Fréttablaðið - 25.09.2021, Page 34

Ríkislögreglu­
stjóri og
formaður
Landssambands
lögreglumanna
hafa skuld­
bundið sig til
að vinna saman
gegn kulnun
lögreglumanna í
starfi.
fundur er eins konar áfallahjálp sem
er stýrt af fagmanni.
Hættir að finna til
„Hjá lögreglumönnum er það oft
þannig að þeir sem ekki tjá sig á
fundinum líður illa. Vandinn hjá
mörgum lögreglumönnum er að
þeir eru löngu hættir að finna til. Ég
hef upplifað að koma að banaslysi
og finna ekki fyrir því. Það kom mér
á óvart og ég spurði þann sem var
með mér hvort það hefði komið illa
við hann. Hann svaraði þá að það
sem honum hefði fundist verst við
útkallið hefði verið hversu hratt ég
ók.“
Aðspurður segist Fjölnir ekkert
vita um hvort slíkur doði sé eðlileg
afleiðing þess að koma oft að erf­
iðum slysum og aðstæðum, en það
sé eitt af því sem megi skoða.
„Þú kannast við þegar þér líður
illa en veist ekki endilega hvað
málið er ef þú finnur ekki fyrir
neinu.“
Sigríður bendir jafnframt á að
starf lögreglunnar hafi breyst
mikið og í dag sé lögregluembættið
ekki lengur valdastofnun heldur
þjónustustofnun. Mikilvægt sé að
lögreglan sé meðvituð um hvernig
hún kemur fyrir, enda geti lögreglu­
afskipti verið stórmál fyrir almenna
borgara.
„Ég fékk margsinnis til mín fólk
með opin sár eftir stór áföll, vegna
viðbragða lögreglu. Eitthvað sem
var sagt á vettvangi eða að ekki var
hlustað og þetta situr í fólki,“ segir
Sigríður.
„Lögreglan þarf að vera lærð.
Það er stórmál fyrir marga að hitta
lögreglu. Sumum finnst stórmál
að vera stöðvaður fyrir of hraðan
akstur á meðan okkur finnst það
ómerkilegt, enda kannski tíundi
ökumaðurinn sem við stöðvum
þann dag.“
Blaðamaður viðurkennir að vera
ein þeirra sem alltaf líði sem glæpa­
manni ef hún lendir við hlið lög­
reglubíls á rauðu ljósi og uppsker
hlátur lögreglunnar.
„Maður tekur eftir því að ef
maður keyrir á eftir einhverjum fer
hann allt í einu að keyra á löglegum
hraða,“ segir Fjölnir.
Lífaldur lögreglumanna styttri
Ellilífeyrisaldur lögreglumanna
miðast við 65 ár og bendir Fjölnir
á að hann sé lægri í mörgum
nágrannalöndum.
„Það er þekkt vandamál innan
lögreglunnar að margir eru alveg
búnir á því upp úr sextugu, síðustu
árin í starfi,“ segir hann og jánkar
því að þá sé oft reynt að færa menn
til í starfi, inn á skrifstofu, ef hægt
er að koma því við.
„Lífaldur lögreglumanna er
styttri en hjá öðrum stéttum,
þeir deyja fyrr,“ segir Fjölnir með
áherslu og er viss um að það megi
rekja beint til álags í starfi.
„Það þarf kannski bara að viður­
kenna að þegar þeir eru sextugir
megi þeir bara fara í einhver önnur
störf innan embættisins.“
Talið berst aftur að þjónustu­
hlutverkinu og segir Sigríður nú
mikilvægt að setja sig í spor bæði
þeirra sem lögreglan þjónustar og
samstarfsfólks síns. „Og þá helst
að skilja yngri kynslóðina sem er
með aðrar áherslur. Að við missum
ekki fólk í einsemd sem er að kljást
við vanda sem hefur risið vegna of
mikils álags.“
Lögreglunám á háskólastigi
Aðspurð um brottfall innan lög­
reglunnar segja þau það helst vera
á fyrstu árunum og lengi vel hafi
það verið mikið hjá konum, áður en
farið var í markvissar aðgerðir til að
fjölga konum í stéttinni.
Lögreglunám er nú orðið tveggja
til þriggja ára háskólanám við
Háskólann á Akureyri ásamt starfs­
námi sem Menntasetur lögreglunn­
ar heldur utan um.
„Sú ákvörðun að færa námið á
háskólastig var tekin til að breyta
aðeins áherslum og vera samkeppn­
ishæf við löndin í kring. Nú er hægt
að kenna meira svo fólk komi betur
undirbúið,“ segir Sigríður.
Í dag miðast aldurstakmark í lög­
reglunám við tuttugu ár en ekki er
lengur um neinn hámarksaldur
að ræða þó umsækjendur þurfi að
standast ákveðin læknispróf.
„Að mínu mati mætti hækka ald­
urinn enda hefur enginn gott af því
að fara tvítugur í lögreglubúning,“
segir Fjölnir ákveðinn. „Það er bara
mín skoðun. Það munar miklu að
vera með lífsreynt fólk.“
Verkefnið fram undan er enn
svolítið ómótað en að sögn þeirra
Fjölnis og Sigríðar stendur til að
kalla alla að borðinu af öllu landinu
og sjá hvar þörfin er.
„Við erum að skuldbinda okkur
til að setja orku og fjármagn í þetta
verkefni,“ segir Sigríður ákveðin
og Fjölnir bætir við: „Ég er að vona
að það að tala um þetta verði til
þess að einhver ákveði að leita sér
hjálpar.“ n
Ég lokaði til að mynda
líkamsræktarstöð. Þú
getur ímyndað þér
hvernig það var að
senda fólk út með
þeim skýringum að
það væri of nálægt
hvert öðru að svitna í
hóp.
Fjölnir
stod2.is
Tryggðu þér áskrift
Í KVÖLD
32 Helgin 25. september 2021 LAUGARDAGURFRÉTTABLAÐIÐ