Morgunblaðið - 09.06.2021, Side 13

13
MORGUNBLAÐIÐ MIÐVIKUDAGUR 9. JÚNÍ 2021
Út til veiða Skuttogarinn Vigri RE-071 hélt út til veiða á mánudaginn eftir vel heppnaða sjómannadagshelgi. Skreyttu skipverjar Vigra með fánum, líkt og tilefninu sæmdi.
Árni Sæberg
Prófkjör eru langt
því frá að vera galla-
laus en því verður
varla á móti mælt að
þau geta leyst ótrúleg-
an kraft úr læðingi –
kraft almennra flokks-
manna. Vel heppnað
og fjölmennt prófkjör
Sjálfstæðisflokksins í
Reykjavík um liðna
helgi getur orðið góður
upptaktur fyrir kosningarnar í sept-
ember.
Dagana 10. til 12. júní fer fram
prófkjör í Suðvesturkjördæmi en
þar sækist sá er þetta skrifar eftir
endurnýjuðu umboði til að sitja sem
fulltrúi Sjálfstæðisflokksins á Al-
þingi. Óháð niðurstöðu prófkjörsins
skynja ég að Sjálfstæðisflokkurinn
er með vind í seglum um allt land.
Með öflugum frambjóðendum en
ekki síður skýrri stefnu og mál-
flutningi eigum við sjálfstæðismenn
möguleika á því að standa að lokn-
um kosningum um fjölmennan og
öflugan þingflokk, sem gefur styrk
til að hrinda hugsjónum okkar í
framkvæmd.
Ég hef ítrekað haldið því fram í
ræðu og riti að Sjálfstæðisflokk-
urinn verði að lýsa því yfir að hann
sé flokkur atvinnurekenda, flokkur
launafólks, flokkur bænda, flokkur
þéttbýlis og dreifbýlis, flokkur
þeirra sem þurfa á samhjálp að
halda, flokkur unga fólksins og
þeirra sem eldri eru – flokkur sem
brúar en sundrar ekki. En fyrst og
fremst á Sjálfstæðisflokkurinn að
lýsa því yfir að hann sé flokkur hins
venjulega Íslendings.
Það er á grundvelli
þessa og með hliðsjón
af því sem ég hef sagt
en ekki síður ritað í
hundruðum greina
þar sem ég lagði drög
að verkefnalista fyrir
frambjóðendur. Eðli
mál samkvæmt er
slíkur listi ekki tæm-
andi en gefur a.m.k.
innsýn í mörg þeirra
verkefna sem ég tel
að við sjálfstæð-
ismenn eigum að sinna á komandi
árum.
Fjárhagslegt sjálfstæði
Við eigum að leggja áherslu á
hag millistéttarinnar – á hagsmuni
launafólks. Við skulum koma aftur
á einu þrepi í tekjuskatti en inn-
leiða um leið stiglækkandi per-
sónuafslátt eftir því sem tekjur
hækka. Við erum sannfærð um
mikilvægi þess að stefna í skatta-
málum eigi að mótast með hliðsjón
af samkeppnishæfni landsins – fyr-
irtækjanna og launafólks.
Við vitum að grundvöllur jafn-
réttis er fjárhagslegt sjálfstæði
einstaklingsins og við skiljum sam-
hengið á milli fjárhagslegs sjálf-
stæðis, lágra skatta, atvinnufrelsis
og velsældar. Við eigum okkur
þann draum að allt launafólk verði
eignafólk og fjárhagslega sjálf-
stætt.
Við viljum tryggja að ungt fólk
eigi a.m.k. ekki síðri tækifæri til að
eignast eigið húsnæði en foreldrar
þeirra, afar og ömmur. Okkar
skjaldborg er um séreignastefnuna
svo fólk eigi raunverulegt val um
hvort það vill eiga eða leigja þak
yfir höfuðið.
Við munum tryggja réttindi borg-
aranna gagnvart hinu opinbera,
standa vörð um friðhelgi einkalífs-
ins, eignaréttinn, trúfrelsið og rétt-
inn til tjáningar og félagafrelsið. Við
eigum að innleiða og standa vörð
um netfrelsi og upplýsingafrelsi
borgaranna.
