Morgunblaðið - 29.04.2021, Side 8

8 FRÉTTIRInnlent
MORGUNBLAÐIÐ FIMMTUDAGUR 29. APRÍL 2021
Páll Vilhjálmsson vitnaði í fréttsem var á mbl.is um stjórn-
arkreppu í Finnlandi vegna
björgunarpakka sem Evrópusam-
bandið krefst af Finnum.
- - -
Eins og fyrridaginn er
ESB fjárþurfi og
krefst framlaga.
RÚV er með
sömu frétt en þar
er ekki vikið einu
aukateknu orði að
ástæðu pólitísku
kreppunnar í Finnlandi.
- - -
Í allri fréttinni, sem er ítarleg,er ekki eitt einasta orð um
fjárkröfur ESB á hendur Finnum.
- - -
RÚV segir:Einkum er tekist á um
efnahagsaðgerðir næstu ára til að
koma landinu út úr Covid-
kreppunni og fjármögnun þeirra
aðgerða, ekki síst um hversu
langt ríkissjóður eigi og megi
teygja sig í lántökum í þessu
skyni.
- - -
Eins og nærri má geta eruFinnar sjálfir með á hreinu
að fjárkröfur Evrópusambandsins
eru ástæða stjórnarkreppunnar.
Sendum ESB sterk skilaboð, seg-
ir í umfjöllun þarlendra fjölmiðla.
- - -
RÚV hefur löngum verið mið-stöð ESB-áróðurs á Íslandi.
- - -
Falsfréttir eru sérgrein þeirraí Efstaleiti.“
- - -
Allt er þetta rétt og satt, enviðurkenna má að frétt
mbl.is hefði einnig mátt vera ljós-
ari um undirliggjandi ástæður en
hún var.
Páll
Vilhjálmsson
Falsfréttir RÚV
vandamál
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Sigtryggur Sigtryggsson
sisi@mbl.is
Séra Hildur Björk Hörpudóttir
verður næsti sóknarprestur á hinum
sögufræga stað Reykholti í Borgar-
firði. Hún tekur
við af séra Geir
Waage, sem lét af
prestsskap um
síðustu áramót,
eftir að hafa
þjónað Borgfirð-
ingum í 42 ár.
Kirkja hefur
staðið í Reykholti
síðan á 11. öld og
er séra Hildur
Björk fyrsta kon-
an sem gegnir þar prestsþjónustu.
Umsóknarfrestur um Reykholts-
prestakall, Vesturlandsprófasts-
dæmi, rann út 25. febrúar sl. Kjör-
nefnd kom saman í vikunni og kaus
sr. Hildi Björk til starfans. Biskup
Íslands, sr. Agnes M. Sigurðar-
dóttir, staðfesti ráðningu hennar.
Ekki var gefið upp hve margir sóttu
um prestsstarfið.
Séra Hildur Björk Hörpudóttir
fæddist í Reykjavík 1980. Hún starf-
ar nú sem sviðsstjóri fræðslusviðs
Biskupsstofu. Sr. Hildur Björk lauk
mag. theol.-prófi frá Háskóla Ís-
lands 2015, MA-gráðu í praktískri
guðfræði frá sama skóla árið 2017.
Hún lauk námi 2019 frá Clifford
College í „Familiy Ministry“. Jafn-
framt er hún með kennsluréttindi og
meistarapróf í mannauðsstjórnun.
Hún er einnig með próf í sátta-
miðlun, áfallafræðum, og hefur rétt-
indi sem alþjóðlegur jógakennari.
Sr. Hildur Björk hefur margháttaða
starfsreynslu á sviði félags-, kirkju-
og mannúðarmála, segir í frétt á
kirkjan.is. Hún hefur meðal annars
verið formaður Jafnréttisnefndar
þjóðkirkjunnar, átt sæti í stjórn Fé-
lags prestvígðra kvenna, setið í
stjórn Skálholtsútgáfunnar og verið
aðalmaður í stjórn Verndar, félags
um fangahjálp.
Hildur Björk var vígð hinn 7.
febrúar 2016 til þjónustu í Reyk-
hólaprestakalli og var þar sókn-
arprestur frá 2016-2019. Hún á
fimm börn.
Í Reykholtsprestakalli eru sex
sóknir; Bæjarsókn, Fitjasókn,
Hvanneyrarsókn, Lundarsókn,
Reykholtssókn og Síðumúlasókn.
Prestssetur er í Reykholti og þar
með er búsetuskylda þar.
Fyrst kvenna til að
þjóna í Reykholti
Hildur Björk
Hörpudóttir
- Séra Hildur Björk Hörpudóttir valin
Fríform ehf.
Askalind 3,
201 Kópavogur.
562–1500
Friform.is.
2
0
0
0
—
2
0
2
0
Eldhúsinnréttingar
Tímabundin opnunartími
vegna Covid–19
Mán. – Föst. 10–17
Laugardaga 11–15
Tilhugalíf og pörun refa í Hornvík
stóð sem hæst þegar leiðangursfólk á
vegum Náttúrufræðistofnunar Ís-
lands heimsótti svæðið í lok mars. Í
heildina sáust 12-13 dýr, öll mórauð,
en líklega voru allt að 16 dýr á svæð-
inu miðað við ummerki í bjarginu, og
sáust refir alla daga í 11 daga leið-
angri, að því er fram kemur á heima-
síðu Náttúrufræðistofnunar.
Flestir refir fara daglega í fjöruna
í ætisleit og til að tryggja sér að-
gangsrétt að svæðinu. Í fyrstu
fannst lítið ætilegt fyrir refi í fjör-
unni en brim skolaði síðan ýmsu á
land, þar á meðal þorskhausum sem
héngu á hryggjarliðum, mögulega
leifar frá landselum sem voru áber-
andi í öldurótinu. Einnig fundust
ferskar leifar af ritu og fýl en þær
tegundir eru í uppáhaldi hjá refum á
þessum slóðum og voru í miklum
fjölda að setjast upp í björgin.
Í fyrri ferðum á svæðið hefur pör-
un að jafnaði verið í hámarki 20.-24.
mars en nú virtust flest pörin vera
seinna á ferðinni. Þannig mökuðust
að minnsta kosti þrjú pör 29.-30.
mars sem þýðir að yrðlingar þeirra
fæðast ekki fyrr en í lok maí. Þar sem
mökun fór fram svo seint sem raun
bar vitni má ætla að læður muni gjóta
seint í vor. Þó bendir allt til þess að
öll óðul verði setin en gotstærð verð-
ur líklega ekki yfir meðallagi, miðað
við fæðuframboðið þann tíma sem
dvalið var á Horni, segir á heimasíðu
Náttúrufræðistofnunar. aij@mbl.is
Fylgdust með tilhugalífi í Hornvík
- Seint got en öll óðul refa setin
Ljósmynd/Ester Rut Unnsteinsdóttir
Á Hornströndum Refur með vænan
feng úr fjörunni í mars í fyrra.