Fréttablaðið - 15.10.2021, Side 34

Ástkær eiginkona mín, móðir okkar,
tengdamóðir og amma,
Hólmfríður Inga
Guðmundsdóttir
lést þriðjudaginn 12. október
á Landspítalanum í Fossvogi.
Útförin fer fram frá Garðakirkju í Görðum
á Álftanesi, þriðjudaginn 19. október klukkan 13.00.
Sérstakar þakkir færum við starfsfólki B2 á LSH
fyrir umönnun og hlýhug.
Þeim sem vilja minnast hennar er bent á Barnaheill.
Sveinn Ingi Sigurðsson
María Ósk Sigurðardóttir Anders Bramsen
Arnar Ingi Sigurðsson Benna Þórhallsdóttir
Rakel Rut Sigurðardóttir Kristinn Týr Gunnarsson
og barnabörnin: Gabríel, Ísak, Esja, Bríet, Malín, Íris,
Alexía, Aþena, Theodór og Gunnar.
Elsku pabbi okkar, afi,
bróðir, frændi og vinur,
Jón Grímsson
frá Ísafirði,
skipstjóri, smiður,
sögumaður og húmoristi,
andaðist á heimili Jóhönnu dóttur sinnar í Seattle
10. október sl. Minningarathöfn verður haldin síðar.
Linda Grímsson
Jóhanna Jenny Jónsdóttir Brannon McCarthy
Leah Katrín Jónsdóttir
Rúnar Grímsson
Sigurður Grímsson
Sigrún Grímsdóttir
Ása Grímsdóttir
Bárður Grímsson
afabörn, frændsystkin og vinir.
Ástkær eiginmaður, faðir, tengdafaðir,
afi, langafi og langalangafi,
Hlöðver Guðmundsson
húsgagnabólstrari,
lést á Sjúkrahúsi Suðurlands þann
9. október. Bálförin fer fram frá
Fossvogskirkju á 95 ára afmælisdegi hans,
fimmtudaginn 21. október klukkan 15.00.
Steinvör Esther Ingimundardóttir
börn, tengdabörn, barnabörn og aðrir aðstandendur.
Elskulegur eiginmaður minn,
faðir okkar, tengdafaðir, afi og langafi,
Halldór Ólafur Bergsson
bifreiðarstjóri,
Yrsufelli 13,
andaðist á Líknardeild Landspítalans
þann 8. október í faðmi fjölskyldunnar.
Útförin fer fram frá Fella- og Hólakirkju mánudaginn
18. október kl. 13.00.
Lilja S. Mósesdóttir
Móses Helgi Halldórsson Borghildur Fjóla Kristjánsdóttir
Ester R. Lathrop Ryan Lathrop
Ólöf Sif Halldórsdóttir Bjarki Gannt Joensen
og afabörnin.
Ástkær móðir okkar, systir,
tengdamóðir, amma og langamma,
Kristbjörg Jóhannesdóttir
(Kittý)
Æsufelli 2,
lést á lungnadeild Landspítala
þriðjudaginn 5. október.
Útförin fer fram frá Fella- og Hólakirkju
miðvikudaginn 20. október klukkan 15.
Gunnar Þór Jónsson Eyrún Ingadóttir
Birna Kristín Jónsdóttir Haraldur Páll Jónsson
Kristín Bárðardóttir Garðar Garðarsson
Soffía Sveinsdóttir
ömmu- og langömmubörn
og aðrir aðstandendur.
1674 Torsåker nornaréttarhöldin í Svíþjóð hefjast. 71 er
hálshöggvin/n eða brennd/ur á báli.
1866 Stórbruni í Quebec í Kanada eyðileggur 2.500 hús.
1878 Rafmagnsljósafyrirtæki Edisons, Electric Light
Company, er stofnað.
1880 Lokið við byggingu dómkirkjunnar í Köln í Þýsk-
landi, 633 árum eftir að framkvæmdir hófust.
1889 Aðallestarstöðin í Amsterdam formlega opnuð.
1904 Japanir brjóta sókn Rússa á bak aftur í orrustunni
um Shaho. Japanir missa 16 þúsund menn og hjá
Rússum falla sextíu þúsund í valinn.
1929 Fimleikafélag Hafnarfjarðar er stofnað í Hafnarfirði.
1941 Fyrstu fjöldanauðungarflutningar gyðinga til
Austur-Evrópu.
1944 Flokkur þjóðernissinna nær völdum í Ungverja-
landi.
1951 Egypska þingið fellur frá samkomulaginu um
Súezskurðinn.
