Morgunblaðið - 03.07.2021, Qupperneq 43

MENNING 43
MORGUNBLAÐIÐ LAUGARDAGUR 3. JÚLÍ 2021
TÓNLIST
Arnar Eggert Thoroddsen
arnareggert@arnareggert.is
Síðast heyrðum við í Aron Can,
sem leiddi um hríð aðra bylgju
íslensks rapps, fyrir um þrem-
ur árum, en þá kom platan Trúpíter
út (2018). Keyrslan hafði verið mikil á
okkar manni og það var að merkja á
plötunni fannst mér. Þessi „hvíld“ var
nauðsynleg í raun. Því nú er hann
kominn aftur, og
það af krafti, sem
lýsir sér m.a. í
voldugum titli
fjórðu breiðskíf-
unnar: Andi, líf,
hjarta, sál (og allt
stíliserað með
hástöfum). Árabilið frá 18 ára að 21
er sem heil eilífð, það vita þeir sem
það hafa lifað, og þess má vel finna
stað á plötunni. En áður en við
krukkum í hana skulum við stand-
setja listamanninn með tilliti til fyrri
verka.
Þekkir stráginn (2016) var sem
ferskur andvari í senuna á sínum
tíma, Aron skipti töffarastælum út
fyrir einlægni og uppskar ríkulega.
Textar af Drake-skólanum, hellt úr
hjartanu og örlögin grátin. Veruleiki
unglingsins ljóslifandi. Tónlistin
strípuð og skuggaleg, einföld og
naumhyggjuleg. Trapp-áferð og
rappið/söngurinn drafandi á köflum.
Næsta plata, ÍNÓTT (2017), var
lengri, stærri, hlaðnari, flóknari og
litapallettan stækkuð. Þetta var Aron
Can plata ennþá en sakleysið – sem
landaði frumburðinum – var horfið.
Dekkra verk í raun og eftir á að
hyggja fulldökkt á köflum. Á Trúpí-
ter var síðan eins og Aron leyfði sér
aðeins að sprikla. Kæruleysisbragur
„Elskar að opna sig“
Ljósmynd/Anna Maggý
Endurfæddur Aron Can slær ekki slöku við á nýju plötunni.
næstum því sem vann í senn með
plötunni og á móti. Fjölbreyttari en
fyrri verk, fleiri stílar og tilraunir
með tónlistina en textaleg glappaskot
á köflum, þeir stundum rýrir og
óspennandi. Samantekið hefur Aron
haldið sjó nokkuð vel í gegnum þess-
ar þrjár plötur, þó að nýjabrum þeirr-
ar fyrstu verði seint toppað.
Á nýju plötunni fær Aron laga-
smiðina Þormóð Eiríksson, Arnar
Inga, Magnús Jóhann og Jón Bjarna
til liðs við sig og gestir eru GDRN,
Birnir og hinn norski Unge Ferrari.
Tilfinningin sem maður fær, eftir að
hafa rúllað plötunni nokkrum sinn-
um, er góð. Það er ferskleiki yfir, ör-
yggi, metnaður og kraftur sem allir
öðlast þegar búið er að endurræsa
kerfið. Horft er til smáatriða og öllu
tjaldað til, sjá t.d. epíska umslags-
myndina. Lögin þrettán rúlla líka
fumlaust; hljómur er botngóður,
traustur og umlykjandi og ferðalagið
fjölbreytilegt. Minnir að því leytinu
til á Trúpíter en allt hérna er bara ...
tja ... meira fullorðins. Aron lætur
okkur í té ballöður og „bangera“ og
röddin hans er miðlæg út í gegn.
Rappið er öruggt, Aron er „á staðn-
um“, vakandi, meðvitaður og klár í
slaginn. Textalega er hann upp og of-
an. Aðeins of mikið um endurtekn-
ingar og ódýrar hendingar en um leið
er enginn betri en hann í einlægum
játningum og hreinskiptni. Þegar
hann gerir vel þar er hann ósnertan-
legur.
