Morgunblaðið - 29.04.2021, Page 55

ÍÞRÓTTIR 55
MORGUNBLAÐIÐ FIMMTUDAGUR 29. APRÍL 2021
Eftir að ég gerðist íþrótta-
fréttamaður hef ég reglulega
fengið að heyra það fyrir skrif
mín. Misjafnlega mikið auðvitað
eins og gengur og gerist en það
fylgir þessu. Það væri ekkert
gaman að þessu ef allir væru
sammála um allt, alltaf.
Eins og ég hef áður komið
inn á hér í Bakvarðadálkinum
hef ég fengið símtöl þar sem ég
hef svo gott sem fengið á lúð-
urinn frá ósáttum lesendum,
sem og í tölvupóstum þótt það
hafi reyndar dregið aðeins úr
því.
Ég hef hins vegar einu sinni
fengið alvöruhnefa á lúðurinn en
það gerðist í Liverpool fyrir
tæpum tuttugu árum. Ég var
þar staddur til þess að fylgjast
með mínum mönnum í Bítla-
borginni í undanúrslitum
Evrópudeildarinnar þar sem
andstæðingurinn var Celtic.
Borgin var troðfull af stuðnings-
mönnum skoska liðsins og þeir
létu vel í sér heyra meðan á
dvöl þeirra stóð.
Einhvern veginn tókst mér
að enda með nokkrum þeirra í
lyftu á ónefndu hóteli í borginni.
Þeir létu nokkur vel valin orð
falla um mína menn eftir 2:0-
tap Liverpool sem ég átti erfitt
með að sitja undir. Unglingurinn
í mér ákvað að svara þeim með
þeim afleiðingum að ég fékk
einn á lúðurinn. Bara einn samt.
Þetta var ákveðin lexía fyrir
mig, sem segir sig eflaust sjálft,
enda haldið mig á mottunni síð-
an. Ég tók áhugavert viðtal við
Arnar Gunnlaugsson, þjálfara
Víkings í Reykjavík, um daginn
sem birtist á íþróttasíðum
Morgunblaðsins. Þar talaði hann
um að það væri stundum betra
að halda bara kjafti. Orð að
sönnu.
Menn læra og lifa, þannig er
það víst í þessu blessaða lífi.
BAKVÖRÐUR
Bjarni Helgason
bjarnih@mbl.is
KÖRFUBOLTINN
Kristján Jónsson
kris@mbl.is
KR er í erfiðri stöðu í neðsta sæti
Dominos-deildar kvenna í körfuknatt-
leik eftir leiki gærkvöldsins. KR fór í
Stykkishólm og þar hafði Snæfell bet-
ur 77:61 í afar mikilvægum leik í bar-
áttunni um áframhaldandi sæti í efstu
deild að ári.
Snæfell er með sex stig og er því
tveimur stigum fyrir ofan KR. Ljóst
er að annað hvort þessara lið mun
þurfa að falla niður um deild. KR-liðið
getur enn bjargað sér en þarf þá að
gera vel í síðustu umferðunum en KR
á eftir að mæta Breiðabliki og Hauk-
um á heimavelli og Fjölni á útivelli.
Snæfell á eftir að mæta Skallagrími og
Val á útivelli og Breiðabliki á heima-
velli. Snæfelli nægir nú að vera með
jafnmörg stig og KR, sem þarf því tvo
sigra.
Haiden Denise Palmer átti stór-
brotinn leik fyrir Snæfell. Hún skoraði
39 stig og var með fína skotnýtingu.
Tók níu fráköst, gaf sjö stoðsendingar,
stal boltanum sex sinnum og hvíldi
ekki eina einustu sekúndu. Anna
Soffía Lárusdóttir lék einnig allar 40
mínúturnar hjá Snæfelli og skoraði 16
stig. Annika Holopainen skoraði 16
stig fyrir KR og tók 11 fráköst og
Perla Jóhannsdóttir skoraði 14 stig.
