Fréttablaðið - 25.09.2021, Qupperneq 59

Félagsmálaráðuneytið auglýsir
eftirfarandi stöður lausar til umsóknar
Embætti forstjóra Barna – og fjölskyldustofu.
Félagsmálaráðuneytið leitar að framsæknum stjórnanda sem hefur þekkingu á
málefnum barna og hæfni til að leiða innleiðingar- og breytingaferli.
Barna- og fjölskyldustofu er ætlað að vinna að farsæld barna í samræmi
við bestu þekkingu og reynslu hverju sinni. Stofnunin mun sinna verkefnum
sem tengjast þjónustu við börn og fjölskyldur þeirra. Þar á meðal eru
verkefni á sviði barnaverndar en við stofnun Barna- og fjölskyldustofu verður
Barnaverndarstofa lögð niður. Barna- og fjölskyldustofa mun jafnframt
gegna lykilhlutverki við samþættingu þjónustu í þágu farsældar barna og
fara með tilgreind verkefni í þágu barna sem nánar er kveðið á um í lögum
um félagsþjónustu sveitarfélaga, lögum um þjónustu við fatlað fólk með
langvarandi stuðningsþarfir, lögum um Greiningar- og ráðgjafarstöð ríkisins
og lögum um þjónustu- og þekkingarmiðstöð fyrir blinda, sjónskerta og
einstaklinga með samþætta sjón- og heyrnarskerðingu.
Barna- og fjölskyldustofu er ætlað að vera verkfærakista ríkisins vegna
samþættrar þjónustu við börn og fjölskyldur. Í því felst meðal annars að vera
stuðningur við sveitarfélög og ríkisstofnanir vegna þjónustu í þágu barna, með
ráðgjöf, leiðbeiningum, fræðslu og þróun gagnreyndra aðferða og úrræða í
þágu barna. Í því felst jafnframt að hafa yfirumsjón með úrræðum á vegum
ríkisins, þar á meðal Stuðlum, Barnahúsi og öðrum meðferðarúrræðum
og fóstri. Meðal verkefna Barna- og fjölskyldustofu verður yfirumsjón
með upplýsingakerfum samþættingar þjónustu í þágu farsældar barna og
gagnagrunni og stafrænum lausnum fyrir barnavernd á landsvísu.
Forstjóri Gæða- og eftirlitsstofnunar velferðarmála
Félagsmálaráðuneytið leitar að framsæknum stjórnanda sem hefur áhuga á
að byggja upp nýja stofnun.
Gæða- og eftirlitsstofnun velferðarmála mun hafa eftirlit með gæðum
þjónustu sem er veitt á grundvelli laga um barnavernd, laga um Barna- og
fjölskyldustofu, laga um félagsþjónustu sveitarfélaga, laga um þjónustu
við fatlað fólk með langvarandi stuðningsþarfir, laga um málefni aldraðra,
laga um Greiningar- og ráðgjafarstöð ríkisins, laga um þjónustu- og
þekkingarmiðstöð fyrir blinda, sjónskerta og einstaklinga með samþætta
sjón- og heyrnarskerðingu og laga um samþættingu þjónustu í þágu farsældar
barna.
Helstu verkefni stofnunarinnar er útgáfa rekstrarleyfa, frumkvæðiseftirlit
með gæðum þjónustu, afgreiðsla kvartana yfir þjónustu, beiting viðurlaga
við brotum á reglum og þróun gæðaviðmiða. Stofnunin mun taka við
gæða- og eftirlitsverkefnum frá Gæða- og eftirlitsstofnun félagsþjónustu og
barnaverndar og eftirlitsverkefnum frá Barnaverndarstofu.
Félagsmálaráðuneytinu, 4. september 2021.
Umsóknarfrestur er til 4. október 2021.
Nánari upplýsingar um störfin má finna á
starfatorgi Stjórnarráðsins, www.starfatorg.is
Þátttakandi
í íslensku
atvinnulífi
í 50 ár
RÁÐNINGAR
Intellecta ehf. Síðumúla 5 108 Reykjavík 511 1225 intellecta.is
Árangur fyrirtækja ræðst af þekkingu, getu og reynslu
starfsmanna. Hver einstök ráðning er mikilvæg fjárfesting
og er hagur bæði fyrirtækis og viðkomandi einstaklings
að vel takist til.