Lögin sjálf hafa yfir sér högg-
þéttan blæ og Aron hefur aldrei verið
betri í þeirri deildinni. Sjá slagarann
„Flýg upp“, pottþétt lag, og mikil-
úðlegu ballöðuna „Glasið“, sem hann
gerir með GDRN. Aron er líka með
gott poppnef, „Hvað með það“ er gott
dæmi um lag sem er á mörkum
hreins popps, „r og b“ og rapps og allt
gengur upp í dásamlegri sam-
bræðslu. „Varlega“ með Unge Ferr-
ari er auk þess glæsilegt, þar sem
rómanskir taktar fá að flæða í miðju
lagi. „Sofna“ er þá einnig frábært,
hvar austurlenskum strengjum er
rennt inn undir blálokin til að undir-
strika rætur Arons.
Á dögunum velti ég ástandi ís-
lenskrar rappmenningar fyrir mér.
Að í dag væru eingöngu uppistand-
andi meginstraumsvænir popprapp-
arar og gallsúrir neðanjarðarrapp-
arar, allt millistig væri farið. Þetta
sterka verk er möguleg sönnun á því
að enn sé rúm fyrir brú þarna á milli.
Grípandi og aðlaðandi tónlist sem býr
yfir nægilegri dýpt á sama tíma.
»
Rappið er öruggt,
Aron er „á staðn-
um“, vakandi, meðvit-
aður og klár í slaginn
Aron Can snýr aftur
með plötunni Andi, líf,
hjarta, sál. Ansi gerðar-
legt verk sem gæti
blásið nýju lífi í ís-
lensku rappsenuna.
Bassaleikarinn
og tónskáldið
Ingibjörg Elsa
Turchi heldur
tónleika í Hömr-
um í Hofi á Ak-
ureyri í dag, 3.
júlí, kl. 18 ásamt
hljómsveit og eru
tónleikarnir hluti
af Listasumri
bæjarins. Ingi-
björg hefur komið fram með mörg-
um af ástsælustu listamönnum þjóð-
arinnar og samið verk fyrir
Sinfóníuhljómsveit Íslands. Í fyrra
gaf hún út sína fyrstu breiðskífu,
Meliae, sem hlaut Kraumsverðlaun-
in og var valin plata ársins af Morg-
unblaðinu og straum.is. Ingibjörg
hlaut tvenn verðlaun fyrir plötuna
á Íslensku tónlistarverðlaununum
fyrr á þessu ári.
Á tónleikunum í kvöld Ingibjörg
og hljómsveit leika verk af plötunni
ásamt nýju efni. Fram koma með
Ingibjörgu þeir Tumi Árnason
saxófónleikari, Magnús Trygvason
Eliassen trommuleikari, Hróðmar
Sigurðsson gítarleikari og Magnús
Jóhann Ragnarsson leikur á píanó.
Ingibjörg og hljóm-
sveit leika í Hofi
Ingibjörg Elsa
Turchi
Det danske
drengekor, þ.e.
Danski drengja-
kórinn, er stadd-
ur á Íslandi og
mun syngja við
messu í Háteigs-
kirkju kl. 11 á
morgun, sunnu-
dag, og halda
tónleika í Laug-
arneskirkju kl. 20. Á efnisskránni
verður klassísk kórtónlist sem og
einstaka dægurlög, m.a. eftir Bítl-
ana. Stjórnandi er Emil Ritter og
meðleikarar Anders Filipsen píanó-
leikari og Tomas Raae á kontra-
bassa. Aðgangur er ókeypis.
Kórinn skipa 25 strákar á aldr-
inum níu til fjórtán ára og á kórinn
sér langa sögu eins og sjá má á
heimasíðu hans á slóðinni
www.detdanskedrengekor.dk/
om/.
Danski drengjakór-
inn heldur tónleika
Emil Ritter