Breiðablik kom geysilega á óvart í
kvöld og vann Keflavík í Smáranum
73:66. Valskonur gátu aukið forskot
sitt upp í fjögur stig tækist liðinu að
vinna Skallagrím en leiknum var ekki
lokið þegar blaðið fór í prentun.
Keflavík og Haukar eru með 26 stig
en Valur 28 stig. Haukar töpuðu einn-
ig í kvöld. Fyrir Fjölni 73:65 í Graf-
arvogi. Fjölnir er með 24 stig.
Breiðablik er með 12 stig og með
sigrinum á Keflavík sleit liðið sig end-
anlega frá Snæfelli og KR.
Iva Georgieva var stigahæst hjá
Breiðabliki með 28 stig og Ísabella
Ósk Sigurðardóttir tók 16 fráköst og
skoraði auk þess 12 stig. Daniela Wal-
len Morillo skoraði 19 stig fyrir Kefla-
vík, tók 19 fráköst og stal boltanum
sex sinnum. Anna Ingunn Svansdóttir
skoraði 18 stig fyrir Keflavík.
Í leik Fjölnis og Hauka skoraði Ar-
iel Hearn 29 stig fyrir Fjölni, tók níu
fráköst og gaf sjö stoðsendingar. Hún
lék allar 40 mínúturnar. Landsliðs-
konan Sara Rún Hinriksdóttir var
stigahæst hjá Haukum með 19 stig og
tók níu fráköst.
Óvænt úrslit í Smáranum
- Mikilvægur sigur hjá Snæfelli gegn
KR - Keflavík og Haukar töpuðu
Morgunblaðið/Eggert
Í Dalhúsum Lina Pikciuté reynir skot en Lovísa Hennings er til varnar.
Knattspyrnudeild ÍBV hefur rift
samningi sínum við enska fram-
herjann Gary Martin og greindi frá
því á heimasíðu félagsins í gær.
Martin sendi í framhaldinu frá sér
yfirlýsingu þar sem hann greindi
frá málsatvikum. Segist hann hafa
tekið mynd í búningsklefa liðsins og
sent myndskeiðið á leikmenn liðsisn
á Snapchat. Samherji Martins sem
var á myndinni kærði sendinguna
til lögreglunnar. Martin segist hafa
leitað sátta en hvorki leikmaðurinn
né stjórn ÍBV hafi haft áhuga á því
að hans sögn. sport@mbl.is
Martin kærður af
liðsfélaga sínum
Ljósmynd/Sigfús Gunnar
Kærður Gary Martin stendur í
ströngu um þessar mundir.
Knattspyrnukonan Hólmfríður
Magnúsdóttir mun leika með Sel-
fossi í úrvalsdeild kvenna, Pepsi
Max-deildinni, í sumar.
Vísir greinir frá þessu í gær en
Hólmfríður tilkynnti í síðasta mán-
uði að knattspyrnuskórnir væru
komnir á hilluna.
Hólmfríður, sem er 36 ára gömul,
hefur leikið með KR, ÍBV, Val og
Selfossi og þá hefur hún einnig leik-
ið með Valdsnes í Noregi, Fortuna
Hjørring í Danmörku, Kristianstad
í Svíþjóð og Philadelphia Independ-
ence í Bandaríkjunum.
Hólmfríður hætt
við að hætta
Morgunblaðið/Eggert
Reynd Hólmfríður Magnúsdóttir
ætlar að taka slaginn í sumar.
Skíðamót Íslands í alpagreinum og
skíðagöngu auk Snjóbrettamóts Ís-
lands fer fram á Akureyri næstu
þrjá daga. Ákvörðun um þetta var
tekin með mjög stuttum fyrirvara
eins og það var orðað í tilkynn-
ingu frá Skíðasambandinu.
Mótið hófst raunar í gærkvöldi
með sprettgöngu venju samkvæmt
en Skíðamót Íslands hefst gjarnan
með þeirri grein.
Fyrir utan sprettgönguna verð-
ur keppnin afgreidd næstu tvo
daga ef áætlarnir ganga eftir.
