Morgunblaðið - 22.05.2021, Qupperneq 10

Innlent
MORGUNBLAÐIÐ LAUGARDAGUR 22. MAÍ 2021
Tökum
forystu
Opnara, frjálsara
og betra Ísland
Prófkjör Sjálfstæðisflokksins
í Reykjavík 4. – 5. júní.
Friðjón Friðjónsson
í 4. sæti
STANGVEIÐI
Einar Falur Ingólfsson
efi@mbl.is
Ófáir stangveiðimenn kjósa að mæta
vorinu við eitthvert eftirlætisvatnið.
Sjá þar farfuglana streyma að,
fyrstu grænu nálarnar pota sér upp
úr sinugulum sverði, brum opnast á
kjarrinu og, ef lífið leikur við þá,
upplifa fyrstu silungatökur ársins.
Þeir sem reyndu fyrir sér í vorveiði
á sjóbirtingi veiddu víða ágætlega í
apríl og framan af maí. Erfiðara
virðist hafa verið í vatnaveiði víða í
maí enda hefur legið í endalausum
norðanáttum og kuldum, oft með til-
heyrandi næturfrosti, en við slíkar
aðstæður lifnar lífið rólega í vötn-
unum. Á því eru þó undantekningar.
Eitt hinna vinsælu vorveiðivatna er
Hlíðarvatn í Selvogi og þar hefst
veiðin 1. maí ár hvert, á vegum fimm
veiðifélaga sem samtals fara með 14
dagsstangir. Hvort sem ástæðan er
jarðskjálftahrinurnar síðla vetrar og
snemma í vor eða að tignarlegur
strókurinn frá eldgosinu í Geldinga-
dölum sem rís vestan við vatnið örvi
áhuga bleikjanna, eins og einhverjir
gárungar hafa velt fyrir sér, þá er
víst að veiðin í vatninu það sem af er
mánaði hefur verið gríðarlega góð.
Bleikjan er þekkt fyrir að vera dynt-
ótt, tekur stundum ekkert heilu dag-
ana, eða af kappi í stuttan tíma og
hættir svo. En í vor hafa margir
veiðimenn við vatnið lent í því að
bleikjur taka og taka, og tökunni
ætlar bara ekkert að linna.
Undirritaður er einn unnenda
Hlíðarvatns og þar hef ég kosið
undanfarna tvo áratugi að mæta
vorinu þegar það kemur til landsins.
Oft hef ég veitt vel, stundum verr,
eins og gengur. En í meira en sjötíu
veiðiferðum í vatnið, nær eingöngu í
maímánuði, hef ég aldrei fengið jafn
margar tökur og í vor. Ekki bara í
einni veiðiferð nú heldur alla þrjá
dagana sem ég hef verið við vatnið.
Fyrstu daga maímánaðar var fín
meðalveiði, má sjá í veiðibókum
tveggja félaganna sem stunda vatn-
ið. En svo datt þessi ævintýralega
taka í gang. Sem dæmi um lífið þá
hefur þótt gott hjá veiðifélaginu Ár-
bliki, með tvær dagsstangir, að
sumarveiðin hafi náð 600 bleikjum.
Þann 18. maí höfðu þegar verið
skráðar 280 þar í bók. Og í nokkra
daga hafði hver veiðimaður verið að
fá 20 til 40 fiska á dag, fiska frá
„pönnustærð“ – svona 33 cm – og
stærri. Í veiðibókum Ármanna og
Árbliks voru stærstu bleikjur 62 cm
og allnokkrar um 53 til 55 cm.
Undirritaður hefur veitt hóflega en
samt fært um 90 fiska til bókar. Hóf-
semi er vitaskuld dyggð við veiðar
og hefur um helmingur bleikjanna
fengið að synda aftur út í vatnið –
aðrar hafa glatt fólk víða við matar-
borð. Þessi einstaka tökugleði hlýtur
að vera undantekning en gaman er
það meðan á því stendur.
