Morgunblaðið - 03.07.2021, Qupperneq 35

MINNINGAR 35
MORGUNBLAÐIÐ LAUGARDAGUR 3. JÚLÍ 2021
Elsku Svein-
björg mín. Það er
með trega í hjarta
að ég kveð þig ást-
kæra vinkona mín.
Við hittumst fyrst fyrir
sautján árum. Ég hafði oft séð
þig og við vissum hvor af ann-
arri í þó nokkurn tíma áður en
við kynntumst og urðum vin-
konur. Þú bauðst mér síðan
heim til þín í „stelpupartí“ enda
varstu alltaf opin og ófeimin við
að kynnast nýju fólki. Á móti
mér tók lágvaxin, falleg og ein-
staklega smekkleg kona og þú
sagðir við mig „hæ gaman að
sjá þig“, og hlóst þínum smit-
andi hlátri. Mér fannst eins og
mér hefði verið boðið inn í litla
höll í Hafnarfirðinum því þú átt-
ir svo fallegt heimili. Heimili
þitt var fallegasta heimili sem
ég hafði nokkurn tímann komið
inn á, þar sem hvert smáatriði
var vel úthugsað og allir hlutir
áttu sér sérvalda staði og sumir
þeirra voru handgerðir eftir þig.
Þú varst svo mikill fagurkeri og
lagðir mikið upp úr því að heim-
ili þitt væri fallegt og ef þú vild-
ir breyta einhverju þá gerðir þú
það sjálf með stakri prýði.
Elsku vinkona mín, þú varst
eins og litríkt flögrandi fiðrildi
sem var alltaf að framkvæma
eitthvað og finna úrlausn mála
sem þurfti að leysa.
Það kom fljótlega í ljós að við
kunnum alla texta og lög eftir
Björgvin Halldórsson og við
Sveinbjörg Rósa-
lind Ólafsdóttir
✝
Sveinbjörg
Rósalind Ólafs-
dóttir fæddist 14.
apríl 1971. Hún lést
18. júní 2021.
Útför hennar fór
fram 29. júní 2021.
gátum sungið sam-
an hátt og snjallt
enda varstu ein-
staklega músíkölsk
og hafðir gaman af
því að syngja. Við
áttum margt sam-
eiginlegt fyrir utan
tónlistaráhugann.
Vinátta okkar ein-
kenndist af því að
lífsreynsla okkar
var svo lík og við
skildum hvor aðra svo vel. Mér
fannst við vera sálufélagar kæra
vinkona. Ég minnist allra
klukkutímanna sem við spjöll-
uðum saman og ræddum um allt
milli himins og jarðar, ekki síst
okkar dýpstu og viðkvæmustu
tilfinningamál. Þessar samveru-
stundir okkar enduðu alltaf með
því að við hlógum og gerðum
grín að öllu sem við höfðum
rætt um með okkar kaldhæðna
húmor.
Vinátta okkar einkenndist af
hreinskilni, einlægni og trúnaði
og verð ég þér ávallt þakklát,
elsku vinkona, fyrir að hafa
fengið að hlæja, gráta og gleðj-
ast með þér.
Það er ekki ofsögum sagt að
þú hafir verið húsmóðir aldar-
innar. Elsku vinkona, ég mun
sakna þess að fá að sjá þig við
sultugerð, bakstur, saumaskap
eða innanhússhönnun.
Elsku Sveinbjörg mín, þú
varst góð móðir barnanna þinna
þriggja og varst alltaf svo stolt
af þeim og þakklát fyrir að eiga
þau. Þú sinntir ekki aðeins móð-
urhlutverkinu heldur einnig
hlutverki föður þeirra og fyrir
vikið eru elsku börnin þín góðar
fyrirmyndir og einstaklega vel
gerð og yndisleg börn. Ég sagði
oft við þig þegar við ræddum
um árangur barna þinna „og
geri aðrir betur“, því uppeldi er
tveggja manna hlutverk og þú
hlóst bara með þínum yndislega
stríðnishlátri og þakkaðir mér
fyrir.
Elsku Sveinbjörg mín, þú
háðir hetjulega baráttu við ill-
vígan sjúkdóm með æðruleysi
og kjarki og notaðir þinn ein-
staka húmor í veikindum þínum.
