ganga er
ekki eins og að labba á malbiki, það
þarf að fara upp á heiði í mismun-
andi undirlagi og vera vanur því að
labba með bakpoka sem inniheldur
allt sem þarf í heilan dag.
Það er spáð þurru á morgun svo
ég ætla að byrja klukkan tíu í fyrra-
málið hjá bílastæðinu við Morgun-
blaðshúsið. Ef fólk vill koma með
er líka hægt að hafa samband
við mig í gegnum Facebook-síðu
göngunnar, sem er hægt að finna
undir heitinu Gengið til góðs,“
segir Pernille. „Það væri bara frá-
bært að fá fleiri með, því fleiri, því
betra.“
Pernille segist ekki hafa neinar
ákveðnar væntingar til söfnunar-
innar í ár.
„Það er ómögulegt að segja
hvernig þetta gengur og ég hef
ekkert verið að ýta á fólk að
styrkja. En auðvitað vonast maður
til að ná að safna svipaðri upphæð
og í fyrra eða meira,“ segir hún.
„Maður sér líka hvað það er mikið
af útköllum hjá sveitinni. Þetta fólk
hefur staðið vaktina í eldgosinu
og veturinn er fram undan. Það
geta líka allir snúið sig eða dottið
og meitt sig og þurft á aðstoð að
halda, líka fólk sem er vant því að
fara á fjöll. Hjálparsveitin vinnur
þetta allt í sjálfboðavinnu og til að
þau geti hjálpað okkur þurfum við
að hjálpa þeim.“
Verður vonandi árlegt
Pernille útilokar ekki að halda
áfram að ganga fyrir Tintron.
„Vonandi nær þetta að vaxa og
verða árlegur viðburður. Það væri
gaman, en það er ekkert ákveðið,“
segir hún. „Það væri líka gaman ef
aðrir taka sig til og styrkja aðrar
hjálparsveitir.
Það verður hægt að fylgjast með
göngunni á Facebook-síðunni,
svona eins og netsamband leyfir,“
segir Pernille og hlær. „Þar er líka
hægt að finna skjal með upp-
lýsingum um hvernig er hægt að
styðja söfnunina, en allar inn-
lagnir til Tintrons eiga að vera
merktar „Ganga 2021“, svo að hægt
sé að fylgjast með því hversu mikið
kemur úr þessu.“ n
Hægt er að finna Facebook-síðu
göngunnar hennar Pernille undir
heitinu „Gengið til góðs“. Þar eru
nánari upplýsingar um fyrirkomu-
lagið og hvernig hægt er að styrkja
söfnunina.
2 kynningarblað A L LT 6. ágúst 2021 FÖSTUDAGUR