Morgunblaðið - 29.05.2021, Side 20

20 FRÉTTIRInnlent
MORGUNBLAÐIÐ LAUGARDAGUR 29. MAÍ 2021
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. kl. 8-17, fös. kl. 8-14
Hröð og góð þjónusta um allt land
Áratug
a
reynsl
a
Startar bíllinn ekki?
Við hjá Rafstillingu leysum málið
Jón Sigurðsson
Blönduósi
Á dögunum var opnað á Blönduósi
nýtt Textíl Lab, smiðja á vegum
Textílmiðstöðvar Íslands, súfyrsta
sinnar tegundar á Íslandi. Smiðjan
er til húsa á Þverbraut 1 á Blöndu-
ósi. Þetta er vinnustofa sem veitir
aðgengi að stafrænni tækni til rann-
sókna, þróunar og nýsköpunar og
gefur hönnuðum, frumkvöðlum,
listafólki og nemendum aðgengi að
stafrænni tækni til rannsókna, þró-
unar og nýsköpunar á vörum úr ís-
lenskri ull.
Trú og ný tækni
Trú manna er að góðir rannsókn-
arinnviðir muni flýta fyrir innleið-
ingu nýrrar tækni í textíl á Íslandi
og stórauka tækifæri til rannsókna,
hönnunar og framleiðslu nýrra vara
úr íslenskri ull. Verkefnið hlaut upp-
byggingarstyrk frá innviðasjóði og
er hluti af alþjóðlegu verkefni,
CENTRINNO, sem Textílmiðstöð
tekur þátt í, styrkt af Horizon2020-
rannsóknaráætlun ESB. Textíl-
miðstöð Íslands vinnur að því að
verða alþjóðleg miðstöð í rann-
sóknum og þróunarstarfsemi í textíl,
listum og handverki byggðu á ís-
lenskum hráefnum, munstrum og
textíl.
Þekkingarstarfsemi dafni
Með opnun Textíl Lab, og síðar
rannsóknaraðstöðu fyrir bíótextíl í
samstarfi við Bio Pol á Skagaströnd,
er markmiðið að skapa umhverfi þar
sem þekkingar- og þróunarstarf-
semi á sviði ullar- og textílvinnslu
getur vaxið og dafnað á Norðurlandi
vestra og Íslandi öllu. Mennta- og
menningarmálaráðherra, Lilja Al-
freðsdóttir, og ferðamála-, iðnaðar-
og nýsköpunarráðherra, Þórdís Kol-
brún R. Gylfadóttir, ávörpuðu gesti
og klipptu svo í sameiningu á opn-
unarþráðinn, sem að sjálfsögðu var
úr ekta húnvetnskri ull. Guðmundur
Haukur Jakobsson, formaður
byggðarráðs, ávarpaði samkomuna
og færði Elsu Arnardóttur blóm-
vönd í tilefni tímamótanna.
Fyrsta Textíl Lab
á Íslandi opnað
Morgunblaðið/Jón Sigurðsson
Velkomin Ráðherrarnir Lilja Alfreðsdóttir og Þórdís Kolbrún Reykfjörð
Gylfadóttir klipptu á borða sem markaði formlega opnun setursins.
- Ull er gull - Tækifæri í textílnum
Sigurður Bogi Sævarsson
sbs@mbl.is
„Þrátt fyrir að Píratar hafi ekki enn
verið við stjórnvölinn með setu í rík-
isstjórn hafa þeir samt haft gríðarleg
áhrif. Enginn annar flokkur á þingi
leggur áherslu á að allt sé uppi á
borðum og að teknar séu ákvarðanir
út frá gögnum og rökum en ekki
flokkapólitík. Píratar eru áfram um
að aldrei sé gengið á réttindi fólks að
óþörfu,“ segir Einar Brynjólfsson,
sem skipar efsta sætið á lista Pírata í
Norðausturkjördæmi við alþingis-
kosningar í haust.
Einar Brynjólfsson kemur nú aftur
inn á svið stjórnmálanna, en hann var
alþingismaður á árunum 2016-2017.
Er menntaður sagnfræðingur og hef-
ur kennt við framhaldsskólana á
Akureyri um árabil. En nú setur
hann í forgang pólitík, hugsjónir og
áherslumál Pírata, sem eru sam-
kvæmt kynningu á vef flokksins
gagnrýnin hugsun, upplýsing, borg-
araréttindi, persónuvernd og gegn-
sæi svo eitthvað sé nefnt. Þessi gildi
segir Einar smám saman hafa verið
að seytla inn í stefnur annarra flokka.
