Morgunblaðið - 12.04.2021, Qupperneq 32

www.rafkaup.is
Unnið er hörðum höndum að því að útbúa útisvið í Man-
chester svo hægt verði í sumar að bjóða upp á útileik-
sýningar á borð við Draum á Jónsmessunótt og Lísu í
Undralandi. Gert er ráð fyrir 400 sætum með nauðsyn-
legri fjarlægð milli þeirra til að minnka líkur á kór-
ónuveirusmiti. Fyrr í vikunni tilkynntu stjórnendur úti-
leikhússins í Regent’s Park í London að þar yrði í sumar
boðið upp á nokkrar leiksýningar, þeirra á meðal söng-
leikinn Carousel og Rómeó og Júlíu, eftir að leikhúsið
fékk 800 þúsund punda opinberan styrk, sem sam-
svarar um 140 milljónum íslenskra króna.
Útileikhús hjá Bretum í sumar
MÁNUDAGUR 12. APRÍL 102. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Ungir leikmenn voru áberandi í íslenska kvennalands-
liðinu í knattspyrnu á laugardaginn þegar það tapaði
naumlega fyrir Ítölum í vináttulandsleik í Flórens. Hin
sautján ára gamla Cecilía Rán Rúnarsdóttir lék vel í
markinu og nú er spurning hvort hún verði að-
almarkvörður Íslands strax frá og með undankeppni
HM sem hefst í haust. »26
Ungir leikmenn í stórum hlut-
verkum hjá íslenska landsliðinu
ÍÞRÓTTIR MENNING
Sigurður Bogi Sævarsson
sbs@mbl.is
„Fólk er æst í jarðarber,“ segir Gunn Apeland í Reyk-
holti í Biskupstungum. Þau Gunn og eiginmaður hennar,
Daníel Halldórsson, sem reka garðyrkjustöðina DAGA,
opnuðu fyrir helgina Litlu berjabúðina, þar sem fólk í
sveitaferð getur komið í pakkhús og keypt ber ræktuð á
staðnum. Verslun með sama nafni var áður starfrækt í
Reykholti, en er nú á nýjum stað og fyrri eigendur hafa
snúið sér að öðru.
Vinna við ræktun hefur breyst
„Verslunum með vörur beint frá býli fylgir alltaf
skemmtileg stemning,“ segir Gunn sem er norsk og nam
garðyrkju í heimalandi sínu. Hún kom árið 1997 til starfa
á Flúðum þar sem jarðarberjarækt í gróðurhúsum var
fyrst stunduð á Íslandi. Þar lærði Gunn hvernig standa
skyldi að málum, þótt vinnubrögðin hafi breyst talsvert.
Áður voru jarðarberjaplöntur ræktaðar í steinull, en nú í
mold sem berjabóndinn segir að öllu leyti betra.
Eftir að hafa búið í Noregi um árabil stefndi hugur
þeirra Gunn og Daníels aftur heim til Íslands. Á síðasta
ári fregnuðu þau að berjarækt garðyrkustöðvarinnar
Kvista í Reykholti væri til sölu – og eftir að hafa kynnt
sér málið slógu þau til, keyptu stöðina og tóku við rekstri
1. ágúst á síðasta ári. Stofnuðu fyrirtæki með heitinu
DAGA garðyrkjustöð ehf. og plöntuðu svo út, en gróð-
urhús þeirra eru alls um 1.800 fermetrar að flatarmáli.
„Við settum út jarðarberjaplöntur fljótlega eftir ára-
mótin og nú er uppskerutíminn kominn. Í skammdeginu
er ferlið yfirleitt um tólf vikur, en eitthvað skemmra á
sumrin þegar hitastig úti er hærra og sólar nýtur lengur.
Við ræktum einnig hindber og brómber – og sú uppskera
verður komin eftir fáeinar vikur,“ segir Gunn.
Smjör drýpur af hverju strái
Í uppsveitum Árnessýslu eru á nokkrum stöðum garð-
yrkjustöðvar þar sem fólk fær til dæmis grænmeti, blóm
og hugsanlega fleira af svæðinu, þar sem smjör drýpur
af hverju strái. „Við byrjum á berjunum, okkar eigin af-
urðum og framleiðslu. Gangi vel vil ég svo gjarnan vera
með vörur frá fleiri framleiðendum hér á svæðinu í
kringum okkur. Möguleikarnir eru margir og gaman að
fá fólk í skemmuna til okkar, sem kaupir ber í bíltúr
hingað austur í sveitir,“ segir Gunn að síðustu.
Uppskerutíminn hafinn
- Berjabúð í Biskupstungum - Plöntuðu út um áramót og
tína nú aldin af klösum - Stemningin fylgir heimasölunni
Ljósmynd/Aðsend
Berjabændur Gunn Apeland og Daníel Halldórsson í sólríku gróðurhúsinu á Reykholti þar sem allt vex og dafnar.
Ljósmynd/Aðsend
Gróandi Sum berin eru orðin rauð og fullþroskuð.