Við þurfum að tryggja að launa-
fólk hafi aukið valfrelsi um lífeyr-
issjóð um leið og við aukum mögu-
leika þess til að taka beinan þátt í
atvinnulífinu með skattalegum hvöt-
um.
Auknar kröfur til ríkisrekstrar
Við ætlum að gera ríkari kröfur
til opinbers rekstrar, auka skil-
virkni og gera þjónustuna betri – fá
meira fyrir peninginn. Við höfnum
því að öll vandamál verði leyst með
auknum ríkisútgjöldum.
Við vildum koma á samstarfi rík-
isins, lífeyrissjóða og annarra fag-
fjárfesta við uppbyggingu hag-
rænna innviða, ekki síst í sam-
göngum.
Við verðum að innleiða sam-
keppni á flestum sviðum til að
tryggja hagkvæma nýtingu fjár-
magns og vinnuafls, góða þjónustu
og hagstætt verð.
Við eigum að gera það eftirsókn-
arvert að stofna og eiga fyrirtæki –
setja sjálfstæða atvinnurekandann
aftur á sinn stall. Hætta að refsa
framtaksmönnum fyrir að ná ár-
angri í rekstri, einfalda regluverk
og ýta þannig undir heilbrigða sam-
keppni. Við hrósum framtakssemi
og gleðjumst yfir velgengni sam-
ferðafólks okkar og viljum ryðja
hindrunum úr vegi frumkvöðla.
Við verðum að draga úr sam-
keppnisrekstri ríkisins við einka-
aðila – gera leikinn a.m.k. sann-
gjarnari, jafnt á fjölmiðlamarkaði
sem í öðrum atvinnugreinum.
Við viljum nýta fullveldi þjóð-
arinnar í samskiptum við aðrar
þjóðir á jafnræðisgrunni. Kjörorð
okkar er að fjölga tækifærunum en
ekki fækka þeim.
Við skulum opna alla stjórnsýslu
hins opinbera þannig að almenn-
ingur geti fylgst með gerðum og
ákvörðunum stjórnmálamanna og
embættismanna.
Valfrelsi í heilbrigðu samfélagi
Við viljum leiða umfangsmikla
fjárfestingu í heilbrigðiskerfinu. Við
erum óhrædd við að nýta kosti
einkaframtaksins í heilbrigðisþjón-
ustu en stöndum vörð um hugsjón-
ina um að allir séu sjúkratryggðir,
óháð efnahag, tryggjum valfrelsi
þeirra og komum í veg fyrir tvöfalt
heilbrigðiskerfi. Skipulag heilbrigð-
isþjónustu á að taka mið af þörfum
hinna sjúkratryggðu en ekki kerf-
isins. Öflug heilbrigðisþjónusta
byggir á samþættingu og samvinnu
hins opinbera og sjálfstætt starf-
andi aðila.
Við ætlum að huga að grunn-
þáttum menntunar – innleiða sam-
keppni og auka þar með valmögu-
leika ungs fólks til menntunar. Við
viljum styrkja iðn- og tækninám og
gera það enn eftirsóknarverðara.
Fyrst og síðast ætlum við að
styrkja menntakerfið sem öflugasta
tækið til jöfnuðar.
Við verðum að stokka upp al-
mannatryggingakerfið, innleiða
nýja hugsun við að aðstoða þá sem
þurfa á því að halda. Við viljum
tryggingakerfi öryrkja sem refsar
ekki þeim sem geta bætt sinn hag.
Með sama hætti skal auka valfrelsi
eldri borgara og auka möguleika
þeirra til að afla sér atvinnutekna.
Við skulum tryggja fötluðum
raunverulegt valfrelsi í þjónustu
óháð búsetu.
Við þurfum að segja tæknilegum
kratisma upp störfum og taka völd-
in af samfélagsverkfræðingum.
Berjast fyrir heilbrigðu þjóðfélagi
með gamalt kjörorð í huga – Gjör
rétt, þol ei órétt – sem vísar til þess
að við viljum að sanngirni og virð-
ing sé í öllum samskiptum.
Ekkert af því sem hér er talið
upp ætti að koma þeim á óvart sem
þekkja skoðanir mínar og hug-
sjónir. En margt er ótalið, sumt
mikilvægt. Rafræn stjórnsýsla gef-
ur tækifæri til að veita betri og
ódýrari þjónustu – einfaldar líf fólks
og fyrirtækja, en gefur um leið
tækifæri til uppstokkunar í stjórn-
sýslunni allri. Verkefnalistinn er svo
sannarlega langur. Hvort okkur
tekst að hrinda öllum verkefnum í
framkvæmd og klára þau, ræðst af
úrslitum kosninganna í september.