Megi góður Guð veita börn-
um þínum og fjölskyldu styrk á
þessum erfiðu tímum.
Hvíldu í friði elsku Sveinsý
mín og megi Guð varðveita þig.
Ég elska þig.
Þín
Jóhanna
Margrétardóttir.
Elsku fallega sál og sú allra
besta vinkona sem ég hef átt.
Verð ævinlega þakklát að ég
sendi á þig bréf (minningarorð)
í lok nóvember. Því það skipti
mig öllu máli að þú fengir að
lesa það sem mig langaði að
skrifa um þig.
Er svo þakklát fyrir vináttu
okkar, sem var einstök. Þú
varst alltaf til staðar þegar eitt-
hvað var að hjá mér. Þegar ég
þurfti eyra þá hlustaðir þú á
rausið í mér endalaust og sagðir
alltaf það sem ég þurfti að
heyra. Þú varst svo hreinskilin
og sagðir þínar skoðanir og hef-
ur alltaf fengið mig til þess að
hugsa rökrétt. Þú varst svo blíð
og kærleiksrík. Sjúklega fyndin
og skemmtileg apinn þinn.
Sakna þess svo að heyra í þér
oft á dag. Að kjafta heilu
klukkustundirnar í síma. Meira
að segja tókstu af þér öndunar-
vélina og náðir að sannfæra mig
um að þú yrði útskrifuð á næstu
dögum, því miður varð það sein-
asta samtalið okkar. Ég verð
ævinlega þakklát fyrir það sam-
tal. Mér líður eins og ég hafi
þekkt þig allt mitt líf. Þú hefur
verið mér sem systir, þú sagðir
oft við mig að þú þráðir að eiga
systur þegar þú varst barn. Ein
bestu áramót sem ég hef upp-
lifað. Þau voru svo notaleg á
þínu heimili með þér og fylgi-
fiskum. Geggjaður matur og
spilað fram á rauða nótt.
Gleymum nú ekki Glasgow, ji-
mundur hvað það var skemmti-
leg ferð. Endalausar minningar
úr þeirri ferð, það sem stendur
upp úr var þegar þú týndist og
fannst ekki hótelið sem var
einni götu frá búðinni sem ég
skildi þig eftir í. Rúntaðir í taxa
um alla Glasgow og náðir að
týnast bara í nokkrar klukku-
stundir, já þú ein getur gert
það, tæknihefta apaskott! Þú átt
risastóran stað í hjarta mínu.
Það var oft erfitt að sjá og
heyra hvað þú varst orðin veik
og kvalin elsku besta mín. Þú
varst svo skemmtilega klikk og
með svo bilað svartan húmor
sem ég elska! Þegar þú varst að
senda mér skilaboð liggjandi
inni á bráðamóttöku og gera
grín að því sem þú varst að upp-
lifa eða sjá þar inni.
Það mun enginn geta komið í
þitt skarð!
Hugsa um það daglega hvað
ég var heppin að fá að hafa þig
og Viktor á heimilinu mínu í
rúman mánuð þegar þú varst á
milli húsnæða í mars/apríl.
Þakklát að ég hafi fengið að
eyða afmælisdeginun þínum
með þér, dekra þig í drasl með
nuddi og spa. Byrjuðum daginn
fyrir 8 og við fengum frusshlát-
ursköst, það þurfti ekki mikið
að gerast til þess að við fengjum
kast og jafnvel skildi enginn
hverju við værum að hlæja að.
Þú varst einstakur fagurkeri,
hvort sem það var heimilið þitt
eða þú sjálf. Það var nánast
varla hægt að sjá hversu mikill
sjúklingur þú varst, því þú varst
alltaf svo mikil pæja.
Mest er ég þakklát að hafa
orðið alkóhólisti því án þess
hefði ég ekki kynnst þér!
Þín vinkona að eilífu.
Brynja Dröfn.
✝
Jósef Leósson
var fæddur að
Kúðá í Þistilfirði
24. mars 1944.
Hann lést á
Sjúkrahúsinu á
Húsavík 24. júní
2021. Foreldrar
hans voru hjónin
Steinunn Sesselja
Steinþórsdóttir, f.
