Fréttablaðið - 15.10.2021, Side 46

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Við spiluðum einu
sinni fótbolta saman
úti í Berlín hérna um
aldamótin.
Óttar
toti@frettabladid.is
Jólalögin eru byrjuð að óma í höfði
Siggu Beinteins svo undur hljóm­
fögur að þau halda næstum fyrir
henni vöku, enda er hún löngu
byrjuð að undirbúa jólatónleikana
sína sem hún heldur í ellefta sinn í
byrjun desember.
„Ég var með streymi í fyrra og
það verður að segjast að mikil
spenna leikur í loftinu eftir því að
geta farið aftur á svið með jólatón­
leikana og hafa fólk í Eldborgar­
salnum,“ segir Sigga.
Hún bætir við að það hafi verið
sérstakt og tekið svolítið á að
syngja fyrir tómum sal í fyrra. „En
Guð minn góður, núna fáum við að
gera þetta fyrir fullan sal af fólki
og þetta er náttúrlega alveg tvennt
ólíkt.“
Gestir og óskalög
Fullur salur af fólki gefur Siggu
vitaskuld tilefni til að tjalda öllu til.
„Ég er með alveg frábæra gesti í ár.
Þau eru náttúrlega bara hvert um
sig alveg bara æðisleg,“ segir Sigga
um þau Ellen Kristjáns, Katrínu
Halldóru, Gissur Pál og Bjarna Ara,
sem verða með henni ásamt Karla­
kórnum Fóstbræðrum.
„Það er gaman að fá að velja með
þeim lögin sem þau syngja,“ heldur
Sigga áfram og segir gestina að sjálf­
sögðu velja sín lög en hún sé einnig
með nokkur óskalög.
Vaknar við jólabjöllur
Sigga er eðli málsins samkvæmt
komin snemma í jólastuð en segist
hins vegar aldrei fá leið á þessu. „Ég
er nú löngu byrjuð að vinna í tón­
leikunum og er að leggja lokahönd
á lagalistann núna,“ segir Sigga, sem
hlustar á jólalögin dagana langa
við undirbúninginn. „Ég náttúrlega
vakna með þetta í hausnum þannig
að maður er alveg kominn svolítið
inn í þetta.“
Sigga bætir við að miðasalan á
jólatónleikana sem hún kallar venju
samkvæmt Á hátíðlegum nótum sé
komin á fleygiferð hjá Hörpu og Tix.
is. „Ég er bara rosalega ánægð með
það. Ég held líka að fólk sé svo til­
búið einmitt núna að fara á viðburði
,þannig að ég held að fólk ætti ekk­
ert að bíða ef það ætlar sér á tónleika
eða annað slíkt.“ n
Sigga vaknar með jólalög í höfðinu
Sigga Beinteins og gestir stíga út úr streyminu á svið Eldborgar. MYND/AÐSEND
HÄSTENS VERSLUN
FAXAFENI 5, REYKJAVÍK
588 8477
VERTU
VAKANDI
Í FYRSTA
SKIPTI
Á ÆVINNI
Komdu til okkar og prófaðu
einstök gæði Hästens rúmanna.
Starfsfólk okkar er tilbúið
að aðstoða þig og veita frekari
upplýsingar.
Þegar þú vaknar í rúmi frá Hästens munt þú skilja
virði þess að ná fullkomnum nætursvefni. Rúmin
eru framleidd með einstöku samspili handverks og
hráefna þar sem hvergi eru gerðar málamiðlanir í
gæðum náttúrulegra efna eða tíma við óþreytandi
handverkið. Þú sérð það ekki en þú munt finna fyrir
því. Allan sólarhringinn. Heimsæktu Hästens í
Faxafeni eða pantaðu vörulistann á hastens.com.