Stórsvigið er á dagskrá í dag og
svigið á morgun. Keppt verður í
10 og 15 kílómetra skíðagöngu í
dag en á morgun verða 5 og 10
kílómetrar gengnir.
Á snjóbrettum verður keppt í
brettafimi í dag og í risastökki á
morgun. Á ensku eru þessar
greinar þekktar sem slopestyle og
big air.
Til stóð fyrr í mánuðinum að
Skíðamót Íslands færi fram í Hlíð-
arfjalli 22.-24. apríl, samhliða
Andrésar Andar-leikunum.
Unglingameistaramóti Íslands
hefur hins vegar verið aflýst
vegna heimsfaraldursins. Er það
annað árið í röð sem mótið fellur
niður.
Mótið mun
fara fram í
Hlíðarfjalli
Manchester City gerði frábæra ferð
til Parísar þar sem það vann 2:1-
sigur gegn heimamönnum í París
Saint-Germain í fyrri leik liðanna í
undanúrslitum Meistaradeildar Evr-
ópu í knattspyrnu í gær.
Staðan hjá Man City er því ansi
góð fyrir síðari leik liðanna í Man-
chester næstkomandi þriðjudag,
enda með samanlagða forystu og lið-
ið búið að skora tvö útivallarmörk.
Parísarliðið náði þó forystunni í gær
þegar Marquinhos skoraði eftir und-
irbúning Ángels Di María.
Var staðan 1:0 að loknum fyrri
hálfleik og City svaraði með tveimur
mörkum í síðari hálfleik. Kevin De
Bruyne jafnaði á 64. mínútu þegar
sending hans inn á teiginn sigldi alla
leið í netið. Sigurmarkið skoraði
Riyad Mahrez beint úr aukaspyrnu á
71. mínútu. gunnaregill@mbl.is
AFP
Fögnuður Riyad Mahrez var vel fagnað af samherjum sínum í gær.
Manchester City
á leið í úrslitaleikinn?
Víðir Sigurðsson
vs@mbl.is
Ljóst er að karlalandsliðið í
körfuknattleik á mjög erfitt verk-
efni fyrir höndum í ágústmánuði
þegar það tekur þátt í annarri
umferð forkeppni heimsmeist-
aramótsins.
Liðið tryggði sér sæti þar með
því að vinna sinn riðil í fyrstu um-
ferðinni í vetur, eftir baráttu við
Slóvakíu, Lúxemborg og Kósóvó.
Nú bíða öllu sterkari andstæð-
ingar en Ísland mætir Danmörku
og Svartfjallalandi í einum af
fjórum þriggja liða riðlum í ann-
arri umferðinni.
Tvö efstu liðin komast í sjálfa
undankeppnina sem hefst síðar í
haust.
Svartfjallaland er í 26. sæti á
heimslista FIBA, Ísland í 46. sæti
og Danmörk í 56. sæti en það seg-
ir lítið um styrkleika liðanna.
Danir hafa oft verið með svipað
lið og Íslendingar en nú virðast
þeir mun sterkari. Danir gerðu
sér lítið fyrir og sigruðu hið
sterka lið Litháen á útivelli, 80:76,
í undankeppni EM á síðasta ári og
töpuðu seinni leiknum með eins
stig mun í febrúar. Þá unnu Danir
sigur á Tékkum í sömu keppni.
Svartfellingar sigruðu Þjóð-
verja tvisvar og Breta einu sinni í
sömu undankeppni og töpuðu með
tveggja stiga mun fyrir öflugu liði
Frakka.
Sennilega getur Ísland notið
liðsstyrks Martins Hermannsson-
ar í þessum leikjum en sumarið er
eini tíminn þar sem leikmenn liða
í Euroleague eiga möguleika á að
spila fyrir sín landslið.
Mjög erfitt verkefni
Íslands í ágúst
Morgunblaðið/Kristinn Magnússon
HM Martin Hermannsson gæti spil-
að með landsliðinu í ágústmánuði.