29.3. 1921, d. 21.3.
2007, og Leó Jós-
efsson, f. 17.6. 1913, d. 7.3.
2000.
Jósef var þriðji í röð tíu
systkina en þau voru í ald-
ursröð Dóra Björk, f. 1938, d.
2013, Ólína Ingibjörg, f. 1940,
Friðbergur Þór, f. 1946, d.
2018, Svandís, f. 1948, Lára, f.
1951, Björg, f. 1954, Hrönn, f.
1955, Steinunn, f.
1958, Fjóla, f.
1959, d. 2005.
Jósef var tví-
kvæntur, fyrri
kona hans hét
Sjöfn Skúladóttir,
f. 17.4. 1948, d.
5.10. 1999. Síðar
kvæntist hann
Rannveigu Þor-
finnsdóttur, f.
21.12. 1945, en þau
slitu samvistir 2014. Saman
eiga þau soninn Leó Stein Jós-
efsson, f. 6.8. 1974, en fyrir átti
Jósef dótturina Ellý Halldóru,
f. 26.3. 1968.
Útför Jósefs fer fram frá
Þórshafnarkirkju í dag, 3. júlí
2021, kl. 11. Jarðsett verður að
Svalbarði.
Í barnaskóla á Garði kynntist
ég Jódda fyrst. Smávöxnum
sætum dreng sem kom sér vel
við alla og það var í þessari
skólavist eftir páskana 1958 sem
drengurinn sá kom með nýsmíði
sem sannaði hvað hann gat.
Þetta voru keðjur á reiðhjól.
Gerðar úr mörg hundruð hlekkj-
um, fljótt á litið nákvæmlega
eins og efnið í þetta víravirki
hefði hann fengið úr nýjum
gaddavír. Þegar ég löngu seinna
rifjaði þetta upp með Jósef sagði
hann að nágranni hans, Guð-
björn Ólafur, hefði átt hugmynd-
ina og eitthvað byrjað með hon-
um á handverkinu.
Þetta æskuafrek var vísir að
því sem seinna kom. Hvað sem
hann lagði fyrir sig var gert vel
og snyrtilega. Refaskinnaverkun
jafnt sem húsbyggingar. Það
sem ég á Jósef mesta skuld að
gjalda fyrir og fæ víst ekki að
jafna hér eftir, voru sjóferðirnar
á litla bátnum hans og alltaf
fiskuðum við eitthvað og svo
fékk ég aflann. Hann bar því við
að vera orðinn of þreklaus til að
gera mat úr þessu og „fólk er
hætt að þiggja fisk ef það fær
hann ekki beinhreinsaðan og
roðdreginn“. Svo eru það spilin,
síðustu tvo vetur sem við höfum
verið að manna eitt borð og spila
bridge á Dvalarheimilinu
Nausti. Ég fylgdist ekki alltaf
með Jósef en nú fyrir fáum ár-
um spurði ég hann ofurlítið út í
hans sjósókn. Hann eignaðist
eitt sinn nýjan bát sem hann átti
ekki lengi. Hann sagðist hafa
keypt á vondum tíma og eins
hafi það verið með loðdýrin;
byrjað þegar dýrin voru á
toppnum en ekki lifað það að
selja skinn á góðu verði.
Svona er það, auðveldara að
sjá eftir á hvað gera skal og
hvað ekki. Hitt er meir um vert
að komast í gegnum lífið með
sæmd. Það tókst Jósef Leóssyni.
Stefán Eggertsson.
Jósef Leósson
Þökkum innilega fyrir samúð og hlýhug við
andlát og útför ástkærrar móður okkar,
tengdamóður, ömmu, langömmu og
langalangömmu,
SIGURLAUGAR ÁSGERÐAR
SVEINSDÓTTUR,
Dvalarheimili aldraðra Dalbæ, Dalvík.
Sérstakar þakkir sendum við starfsfólki
Dalbæjar fyrir einstaka umönnun og alúð.
Megi guð blessa ykkur öll.