Barátta fyrir grunngildum
„Barátta Pírata fyrir þessum
grunngildum hefur fært ótal mál á
þingi til miklu betri vegar, samfélag-
inu öllu til heilla, enda höfðu aðrir
flokkar áður lítið skipt sér af jafn
mikilvægum málum og borgararétt-
indum, persónuvernd og gagnsæi í
ríkisrekstri. Ljóslifandi dæmi um
stefnu Pírata í verki er hvernig við
flettum ofan af akstursgreiðslum
þingmanna. Píratar eru alltaf einu
skrefi á undan.“
Umbætur í samgöngum og fjar-
skiptum, sterkara flutningskerfi raf-
orku, endurskoðun á tekjustofnum
sveitarfélaga, betra aðgengi að há-
skólanámi í heimabyggð, bætt heil-
brigðisþjónusta til dæmis fyrir tilstilli
tækninnar og stórauknar strandveið-
ar eru mikilvæg hagsmunamál í
Norðausturkjördæmi, að mati Ein-
ars. Þetta segir hann þó að allt verði
að taka með þeim formerkjum að
þingmenn kjördæmisins séu engum
hagsmunaöflum háðir og taki upp-
lýstar ákvarðanir.
Eitruð blanda
yfirgangs og græðgi
„Hér á landi hefur orðið til stétt
ólígarka sem tengjast sjávarútvegi. Í
þessu kjördæmi höfum við skýrasta
dæmið um slíkt, sem eru eigendur
Samherja, fólk sem byggði upp stór-
kostlega fyrirtækjasamsteypu á
grundvelli aðgangs að fiskveiði-
auðlind þjóðarinnar. Svo kemur upp
úr dúrnum að þetta stórveldi varð
ekki til með dugnaði einum saman.
Þarna kom til eitruð blanda yfir-
gangs og græðgi sem á sér fjölmarg-
ar birtingarmyndir. Við verðum að
vera minnug þess að gamli fjórflokk-
urinn – og afsprengi hans – kom
þessu kerfi á, hefur viðhaldið því og
stendur um það vörð, enda eftir
miklu að slægjast í formi rausnar-
legra styrkja til þessara flokka og
einstakra frambjóðenda þeirra,“ seg-
ir Einar og heldur áfram:
„Nú er staðan sú að sjálft lýðræðið
er í hættu vegna þess gríðarlega
valds sem hefur safnast á hendur
ólígarkanna, sem skeyta hvorki um
skömm né heiður, og vegna þess að
stjórnmálafólk hefur hvorki dug né
þor til að verjast yfirganginum. Til að
bæta gráu ofan á svart er margt fólk
svo blindað af meðvirkni að það sér
ekki ástæðu til að rísa upp gegn
þessu ástandi. Svona framkoma verð-
ur ekki réttlætt með rausnarlegum
styrkjum til bæjarhátíða, íþrótta-
starfs og slíks. Hún verður ekki held-
ur réttlætt með því að fjölmargt
starfsfólk, jafnvel heilu og hálfu sveit-
arfélögin, hafi lifibrauð sitt vegna
umsvifa þessa fyrirtækis eða annarra
í svipaðri stöðu. Engin réttlæting er
til þegar farið er út af sporinu.“
Fjórða iðnbyltingin
í dyragættinni
Eru einhver sérstök mál sem þér
finnst brýnt í dag að komist inn í um-
ræðu dagsins, þjóðfélagsmál sem í
dag liggja óbætt hjá garði?
„Okkur skortir tilfinnanlega
aðgerðaáætlun um það hvernig við
ætlum að vinna á þeim félagslegu og
andlegu hremmingum sem fólkið
okkar hefur lent í vegna Covid-19,
ekki síst unga fólkið sem missti fjöl-
margar kennslustundir í grunn- og
framhaldsskólum án þess að reynt
hafi verið að bæta þær upp með ein-
hverjum hætti,“ segir Einar og að
lokum:
„Annars hefur Covid haft margvís-
legar breytingar í för með sér og
fengið okkur til að hugsa hlutina upp
á nýtt. Fyrir vikið finn ég að sífellt
fleiri geta séð fyrir sér annars konar
samfélag og eru tilbúnir í breytingar.
