Morgunblaðið - 03.07.2021, Page 48

Tríó Amasia kemur fram kl. 16 á morgun, sunnudag, í
sumartónleikaröð Hallgrímskirkju í Saurbæ og leikur
tónverk samin undir áhrifum tónlistar millistríðs-
áranna. Má í þeim heyra fjölmörg ólík stílbrigði og
meðal annars áhrif frá franskri kaffihúsa- og götu-
tónlist og djassi. Tríóið skipa Hlín Erlendsdóttir fiðlu-
leikari, Ármann Helgason klarínettuleikari og Þröstur
Þorbjörnsson gítarleikari. Tríóið flytur einkum tónlist
sem hefur skírskotun í ýmis þjóðlög og dansa.
Verk samin undir áhrifum frá
tónlist millistríðsáranna
LAUGARDAGUR 3. JÚLÍ 184. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Magnús Þór Magnússon, miðvörður og fyrirliði Keflvík-
inga, var besti leikmaður júnímánaðar í Pepsi Max-deild
karla í fótbolta að mati Morgunblaðsins. Hann var í
lykilhlutverki hjá nýliðunum sem fengu sjö stig af níu
mögulegum í mánuðinum og sjálfur fékk hann samtals
fjögur M í einkunnagjöf blaðsins fyrir þessa þrjá leiki.
Magnús missti af nær öllu síðasta tímabili vegna
meiðsla. Úrvalslið Morgunblaðsins fyrir júnímánuð er
birt í blaðinu í dag. »41
Magnús Þór var bestur í júní
ÍÞRÓTTIR MENNING
Sigurður Bogi Sævarsson
sbs@mbl.is
Himinblíða og steikjandi hiti. Fólk
situr léttklætt fyrir utan fellihýsi og
tjöld og lætur sólina hella D-vítamíni
í kroppinn. Krakkarnir eru í fótbolta
eða busla í nálægum læk. Sumar-
smellir óma í útvarpinu og í um-
hverfinu ber alltaf eitthvað nýtt fyrir
augu. Þegar líða tekur á daginn er
skroppið í matvöruverslun og náð í
kjötmeti og þegar kemur fram á
kvöldið liggur grilllykt í loftinu. Lyft
er lífsins glösum, einhver dregur
fram gítar og sungið er um líf undir
bláhimni blíðsumars nætur. Svona
er Ísland um hásumar; landinn er í
ferðalögum og lífið er gott. Stemn-
ingin á Húsavík hefur líka verið frá-
bær og tjaldsvæðið er þéttsetið.
Bongóblíða
„Í augnablikinu er léttskýjað hér
á Húsavík, hæg gola og 15 stiga hiti.
Bongóblíða. Ég býst við fjölda gesta
um helgina en Íslendingar eru áber-
andi meðal þeirra sem hingað
koma,“ sagði Kristófer Leví Sig-
tryggsson tjaldsvæðisvörður í sam-
tali við Morgunblaðið síðdegis í gær.
„Oft kemur hingað vinafólk eða
nokkrar fjölskyldur saman halda
hópinn. Þetta er fólk sem raðar felli-
hýsunum sínum saman og myndar
sína eigin verönd. Allir hafa nóg við
að vera, af tjaldsvæðinu eru ekki
nema um 100 metrar í sundlaugina
og raunar er stutt héðan í allt sem
ferðamenn hér á Húsavík sækjast
eftir. Fólk af höfuðborgarsvæðinu
og austan af landi er áberandi meðal
Íslendinga sem hingað koma. Út-
lendingarnir koma alls staðar að úr
heiminum, eru gjarnan á stórum
ferðabílum en oft ekki nema eina
nótt hér á hringferð um landið.
Kristófer Leví er farfugl á Húsa-
vík, kom úr borginni til að verja
mark Völsungs í 2. deildinni í knatt-
spyrnu. Sér því um tjaldstæðið sem
Völsungar sjá um fyrir Norðurþing.
„Mér finnst fínt að vera hér á Húsa-
vík og er að finna mig úti á landi. Hef
líka farið talsvert hér á svæðinu og
er heillaður af Mývatnssveitinni,“
segir tjaldsvæðisvörðurinn.
Dagný Dögg Steinþórsdóttir, sem
var á Húsavík í gær, lýsir ferðalagi
ferðalagi fjölskyldu sinnar svo að
þau séu einfaldlega að elta góða
veðrið.
Áfram austur á land
„Annar sonurinn er hér að spila
fótboltaleik. Við ákváðum að fylgja
honum hingað norður og gera svolít-
ið meira en ella úr ferðinni. Héðan
ætlum við að fara annaðhvort í Ás-
byrgi eða austur á Hérað. Svo höld-
um við áfram suður á bóginn og er-
um ekkert að flýta okkur,“ segir
Dagný. Þau Börkur Halldór Blöndal
Hrafnkelsson, maður hennar, og
börnin þrjú, Hrafnkell Örn, Steinþór
Freyr og Brynhildur Þula, eru í ferð
sinni í stóru braggatjaldi og með
annan góðan búnað.
„Hér finnst alveg frábært að
ferðast innanlands á sumrin og slíkt
höfum við raunar gert í mörg ár.
Sjálf er ég enn ekki tilbúin að fara til
útlanda núna, svo skömmu eftir
veirutímann,“ segir Dagný Dögg að
síðustu.
Indæl sumarstemning
á tjaldsvæðum landsins
- Sól á Húsavík - Landinn í útilegu og eltir góða veðrið
Morgunblaðið/Hafþór Hreiðarsson
Ferðalangar Dagný Dögg og Börkur Halldór á Húsavík með þeim Brynhildi
Þulu og Steinþóri Frey. Hrafnkell var í sundi þegar myndin var í tekin.
Tjaldsvæðisvörður Býst við fjölda gesta um helgina, segir Kristófer Leví.