Guðbjörg Antonsdóttir
Elín Sigrún Antonsdóttir
Anna Dóra Antonsdóttir Sveinn Sveinsson
Arna Auður Antonsdóttir
Þórólfur Már Antonsson Hrönn Vilhelmsdóttir
Árdís Freyja Antonsdóttir
barnabörn, langömmubörn og langalangömmubörn
Elskuleg móðir mín, tengdamóðir, amma,
langamma og langalangamma,
ÁSLAUG VALDEMARSDÓTTIR,
Höfðagrund 27, Akranesi,
lést á Heilbrigðisstofnun Vesturlands á
Akranesi miðvikudaginn 23. júní.
Útför hennar fer fram frá Akraneskirkju
þriðjudaginn 6. júlí klukkan 13.
Streymt verður frá útförinni á vef Akraneskirkju
www.akraneskirkja.is.
Lilja Ellertsdóttir Gunnar Þór Garðarsson
Jón Ellert Guðnason Arnþrúður Kristjánsdóttir
Áslaug Guðnadóttir
Gunnar Þór Gunnarsson Inga Guðrún Gísladóttir
ömmubörnin
Ástkær eiginmaður minn og besti vinur,
faðir okkar, tengdafaðir, afi og langafi,
GARÐAR INGVAR SIGURGEIRSSON,
Skipalóni 5,
Hafnarfirði,
lést á Landspítalanum 26. júní.
Útförin fer fram frá Víðistaðakirkju í
Hafnarfirði föstudaginn 9. júlí klukkan 13.
Ingibjörg Birna Jónsdóttir Ingibjörg Jóna Garðarsdóttir
Geir Viðar Garðarsson Stefanía Jensdóttir
Guðbergur Þór Garðarsson Inácio Pacas da Silva Filho
Svanhildur Ósk Garðarsd. Guðmundur Annas Kristjáns.
barnabörn og barnabarnabörn
Ástkæra eiginkona mín, móðir,
tengdamóðir og amma,
KRISTRÚN INGIBJARTSDÓTTIR,
lést á heimili sínu á Gran Canaria
fimmtudaginn 17. júní.
Magnús Björgvinsson
Rósa Björg Magnúsdóttir Helgi Gizzurarson
Jóna Björt Magnúsdóttir Sigurpáll Birgisson
Magnús Magnússon Lára Norðfjörð Guðmundsd.
barnabörn og barnabarnabörn
Móðir okkar, tengdamóðir og amma,
SÓLEY ÓSK STEFÁNSDÓTTIR
frá Djúpavogi,
lést fimmtudaginn 24. júní á dvalar-
heimilinu Grund í faðmi fjölskyldunnar.
Útför fer fram frá Hafnarfjarðarkirkju
mánudaginn 5. júlí klukkan 13.
Guðjón Finnur Drengsson Dröfn Jónasdóttir
Stefán Aðalsteinn Drengss. Guðlaug Ósk Pétursdóttir
Samúel Þórir Drengsson Elísa Fönn Grétarsdóttir
og barnabörn
Ástkær faðir minn, tengdafaðir, sonur
og bróðir,
GUNNAR GUNNARSSON
hagfræðingur,
New York,
lést á Beth Israel Mount Sinai-spítalanum í
New York 7. apríl.
Bálför fór fram í New York. Minningarathöfn
og greftrun fara fram í Fossvogskapellu
mánudaginn 5. júlí klukkan 13.
Kristina G. Moss Gunnarsd. Sam DeLaughter
Gunnar Björgvin Gíslason
Gísli G. Gunnarsson
og aðrir ættingjar og vinir
Stjúpfaðir minn, tengdafaðir, afi og langafi,
JÓN HANNESSON
húsasmíðameistari
frá Brekkukoti í Reykholtsdal,
lést fimmtudaginn 1. júlí á hjúkrunar-
heimilinu Sléttu.
Útför hans fer fram frá Fella- og Hólakirkju
fimmtudaginn 8. júlí klukkan 13. Þeim sem vilja minnast hans er
bent á styrktar- og líknarsjóð Oddfellow á Íslandi –
www.oddfellow.is.
Ólöf Jóna Sigurgeirsdóttir
Ólafur Axelsson
afabörn og langafabörn
Morgunblaðið birtir minningargreinar endurgjaldslaust alla
útgáfudaga.
Óheimilt er að taka efni úr minningargreinum til birtingar í
öðrum miðlum nema að fengnu samþykki.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Minningargreinar