Ásgarður : blað starfsmanna ríkis og bæja - 14.02.1967, Page 49

inga, sem þeim mætti að gagni koma, og sent
þær til allra bæjarstarfsmannafélaganna. Þetta
mætti þó vera í fastari skorðum og hlýtur að
halda áfram og aukast.
Hvað snertir Ásgarð, þá hefur það verið
markmiðið að gefa Ásgarð út sem oftast og
reyna að breyta formi hans, — gera hann að-
gengilegri til lestrar. Ásgarður hefur fyrst og
fremst flutt tilkynningar og upplýsingar um
starfsemina hverju sinni, og því kannski ekki
verið mjög skemmtilegur aflestrar. Við von-
umst til þess, að þetta standi til bóta á næst-
unni og okkur takist að framkvæma góð áform
í þessu efni.
Þá má nefna einn þýðingarmikinn þátt, sem
við höfum ekki haft fjárhagslegt bolmagn eða
mannafla til að hrinda í framkvæmd. Á ég þar
við félagsmálastarfsemi, sem er snar þáttur í
starfi sambærilegra samtaka erlendis. Taka
verður upp fræðslustarfsemi fyrir trúnaðar-
menn og áhugamenn í félögunum um stéttar-
málefni og samtökin.
Síðasta bandalagsþing samþykkti tillögur um
útbreiðslu- og fræðslustarfsemi, sem unnið verð-
ur að eftir því sem unnt reynist.
— Hvað eru margir opinberir starfsmenn
utan samtakanna nú?
— Það munu víst vera á annað þúsund ríkis-
starfsmanna, sem eru utan samtakanna, og eru
þar fjölmennastir réttindalausir barnakennarar,
ýmsir háskólagengnir starfsmenn og yfirmenn
í ýmsum stofnunum. Auk þess er alltaf tals-
verður hópur, sem starfar aðeins stuttan tíma
og kemst þá ekki á félagsmannaskrá. Þá er
rétt að geta þess, að bæjarstarfsmannafélög eru
ekki í öllum kaupstöðum.
— Hvað eruð þið helzt að starfa þessa dag-
ana?
— Við höfum átt mjög annríkt við undir-
búning allsherjaratkvæðagreiðslu, en hún er
talsvert fyrirtæki. Um 100 manns eru í undir-
kjörstjórnum um allt land, en í atkvæðagreiðsl-
unni taka þátt yfir 5000 ríkisstarfsmenn. Bæjar-
starfsmannafélögin sjá sjálf um atkvæðagreiðslu
á sínum vegum. Það er ekki annars ástæða að
ræða þetta mál hér, þar sem því eru gerð skil
á öðrum stað í blaðinu.
Þá er ætlunin að minnast aldarfjórðungs-
afmælis B. S. R. B. með blaðaútgáfu og afmælis-
hófi og kostar það nokkurt starf. Jafnframt
Þórður Hjaltason og Erla Gunnarsdóttir eru hér önnum kafin við undirbíining allsherjaratkvæðagreiðslu.
ASGARÐUR
49