Eftir Óla Björn
Kárason » Við vitum að grund-
völlur jafnréttis er
fjárhagslegt sjálfstæði.
Við eigum þann draum
að allt launafólk verði
eignafólk og fjárhags-
lega sjálfstætt.
Óli Björn Kárason
Höfundur er alþingismaður
Sjálfstæðisflokksins.
Drög að verkefnalista fyrir frambjóðendur
Flestir eru sam-
mála um gagnsemi
tónlistarnáms. Það
þroskar einstakling-
inn og virkjar sköpun
og eykur sjálfsaga.
Samkvæmt rann-
sóknum stuðlar mark-
visst tónlistarnám að
bættum námsárangri
í öðrum náms-
greinum. Það er því
eftir miklu að slægjast að sem
flestir hafi og nýti sér tækifæri til
tónlistarnáms. Undirritaður starf-
aði í stýrihópi um framtíðarskipan
tónlistarnáms í Reykjavík frá
2019. Í vinnunni var
leiðarljós að efla tón-
listarmenntun í borg-
inni og að tækifæri til
tónlistarnáms yrðu
aukin og bætt.
Verjum það
sem vel er gert
Ísland er í fremstu
röð hvað varðar tón-
listarfólk á öllum svið-
um tónlistar. Það er
ekki tilviljun. Árangur
Íslands í fótbolta og
handbolta byggist án efa á öflugu
barna- og unglingastarfi. Það
sama á við um afreksfólk í tónlist.
Á Íslandi er starfræktur fjöldi tón-
listarskóla sem sinna þessu mik-
ilvæga hlutverki af alúð. Í Reykja-
vík eru 17 sjálfstætt reknir skólar
sem eru í samstarfi við Reykjavík-
urborg, en auk þess rekur borgin
sjálf einn tónlistarskóla sem er á
Kjalarnesi. Nemendur í tónlist-
arskólunum eru yfir 2.600. Það er
lykilatriði þegar við sjáum frábær-
an afrakstur sem grundvallast á
starfi sjálfstætt starfandi skóla að
starfsemi þeirra verði styrkt enn
frekar.
Jöfnum upp á við
Hlutfall þeirra sem stunda tón-
listarnám er mjög mismunandi eft-
ir hverfum. Ef skoðuð eru póst-
númer er munurinn sláandi.
Þrefalt fleiri stunda tónlistarnám í
107 sem hlutfall íbúa heldur en í
111. Það er óviðunandi munur. Al-
mennt má segja að mun fleiri
stundi tónlistarnám í vesturhluta
borgarinnar en austan Elliðaáa.
Að mínu mati þarf að auka tæki-
færi barna til tónlistarnáms um
alla borg, enda eru biðlistar víða.
En mest þarf að gera í aust-
urborginni, enda óviðunandi að
innan við 1% af heildarfjölda íbúa
sé að stunda tónlistarnám í
ákveðnum borgarhverfum. Aðeins
þriðjungur af því sem tíðkast í
öðrum hverfum. Hér þarf að rétta
hlut með markvissum og réttum
hætti. Hér þarf að jafna tækifærin
upp á við. Í skýrslu stýrihópsins er
lögð áhersla á að fjölga markvisst í
hópi tónlistarnemenda til ársins
2030 og tækifæri til tónlistarnáms
verði meiri, ekki síst í austurhluta
borgarinnar. Þessi stefna gefur
góð fyrirheit. Nú er það borg-
arinnar að tryggja rétta forgangs-
röðun fjármuna svo hún verði að
veruleika. Þannig getum við látið
draumana rætast eins og segir í
skólastefnu borgarinnar. Nú er
verkefnið að tryggja í verki tæki-
færi fleiri barna til tónlistarnáms.
Jöfn tækifæri til tónlistarnáms
Eftir Eyþór
Arnalds
Eyþór Arnalds
» Að mínu mati þarf að
auka tækifæri barna
til tónlistarnáms um alla
borg.
Höfundur er oddviti
sjálfstæðismanna í borgarstjórn.