1958 Sovétríkin gera tilraun með kjarnorkusprengju á
Novaya Zemlya.
1970 Brú yfir ána Yarra í Melbourne í Ástralíu hrynur og
35 farast.
Merkisatburðir
Myndlistarmaðurinn Sindri Leifs­
son opnar sýninguna Næmi, næmi,
næm, í Ásmundarsal í kvöld, þar
sem hann stefnir að því að örva öll
möguleg skilningarvit gesta.
arnartomas@frettabladid.is
„Eins og nafnið gefur til kynna þá er ég
að vinna mikið með næmina á þessari
sýningu sem verður alltumlykjandi,“
segir Sindri Leifsson listamaður sem
opnar sýninguna Næmi, næmi, næm í
Ásmundarsal í kvöld.
Sem áður er Sindri mikið að vinna
með timbur í verkum sínum og vísar
mikið í skógarheiminn á sýningunni,
en hann notar efnivið frá Hellisheiði og
Hólmsheiði í skúlptúrana á sýningunni.
„Ég fékk líka tvö þúsund lítra af viðar­
kurli frá Skógræktarfélaginu í Reykjavík
sem mun spila veigamikið hlutverk,“
segir Sindri símleiðis, á meðan hann
gengur um og undirbýr sýningarrýmið.
„Það brakar í kurlinu undan fótunum
á mér og það er gríðarmikil lykt sem
fylgir þessu þegar gengið er inn í rýmið.
Gestir munu ganga inn í heim þar sem
öll skilningarvitin fara á fullt.“
Fjölhæft lerki
Á sýningunni er stefnt á að örva öll
skilningarvit gestanna og þar verður
lögð sérstök áhersla á bragðskynið.
Þar veltir Sindri fyrir sér spurningunni
hvort matur geti verið list, ásamt Kjart­
ani Óla Guðmundssyni veitingamanni
og Jóhönnu Rakel Jóhannsdóttur
myndlistar­ og tónlistareinstaklingi.
„Auk almennu innsetningarinnar
sem verður opnuð í dag hef ég verið
að vinna með þeim að þremur kvöld­
verðarboðum. Þar höfum við búið til
marg rétta matseðil þar sem gestum er
boðið inn á risastórt langborð,“ segir
Sindri. „Allur maturinn er gerður undir
áhrifum þeirra verka sem eru til sýnis
á sýningunni. Þetta er ákveðið samtal
sem við höfum átt til að útbúa listaverk
sem eru æt.“
Sindri segir að þríeykið hafi fyrst og
fremst hugsað um matinn sem mat, en
hagað því þannig að hægt sé að líta á
hann sem listaverk. „Maturinn breytist
í myndlist og myndlistin í matargerð,“
útskýrir Sindri.
Eitt verkið á sýningunni eru lerki­
standar sem gerðir eru fyrir einmitt
einn chili­pipar en á kvöldverðarboð­
unum skipta standarnir um hlutverk og
gegna stöðu diska. „Það kemur skúlp­
túr á borðið fyrir hvern og einn sem
fær réttinn á nokkurra kílóa þungum
lerkidiski,“ segir Sindri. „Sá réttur er í
raun og veru búinn til út frá því hvernig
skúlptúrinn varð til. Við erum að leyfa
okkur að brjóta aðeins upp formið hvað
varðar bæði list og matargerð.“
R&B (rapp og bláskel)
Af þeim pörunum sem verða í boði
segist Sindri einna spenntastur fyrir
bláskel og hipphoppi.
„Þar verður færð bláskel á borð og
einmitt þá verður blastað hipphopp­
lagi í bakgrunni,“ segir Sindri. „Hljóð­
myndin er líka inni í skynjuninni. Þetta
mun umlykja mann alveg.“
Þótt sýningin sé að stórum hluta
samvinnuverkefni segir Sindri hana
vera framhald af sinni eigin myndlist.
„Ég hef verið að vinna með náttúruleg
hráefni og reyni að leyfa hráleikanum
að njóta sín innan verkanna í bland við
meira unna f leti,“ segir hann.
Sýningin hefst klukkan 18 í kvöld en
hægt er að kaupa miða á kvöldverðar­
boðin á heimasíðu Ásmundarsalar. n
Áhlaup á skilningarvitin
Sindri er spenntastur fyrir pörun bláskeljar og hipphopps. FRÉTTABLAÐIÐ/ERNIR
Gestir munu ganga inn í
heim þar sem öll skiln-
ingarvitin fara á fullt.
TÍMAMÓT FRÉTTABLAÐIÐ 15. október 2021 FÖSTUDAGUR