30 Lífið 15. október 2021 FÖSTUDAGURFRÉTTABLAÐIÐ
Óttar Guðmundsson og Einar
Kárason hafa lengi lifað og
hrærst með Sturlungum og
verða á þeirra slóðum um
helgina og bjóða til skemmti­
legrar fræðaveislu í Kakala­
skála, þar sem Óttar nýtir
geðlæknisfræðina en Einar
tekur bókmenntavinkilinn.
odduraevar@frettabladid.is
„Við ætlum að vera þarna fyrir
norðan í Skagafirði, í Kringlumýri,
í hinum svokallaði Kakalaskála hjá
Sigurði Hansen og vera þar með
Sturlungaprógram á laugardag­
inn frá 13­16,“ segir geðlæknirinn
Óttar Guðmundsson, auðheyrilega
spenntur fyrir helginni.
„Við munum sjálfir tala um Sturl­
unga út frá okkar áhugasviðum.
Einar ætlar að tala um Sturlunga
í Skagafirði og ég ætla að tala um
Guðmund Arason biskup,“ útskýrir
Óttar. „Svo kemur þarna karlakór
og syngur lög sem eru tileinkuð eða
koma fyrir í Sturlungu. Svo kemur
Jóhanna Þórhallsdóttir, konan mín,
og syngur líka,“ segir hann. „Þannig
að þetta er svona söngur og fyrir­
lestrar, allt í nafni Sturlungu.“
Sálgreinir höfðingjana
Óttar segir staðinn, Kringlumýri þar
sem Sigurður Hansen rekur Kakala­
skálann, merkilegan. „Þar er Sigurð­
ur búinn að byggja minnisvarða um
Haugsnesbardaga og hann er með
mjög merkilega Sturlungasýningu.
Við Einar höfum báðir góð kynni af
Sigurði og ætlum aðeins að búa til
smá viðburð þarna.“
Óttar hyggst sálgreina helstu
höfðingja á laugardaginn eins og
hann gerði í bók sinni, Sturlungu
geðlæknisins. „Þar ræði ég mikið
þetta siðrof sem í raun verður á
Íslandi á þessum Sturlungatímum,“
útskýrir Óttar. Hann segir engin
siðalögmál hafa verið í gildi á Sturl­
ungaöld, bara siðleysið.
„Ég mun sálgreina höfðingjana
alveg hægri, vinstri. Ég mun sál­
greina alla sem ég get sálgreint,
bæði frændur mína Sturlungana,
og svo náttúrlega Ásbyrgingana
og hina, en Einar hefur auðvitað
skrifað fjórar bækur um Sturlungu,
þannig að hann mun nálgast þetta á
annan hátt.“ Aðspurður segir Óttar
þá félaga vera frábært tvíeyki.
„Við spiluðum einu sinni fót­
bolta saman úti í Berlín hérna um
aldamótin, við vorum nú ansi góðir
þá, ég var nú reyndar í vörninni og
hann frammi en við vorum góð
blanda þá líka.“
Einar ræðir hitt
Aðspurður segir Einar hlæjandi að
hann geti tekið undir með Óttari að
þeir séu gott teymi, frá fornu fari, frá
tíma sínum í Berlín. „Við nálgumst
þetta töluvert ólíkt við Óttar. Eins
og hann sagði sjálfur, skrifaði hann
bók þarna um persónu Sturlungu
frá sjónarmiði geðlæknisins en ég
hef ekki þennan læknisvinkil á
þetta, en ég er með svona kannski
skáldsagnahöfundarvinkilinn sem
gengur út á að reyna að átta sig á
fólki, átta sig á karakterum og hvað
þau eru að hugsa og hvaða plott eru
í gangi,“ útskýrir Einar.
Hann segir um að ræða gríðar­
legar söguslóðir. „Og þarna réðust
mikil örlög og Skagfirðingar hafa
verið mjög duglegir á undanförnum
árum að halda á lofti minningum
þessara atburða.“ Einar segir að
það sé hátíðlegt að vera á slóðum
sögunnar. „Ekki hátíðlegt í þeim
skilningi að það verði einhver
tignarblær eða drungi yfir því, við
erum báðir léttir í bragði og Skag­
firðingar frægir fyrir að vera miklir
gleðimenn.“ n
Geðlæknir og skáld mæta
Sturlungum á heimavelli
Fótboltafélagarnir Óttar geðlæknir og Einar rithöfundur ætla að tækla
Sturlungu hvor með sínu lagi í Kakalaskála um helgina. FRÉTTABLAÐIÐ/SAMSETT