Ásgarður : blað starfsmanna ríkis og bæja - 01.11.1966, Page 22

Ýmislegt bar á góma í umræðum, m. a.
þau sérréttindi kvenna að eiga rétt á
að vera fjarverandi með fullum launum
vegna barnsburðar. Baldur Pálmason orti
þá:
Ef Valborg fær að fara heim
og fæða börn í hrönnum,
heimtar Páll að hossa þeim
og hætta spádómsönnum.
Valborg svaraði vísu þessari strax með
annarri:
Gætu karlar gengið með böm
og gegnt öllum mæðrastörfum,
mundi ég færa fyrir því vörn
að frí þeir hlytu að þörfum.
Umræður urðu fjörugar á köflum, og
sumir kveiktu í öðrum, eins og þessi vísa
Halldórs Ólafssonar ber með sér:
Enginn getur eins og Teitur
yljað fundarmannablóð.
Ætíð blossar eldur heitur,
ef hann kastar spreki á glóð.
Undir umræðum um kjör vaktavinnu-
fólks orti Hermann Jónsson:
Fornri vaktavinnunauð
Valborg náði gleyma.
Étur nú sitt jólabrauð
í Jesú nafni heima.
Ritarar þingsins leystu verk sitt af hendi
með prýði og virðist samstarf þeirra hafa
verið með ágætum, eins og fram kemur
í þessari vísu annars aðalritara:
Þingið hefur heppnast vel
hygg ég okkar flestra mat,
og „glaður drykki ég dauða og hel“
fyrir dömuna, er hjá mér sat.
Nú er rétt að fara að slá botn í vísna-
flóðið, og er tilhlýðilegt að enda á þess-
ari vísu Friðriks Stefánssonar frá Siglu-
firði:
Tilefni okkar þings er þörfin,
þrenging á lífsins vetri.
Vonandi einnig verða störfin
vísunum okkar betri.
IÐNAÐARBANKI
ÍSLANDS HF.
Iðnaðarbanki Islands hf.,
Lœkjargötu lOb, Reykjavík, Sími 20380.
Iðnaðarbanki Islands hf.,
ÚTIBÚ, Strandgötu 34, Hafnarfirði. Sími 50980.
IðnaSarhanki íslands hf.,
ÚTIBÚ, Geislagötu 14, Akureyri. Sími 21200.
BANKINN annast hvers konar bankastarfsemi innan lands.
L
22 ÁSGARÐUR