Við þurfum að gangast við mistökum
fortíðar, sérstaklega þeir sem eiga
sök á þeim, til að við getum forðast að
endurtaka þau. Við þurfum að horfa
björtum augum til framtíðar, enda
bankar hún upp á hjá okkur á hverj-
um degi. Fjórða iðnbyltingin stendur
í dyragættinni og henni eigum við að
taka fagnandi.“
Ólígarkarnir hafa
gríðarmikil völd
- Einar efstur hjá Pírötum í NA-kjördæmi - Skrefi á undan
Morgunblaðið/Sigurður Bogi
Stjórnmál „Píratar eru áfram um að aldrei sé gengið á réttindi fólks að
óþörfu,“ segir Einar Brynjólfsson, oddviti Pírata í Norðausturkjördæmi.
Akureyri Samgöngur, orka og há-
skólamenntun eru kjördæmamál.
Alls eru 1.365 á kjörskrá er kosið
verður um sameiningu Blönduós-
bæjar, Húnavatnshrepps, Sveitar-
félagsins Skagastrandar og Skaga-
byggðar nk. laugardag, 5. júní.
Sveitarstjórnir Blönduósbæjar,
Húnavatnshrepps, Skagabyggðar
og Sveitarfélagsins Skagastrandar
skipuðu nefnd til að kanna hvaða
áhrif sameining hefði á rekstur og
þjónustu sveitarfélaganna. Skoðuð
voru fjármál, rekstur, stjórnsýsla
og þjónusta við íbúa svæðisins til að
meta hvort hag þeirra væri betur
borgið í sameinuðu sveitarfélagi en
í núverandi skipulagi. Eftir að sam-
starfsnefndin skilaði sínum til-
lögum af sér var ákveðið að ganga
til kosninga um hugsanlega sam-
einingu.
Á Blönduósi eru 650 á kjörskrá, í
Húnavatnshreppi 300, í Sveitar-
félaginu Skagaströnd eru 345 og í
Skagabyggð eru 70. Samtals eru
því 1.365 á kjörskrá, 657 konur og
708 karlar.
Kosningar í Austur-Húnavatnssýslu
Á Kirkjubæjarklaustri verður næst-
komandi laugardag, 5. júní, efnt til
viðburðar sem fengið hefur nafnið
Öskuminningar. Hinn 21. maí sl.
voru liðin tíu ár
frá því að gos
hófst í Gríms-
vötnum, með
miklu öskufalli. Í
Skaftárhreppi
var dimmt um
miðjan dag í at-
burðarás sem
stóð í heila viku. Í
kjölfarið hófst
hreinsunarstarf
og margvíslegar
aðgerðir sem settu svip á samfélagið.
Einn af dagskrárliðum Öskuminn-
inga nk. laugardag er gönguferð,
með fræðslu um ösku og öskulög í
nágrenni Kirkjubæjarklausturs,
undir leiðsögn Bergrúnar Örnu Óla-
dóttur jarðfræðings. Sama dag kl. 15
hefst samkoma í félagsheimilinu
Kirkjuhvoli með tónlistarflutningi og
fyrirlestrum. Þar er meðal efnis
jarðfræði þessara atburða, áhrif eld-
gosa á raforkukerfið og sálgæsla í
hamförum. Frumflutt verður tón-
verk, samið sérstaklega fyrir við-
burðinn. Þá munu íbúar til fróðleiks
segja frá reynslu sinni, lífi og líðan
þessa eftirminnilegu daga fyrir rétt-
um áratug.
Menningarmálanefnd Skaftár-
hrepps í samstarfi við Vatnajökuls-
þjóðgarð stendur fyrir viðburðinum.
„Hamfarirnar lifa í minni fólks hér,“
segir Fanney Ásgeirsdóttir þjóð-
garðsvörður á Klaustri. „Þessir at-
burðir þjöppuðu fólki saman og tek-
ist var á við verkefnin af æðruleysi.
Þarna fékst líka mikilvæg þekking
og reynsla sem hægt verður að horfa
til í framtíðinni, því náttúruhamfarir
koma alltaf reglulega á Íslandi sem
kallar á viðbúnað, aðgerðir og sam-
stöðu.“ sbs@mbl.is
Rifja upp Grímsvatnagosið
- Öskuminningar á Klaustri - Dimmt var um miðjan dag
Morgunblaðið/Eggert
Grímsvatnagos Björgunarsveitar-
maður á fjórhjóli í smalamennsku.
Fanney
Ásgeirsdóttir