Fyrstu laxar ljósmyndaðir
Nú er rétt rúm vika í að byrjað
verði að kasta fyrir laxa í fyrstu án-
um og lax er þegar mættur í ein-
hverjar. Vika er til að mynda síðan
fyrstu nýrenningarnir voru mynd-
aðir á Lækjarbreiðu í Laxá í Kjós.
Leigutakar hafa verið önnum kafnir
við að undirbúa veiðihúsin fyrir sum-
arið og þeir sem blaðamaður hefur
heyrt í bera sig vel hvað sölu lax-
veiðileyfa varðar. Eftir hið erfiða
sumar í fyrra, þegar fjöldi erlendra
veiðimanna komst ekki til landsins
vegna veirufaraldursins, segja leigu-
takar nú undantekningalítið veiði-
leyfin vera uppseld. Og von er á
bólusettum veiðimönnum víða að. Þá
er bara að hafa áhyggjur af því hvort
lax skili sér í einhverju magni – og
hvort rigni. Ekki mun veita af.
Morgunblaðið/Einar Falur
Veiðigleði Birgir Snæbjörn Birgisson háfar eina af þeim bleikjum sem tóku
flugur hans í Hlíðarvatni í Selvogi en veiðin þar hefur verið mjög góð.
Bleikjan afar tökuglöð
undir gosstróknum
- Margir upplifa aflahrotur í Selvogi - Styttist í laxveiðina
Ljósverk eftir Ólaf Elíasson í turni
Hallgrímskirkju, sem borgarráð
Reykjavíkur samþykkti á fimmtu-
dag að taka þátt í að fjármagna, er
enn á hugmyndastigi og í þróun, að
sögn Sigríðar Hjálmarsdóttur, fram-
kvæmdastjóra kirkjunnar.
Sigríður segir að verkið muni
styrkja turn kirkjunnar enn frekar
sem áfangastað. Um 1-1,5 milljónir
ferðamanna koma í kirkjuna árlega.
Þar af hafa 260-320 þúsund lagt leið
sína upp í turninn gegn greiðslu.
Tekjur kirkjunnar af ferðafólki síð-
ustu ár hafa verið árlega í kringum
300 milljónir.
Hugmyndaverk Ólafs og stúdíós
hans í Berlín tengir saman turnhæð-
irnar tvær og klukkuportið. Þá verð-
ur sérstakri ljóseiningu komið fyrir
sem myndar ljósbrot/regnboga í um
500 metra radíus við kirkjuna. Til-
lögur Ólafs að verkinu eru trún-
aðargagn þar til listamaðurinn af-
léttir þeim trúnaði.
100 milljónir á ári í viðgerðir
Í fundargerð borgarráðs segir að
hlutur borgarinnar í kostnaðinum
nemi 20 milljónum króna, á móti
styrk ríkisins og annarra aðila auk
tekna af aðgangseyri. Heildarkostn-
aður við verkið er áætlaður 110
milljónir króna og deilast styrkirnir
niður á nokkur ár.
Sigríður segir kirkjuna vera mjög
þakkláta fyrir alla þá styrki sem hún
hefur fengið.
„Við munum nýta þessa styrki að
hluta til í nauðsynlegt viðhald til
þess að undirbúa turninn fyrir verk-
ið. Hann hefur í raun og veru aldrei
verið almennilega kláraður,“ segir
Sigríður. Hún segir að þetta viðhald
muni að öllum líkindum standa fram
á næsta ár og í framhaldinu verði
listaverkinu komið fyrir. Viðhald á
kirkjunni kostaði 120 milljónir árið
2019 en kostar að jafnaði um 100
milljónir á ári að því er kemur fram í
greinargerð kirkjunnar sem send
var til Reykjavíkurborgar. Þar kem-
ur enn fremur fram að lang-
tímaskuld Hallgrímskirkju vegna
viðgerða á turninum nam 100 millj-
ónum í árslok 2019. urdur@mbl.is
Ljósverk í kirkjuturni í þróun
- Kostnaður við listaverkið nemur 110 milljónum króna
Morgunblaðið/Árni Sæberg
Hallgrímskirkja Ljósverkið mun mynda regnboga í 500 metra radíus.