Ásgarður : blað starfsmanna ríkis og bæja - 15.03.1980, Síða 8

8/ Felagafréttir
Stórhækkað verð á rafmagni til hitunar veldur því, að mikill
rekstrarhalli varð hjá fulltrúaráði orlofsheimila BSRB á sl. ári.
Leigan fyrir orlofshúsin hefur alls ekki verið látin fylgja hinum
gífurlegu hækkunum á rekstrarkostnaði, og varð því orlofssjóður
bandalagsins að hlaupa þar undir bagga. Námu greiðslur í þessu
skyni fyrir árið 1979 yfir 20 millj. króna og var það yfir 40% af
raunverulegum rekstrarkostnaði orlofsheimilanna að Munaðarnesi.
Hallarekstur
á Munaðarnesi
Starfsmannafélag
Akureyrarbœjar
Orlofshús í Aðaldal
S.T.A.K. hefir komið sér upp litlu orlofs-
húsi, sem staðsett er í Efra-Laxa-
mýrarlandi, Aðaldal í Norður-Þing-
eyjarsýslu. Húsið er 32 m2 smíðað af tré-
smiðjunni Mógil á Svalbarðsströnd og
kostaði 8.3 milljónir komið á grunn og frá-
gengið. Húsið er hitað upp með olíu, en
eldavél og kæliskápur brenna gasi. Raf-
magn er ekki til staðar og óvíst, hvenær það
kemur.
Landslag þarna er hið fegursta, hraunið
allt vaxið kjarri og ekki er verra að Laxá,
drottning laxveiðiáa, rennur í nágrenninu.
Berjaland er þarna eitt hið besta á Norður-
landi. S.T.A.K. hefir tryggt sér land undir
annað hús á þessum stað, ef allt gengur vel
með rekstur þessa.
Keypt sumarhús
Hinn 14. febr. var haldinn aðalfundur
félagsins og var hann sæmilega sóttur. Auk
hinna föstu liða má nefna það úr skýrslu
fyrri stjórnar að keyptur var sumarbústaður
austur í Meðallandi, — keypt 3 litsjón-
varpstæki og unnið er að gagnasöfnun til
lögreglumannatals. Sumarbústaðurinn var
byggður sem veiðihús og er skammt frá
þjóðvegi, hann stendur á hraunbrún og er á
eystri bakka Eldvatns.
Með þessum kaupum er ætlunin að auka
á möguleika til sumardvalar en félagsmenn
hafa ekki átt í önnur hús að venda en
Munaðarnes, þar ráð á þremur húsum.
Með kaupum á sjónvarpstækjum vildi
stjórnin láta myndarlega lokið þeirri bar-
áttu, sem kölluð var „sjónvarpsmálið" og
leystist lukkulega.
Unnið er af krafti við söfnun til lög-
reglumannatals en verkið yfirgripsmeira en
talið var í fyrstu. Aðalfundur samþykkti
heimild til aukafélagsgjalds ef af kaupum
eða byggingu félagsheimilis yrði.
Af innanhússmálum er þetta helzt:
Kórinn æfir og undirbýr söngför til Sví-
þjóðar, Lánasjóðir eru starfandi og skiptir í
deildir. íþróttafélagið hélt aðalfund sinn á
dögunum og form. þar kjörinn Hákon Sig-
urjónsson, þetta er fjölmennt félag og
gróskumikið. Ein vaktin hefir stofnað
kvenfélag.
Stjórnarkjör
Til stjórnarkjörs og trúnaðarstarfa kom
fram einn listi, uppstillingarnefndar.
Hin nýkjörna stjórn Lögrf. Rvíkur skipa:
Formaður: Björn Sigurðsson. Með-
stjórnendur: Þorgrímur Guðmundsson, Ei-
ríkur Beck, Ólafur Guðmundsson, Jón A.
Guðmundsson, Gísli Garðarsson og Eiríkur
Helgason. Varastjórn: Ragnheiður Davíðs-
dóttir, Hákon Sigurjónsson og Sigurður Kr.
Sigurðsson.
Aðalfundur orlofsheimila BSRB var
haldinn að Munaðarnesi 29. febr. og I.
mars 1980.
Hitakostnaður þrefaldaðist
Þar voru lagðir fram reikningar fyrir
rekstur orlofshverfisins fyrir árið 1979.
