Ásgarður : blað starfsmanna ríkis og bæja - 15.03.1980, Síða 19

19
Land fyrir orlofcheimili BSRB á Eiðum
Síðasta þing B.S.R.B. sem haldið var í
júnímánuði 1979, samþykkti að enn
skyldi bætt aðstaða til rekstrar orlofs-
heimilanna í Munaðarnesi.
Jafnframt var stjórn B.S.R.B. falið að
útvega land fyrir orlofshús á vegum
bandalagsins annars staðar á landinu. í
þessu sambandi var allmikið rætt um land
á Eiðum, þar sem þá yrði væntanlega gert
næsta átak í uppbyggingu orlofshverfa
B.S.R.B. En flestir eru þeirrar skoðunar,
að bandalagið þurfi að stefna að því að
koma upp orlofshverfum víðar, helst í
öllum landsfjórðungum.
Eiðalandið
Eins og sagt var frá í síðasta blaði Ás-
garðs, hafa að undanförnu staðið yfir
viðræður bandalagsins við forráðamenn
Eiðaskóla um land fyrir orlofsheimila-
hverfi samtakanna að Eiðum.
Á fundi nefndar frá stjórn B.S.R.B. og
skólastjóra og skólanefndar Eiðaskóla 13.
og 14. febrúar sl. náðist samkomulag um
efnisatriði væntanlegs samnings um land.
Fyrirvari var gerður um samþykki
menntamálaráðuneytisins og stjórnar
B.S.R.B.
Land undir allt að 30 orlofshús verður
við Eiðavatn vestanvert á Stórahaga, en
það er allstór tangi út í vatnið frá suðri til
norðurs. Landið er innan gömlu skóg-
ræktargirðingarinnar, en á því svæði hófst
skógrækt fyrir rúmlega hálfri öld, og er
landssvæði þetta að mestu kjarri vaxið og
sums staðar samfelldur skógur.
Samkomulagið er um 20 hektara land,
en útivistarsvæði er allt Eiðaland innan
girðingar og er þar um að ræða stórt og
fagurt land til utivistar. Auk þess er samið
um veiðirétt í Eiðavatni og umferðarétt
um vatnið á bátum, þó ekki vélbátum.
Frá Eiðum er 15 km vegalengd til flug- «
vallarins á Egilsstöðum. Að Hallormsstað
eru um 45 km og svipuð vegalengd er til
ýmissa af Austfjörðunum t.d. Borgar-
fjarðar, Seyðisfjarðar og Reyðarfjarðar.
Á Eiðum er sundiaug innanhúss. Þar er
og íþróttavöllur. Símstöð er á staðnum.
Og á sumrin er þar rekið Edduhótel með
tilheyrandi veitingastað.
Stjórn B.S.R.B. mun væntanlega á
næstunni leita eftir afstöðu aðildarfélaga
bandalagsins til nýrra orlofsheimilafram-
kvæmda.