Morgunblaðið - 22.05.2021, Síða 44

Árni Matthíasson
arnim@mbl.is
Tónlistarhátíðin Músíktilraunir verður haldin
í 38. sinn nú um helgina, en þá keppa 45
hljómsveitir víða að af landinu um þátttöku-
rétt í úrslitum tilraunanna sem haldin verða
um næstu helgi. Keppnin verður haldin í
Hörpu, líkt og undanfarin ár, og vegna Cov-
id-faraldursins verður takmarkaður fjöldi
miða í boði.
Músíktilraunir voru fyrst haldnar í nóv-
ember 1982, en þá stóðu Tónabær, sem var
tónleikasalur og félagsmiðstöð í Skaftahlíð,
og SATT, samtök tónlistarmanna, fyrir fjög-
urra kvölda hljómsveitakeppni sem lyktaði
með maraþontónleikum. Eins og getið er
verða tilraunirnar í ár þær 38. í sögunni, en
keppni féll niður vegna verkfalls kennara
1984 og svo á síðasta ári vegna Covid-19. Að
því sögðu má geta þess að flestar sveitanna
sem skráðu sig til leiks í fyrra verða með í
ár, margar þó með ýmsum mannabreyt-
ingum.
Fjögur undankvöld
Undankvöld tilraunanna verða fjögur. Í
dag keppa hljómsveitirnar Continue, Demo,
Fógeti, Grafnár, Keikó, Konráð Óskar, Little
Menace, Rós, Salamandra og Tær. Keppnin
hefst kl. 16 til að koma til móts við þá sem
ætla í Evróvisjónpartí, en hin undankvöldin
hefst keppni kl. 19.30.
Á morgun, sunnudag, kl. 19.30 keppa
7.9.13, Aría, Buttercups, Krownest, LÍM-
BANDIÐ, Oddweird, Píparkorn, Rúnar
Breki, Sleem, The Parasols og Tötrar.
Mánudagskvöldið eru það Atli, Ballados,
Cosmic Onion, Dóra og Döðlurnar, E.C.,
Dopamine Machine, Eilíf sjálfsfróun, Karma
Brigade, Lamine Flow, Ólafur Kram, YoYo69
og Ælupestó sem koma fram.
Síðasta undanúrslitakvöldið verður svo á
þriðjudagskvöld, en þá keppa Benedikt, El
Royale, Fjórir sveitastrákar, Ingo is an art-
ist, Jengah, Kisimja, Merkúr, Mersier, Ólaf-
ur, Sindri og Andri, Skullcrusher og Æsa.
Verðlaunafjöld
Verðlaun á Músíktilraunum eru veitt fyrir
1., 2. og 3. sæti og einnig veitt verðlaun fyrir
hljóðfæraslátt, söng og íslenska texta og
„rafheili“ Músíktilrauna fær viðurkenningu.
Hljómsveit fólksins er valin í símakosningu.
Hljómsveitirnar sem komast í úrslit eiga
þess kost að taka þátt í svonefndum Hita-
kassa, en það er nýliðanámskeið í hljóm-
sveitaiðju sem haldið er í samvinnu við Útón
og Tónlistarborgina Reykjavík.
Á hverju undankvöldi velur salur eina
hljómsveit áfram í úrslit og dómnefnd eina,
en dómnefnd getur svo bætt í úrslit hljóm-
sveitum úr undankeppninni sýnist henni svo.
Á úrslitakvöldi velur dómnefnd vinnings-
sveitir.
Dómnefndina 2021 skipa ofanritaður og
Arnar Eggert Thoroddsen, Hildur Guðný
Þórhallsdóttir, Hrafnkell Örn Guðjónsson,
Kristján Kristjánsson, Ragnheiður Eiríks-
dóttir og Steinunn Sigþrúðardóttir Jóns-
dóttir.
Sigurvegarar og stjörnur
Sigursveitir Músíktilrauna hafa margar
náð langt, sumar heimshylli, til að mynda
Greifarnir, Stuðkompaníið, Infusoria, sem
breyttist í Sororicide, Kolrassa Krókríðandi,
Maus, Botnleðja, Mínus, 110 Rottweiler
hundar, sem urðu síðar XXX Rottweiler
hundar, Mammút, Jakobínarína, Agent
Fresco, Bróðir Svartúlfs, sem varð Úlfur Úlf-
ur, Of Monsters and Men og Vök.
Einnig hafa liðsmenn tilraunahljómsveita
vakið athygli einir síns liðs eða með öðrum
hljómsveitum og nægir þar að nefna Jón Þór
Birgisson, Jónsa í Sigur Rós, sem keppti
tvisvar með hljómsveitinni Bee Spiders,
Auði, eða Auðun Lúthersson, sem keppti ým-
ist sem söngvari, gítarleikari, trommuleikari
eða tölvuþór með Sound of Seclusion 2009,
með 3000 miles & above árið 2010, „Hæ
Vektor Hekltor!“ 2011, með Tuttugu 2014 og
með C A L I C U T 2015. Annað þekkt nafn
úr Músíktilraunum er Daði Freyr Pétursson,
sem sigraði með RetRoBot 2012 og var þá
líka valinn rafheili tilraunanna, en er nú
þekktastur sem Gagnamagnsforingi.
Morgunblaðið/Árni Sæberg
Sigursveit Blóðmör sigraði í Músíktilraunum 2019 með blöndu af pönki og þungarokki.
Ljósmynd/Músíktilraunir
Þungarokk Merkúr var stofnuð 2017 til að endurlífga tónlistarsenuna í Vestmannaeyjum.
Angist Grafnár spilar tónlist þar sem umfjöllunarefnið er sálarangist
lituð af lífi í íslensku strjálbýli, eins og sveitin lýsir því.
Kássa Little Menace snýr aftur með tónlist sem sveitarmenn lýsa sem
svo að ólíkir tónlistarsmekkir komi saman í kássu til að gera hávaða.
Tónlistartilraunahátíðin mikla
- Músíktilraunir hefjast í kvöld - 45 hljómsveitir keppa á fjórum kvöldum um sæti í úrslitum
Poppklassík Sóley Anna Benónýsdóttir og
Nikolaus Weissgerber kalla sig Buttercups og
spila einfalda poppmúsík með klassísku ívafi.
Rappjazz Rúnar Breki Rúnarsson er rappari,
söngvari og gítarleikari og lýsir tónlist sinni
sem tilraunarkenndu rappi, neo-soul og jazz
með einhverjum öðrum áhrifum inn á milli.
Draumur Tónlist Ingveldar Þóru Samúels-
dóttir, Ingo is an Artist, er einlægt og
draumkennt ferðalag um hugleiðingar henn-
ar og tilfinningar, jafnt flóknar sem hvers-
dagslegar.
Englagubb Cosmic Onion frá Reykjavík spil-
ar að mestu leyti instrumental tónlist „sem
englar og/eða fjölvíddaverur munu háma í sig
og kasta upp svo henni rignir yfir okkur“.
Blæbrigði Salamandra byrjaði sem tvíeyki en
er nú orðin tríó. Tónlistin er sambland raf-
tónlistar og akústískra elementa og er inn-
blástur sóttur í hina ýmsu stíla.
Óreiða Kvintettinn Ólafur Kram lýsir tónlist
sinni sem skipulagðri óreiðu með súrrealíska
texta og draumkennda hljóma sem rauða
þræði í lagasmíðunum.
44 MENNING
MORGUNBLAÐIÐ LAUGARDAGUR 22. MAÍ 2021