Tekjurnar voru aðallega greiðslur frá
bandalagsfélögunum vegna leiguréttar
yfir sumarið að upphæð kr. 27,8 millj. og
síðan leigutekjur einstaklinga og v/nám-
skeiða á öðrum árstíma, sem reyndust 6,1
millj. kr.
Helstu útgjaldaliðir voru rafmagn 19,6
millj. kr. (hafði verið áætlað 11,5 millj.
kr.), starfsmannalaun 6,9 millj. kr., þvott-
ur 5,9 millj. Önnur útgjöld (tryggingar,
skattar, hreinlætisvörur, sorphreinsun,
hluti viðhaldskostnaðar o.fl.), voru sam-
tals um 10 millj. kr.
Vegna þessa mikla rekstrarhalla hjá
fulltrúaráðinu þarf orlofsheimilasjóður
BSRB að hlaupa undir bagga og greiða
það sem á skortir, eða um 8,7 milljónir
króna. Það er nær eingöngu rafmagns-
kostnaðurinn, sem veldur þessu, enda
hefur verð á rafmagni til hitunar þrefald-
ast á l'/2 ári.
Kvaðir á orlofssjóði
Þetta bætist ofan á kvöð, sem var á sl.
ári að ákveðið að leggja á orlofsheimila-
sjóðinn með því að ætla honum að greiða
landleiguna vegna orlofshverfisins að
Munaðarnesi og í landi Stóru-Grafar, svo
og meginhluta viðhaldskostnaðar orlofs-
húsanna. Vegna óvenjumikils viðhalds-
kostnaðar (t.d. lagfæringar á gólfum húsa
í Stekkjarhól og Eyrarhlíð) námu útgjöld
vegna þessa samtals yfir 13 millj. króna á
árinu 1979.
Þannig hefur orlofsheimilasjóður orðið
að taka á sig á árinu kvaðir, sem nema yfir
20 millj. króna, vegna þess að því fer víðs
fjarri að leigan fyrir orlofshúsin nægi fyrir
rekstrinum, þótt sleppt sé þar bæði stofn-
kostnaði eignanna og afborgunum lána.
Þetta rýrir síðan verulega getu orlofs-
heimilasjóðs til að gegna sínu meginhlut-
verki, sem er að fjármagna iáframhald-
andi byggingaframkvæmdir orlofshverfa
fyrir samtökin. En sjóðnum vex nú samt
sem áður stöðugt ásmegin, þar sem
greiðslur vaxta og afborgana vegna
Munaðarness verða léttbærari með
hverju árinu og sjóðnum eru tryggðar
tekjur, sem vaxa í samræmi við hækkun
launa.
Leiga hcekkuð
jafnt og kaup
Stjórn fulltrúaráðs orlofsheimila BSRB
er sammála um, að þetta fyrirkomulag
geti ekki staðist til lengdar. Þennan mikla
hallarekstur verði að stöðva og leigutekj-
urnar verði að standa í auknum mæli
undir raunverulegri hækkun rekstrarút-
gjalda. Því verði að hækka leiguna nokk-
urn veginn til jafns við kauphækkanir á
hverjum tíma.
Þetta var alls ekki gert að fullu á síðasta
ári, og því hlýtur að koma til sérstök leið-
rétting á því núna, með því að hækka
leiguna heldur meira en áætlað er að
vísitala á kaup muni hækka.
Tillaga stjórnarinnar um fjárhagsáætl-
un fyrir 1980 gerir ráð fyrir, að rekstrar-
útgjöld fulltrúaráðsins aukist um 40% frá
1979, en hins vegar hækki leigan á húsum,
og greiðslur bandalagsfélaganna til rekst-
ursins um 60—70% frá því sem var í fyrra.
Þannig verði á ný stefnt að því, að leig-
an standi undir sjálfum rekstrinum. Þó
taki orlofsheimilasjóður áfram að sér um
1/5 hluta rekstrarútgjalda, þar sem hann
annist auk stofnkostnaðar allan viðhalds-
kostnað húsanna og greiði landleiguna.
Með þessari hækkun er aðeins verið að
færa leigutekjurnar í sama horf og þær
voru miðað við laun fyrir tveimur árum
síðan. (Vegna verðbólgu hefur kaup
rúmlega tvöfaldast á þessum tveimur ár-
um.)