Morgunblaðið - 24.07.2021, Blaðsíða 10

10 FRÉTTIR
Innlent
MORGUNBLAÐIÐ LAUGARDAGUR 24. JÚLÍ 2021
Borgarráð samþykkti á fundi sín-
um í vikunni að bjóða út fram-
kvæmdir við endurnýjun gervi-
grasvalla knattspyrnufélaganna
Vals og Þróttar.
Fram kemur í greinargerð um-
hverfis- og skipulagssviðs að um sé
að ræða endurnýjun á gervigrasi á
keppnisvelli Vals á Hlíðarenda
samkvæmt samkomulagi Knatt-
spyrnufélagsins Vals og Reykjavík-
urborgar sem samþykkt var í borg-
arráði 4. júní 2015. Núverandi
gervigras var tekið í notkun í októ-
ber 2016 og fyrirséð að það upp-
fylli ekki þær kröfur sem gerðar
eru samkvæmt samkomulaginu um
úttektir á næsta keppnistímabili.
Ekki þarf að endurnýja fjöðr-
unarlagið sem er undir gervigras-
inu. Kostnaðaráætlun hljóðar upp
á 80 milljónir króna.
Þá kemur fram í greinargerðinni
að boðnar verði út framkvæmdir
við nýja gervigrasvelli í Laugardal
ásamt endurbótum á aðalvelli
Knattspyrnufélagsins Þróttar. Þær
eru í samræmi við samkomulag um
flýtingu framkvæmda við gervi-
grasvelli fyrir Þrótt sem samþykkt
var í borgarráði 3. júní síðastlið-
inn.
Kostnaðaráætlun er 830 millj-
ónir króna. Um er að ræða gerð
knattspyrnuæfingasvæðis með
tveimur gervigrasvöllum austan
Laugardalsvallar (áður Valbjarn-
arvallar). Vellirnir verða upphit-
aðir og heimilt er að koma fyrir
ljósamöstrum með LED-lýsingu.
Gert er ráð fyrir að nýir vellir
verði tilbúnir til notkunar í lok maí
2022. Þá verður einnig farið í end-
urbætur á aðalkeppnisvelli Þróttar
og gervigras endurnýjað. Gert er
ráð fyrir að þeim framkvæmdum
ljúki haustið 2022. sisi@mbl.is
Valur og Þróttur
fá nýtt gervigras
- Heildarkostnaður tæpur milljarður
Morgunblaðið/Kristinn Magnússon
Hlíðarendi Endurnýja þarf gervi-
gras sem tekið var í notkun 2016.
Steinar Ingi Kolbeins
steinar@mbl.is
Landmælingar Íslands, ásamt stofn-
un Árna Magnússonar í íslenskum
fræðum, halda utan um skráningu
örnefna á Íslandi. Landmælingar
hafa að undanförnu staðið fyrir nám-
skeiðum sem hafa verið haldin úti
um land allt en á námskeiðunum er
farið yfir örnefnaskráningu og
hvernig henni skuli háttað. Hafa þau
verið vel sótt.
Eydís Líndal Finnbogadóttir, for-
stjóri Landmælinga Íslands, segir
nauðsynlegt að fá aðstoð almennings
við skráningu örnefna.
„Aðstoð almennings er algjörlega
nauðsynleg. Við styðjumst við ör-
nefnalýsingar en til að staðsetja ná-
kvæmlega og fanga þau örnefni sem
ekki eru í lýsingunum þá er nauð-
synlegt að heimafólk eða mjög stað-
kunnugir aðstoði okkur. Þetta er það
fólk sem við erum að reyna að ná í
skottið á og vera í samstarfi við.“
Átthagafélög dugleg
Eydís segir átthagafélög víða um
land oft dugleg við skrásetningu, og
Landmælingar leitist því eftir því að
komast í slíkar skráningar og færa
þær rafrænt inn í sameiginlegan
gagnagrunn. Spurð hvort allir geti
skráð ný örnefni segir Eydís:
„Við þurfum að vita tengingu við-
komandi við svæðið, ef hún er nægi-
leg þá fær viðkomandi heimild hjá
okkur til að skrá í gagnagrunninn.“
Hún bendir einnig á að engin heil-
ög sannindi séu í því hvar örnefni
byrja og enda, þau reyni þó að sann-
reyna og vanda til verka. Hún segir
einnig skráningu örnefna vera mik-
ilvægt skref í varðveislu menningar-
arfs þjóðarinnar. „Saga þjóðarinnar
er að vissu leyti skráð með örnefnum
en þau hafa að mestu varðveist í
munnmælum og við erum að reyna
að safna saman öðrum sem eru á vit-
orði fólks, en ekki skráð.“
Eydís segir þó engin nýmæli í
þessu, hún hafi lesið grein frá alda-
mótunum 1900 sem fjallaði um ein-
mitt þetta, að örnefnin væru í hættu
á að glatast úr málinu, vegna þess að
þau væru bara varðveitt í munn-
mælum. Þá munu Landmælingar Ís-
lands og Árnastofnun leggja af stað í
landsátak í þessum efnum nú í
haust.
„Landsátakið um staðsetningu ör-
nefna er í undirbúningi en þar mun-
um við hvetja landsmenn til að að-
stoða okkur og saman reyna að
staðsetja þá hálfu milljón örnefna
sem þekkt eru á Íslandi í örnefnalýs-
ingum,“ segir Eydís að endingu.
Námskeið um
skráningu
örnefna vel sótt
- Aðstoð almennings nauðsynleg, seg-
ir forstjóri Landmælinga Íslands
Morgunblaðið/Einar Falur
Geldingadalir Eldgosið á Reykja-
nesskaga kallar á ný örnefni.
Unnur Freyja Víðisdóttir
unnurfreyja@mbl.is
Stefnt er að því eftir helgina að
halda fund með íbúum í Varmahlíð í
Skagafirði vegna aurskriðunnar
sem féll þar á þrjú hús við Laugaveg
fyrir um þremur vikum.
Hreinsunarstarf hefur staðið yfir
og orsaka skriðunnar leitað. Verk-
taki hefur unnið við að hlaða grjót-
garð í brekkunni fyrir ofan húsin,
eins og meðfylgjandi mynd ber með
sér, en samkvæmt upplýsingum
blaðsins fannst við hreinsunarstörf-
in önnur vatnsuppspretta í hlíðinni.
„Við vorum að fara að drena
brekkuna þegar þetta gerðist og það
er akkúrat það sem er verið að gera
á svæðinu í dag. Við vissum ekki af
þessum lindum eða uppsprettum
þarna,“ segir Margeir Friðriksson,
sviðsstjóri stjórnsýslu- og fjár-
málasviðs Sveitarfélagsins Skaga-
fjarðar, við Morgunblaðið.
Talsvert tjón varð á húsunum eft-
ir skriðuna og uggur í íbúum. Fram
kom í Morgunblaðinu sl. fimmtudag
að upplýsingafundi, þar sem fara
átti yfir stöðu mála með íbúum
Varmahlíðar, hefði verið slegið á
frest.
Verið að fara yfir gögn
Margeir segir að aldrei hafi verið
tekin ákvörðun um það hvenær
fundurinn færi fram.
„Það var aldrei búið að dagsetja
þennan íbúafund. Vegna sumarleyfa
hefur ekki verið hægt að koma sam-
an. Svo þarf að fara yfir gögnin sem
við erum komin með og hvað þarf að
gera. Menn vilja halda fund þar sem
hægt er að svara fólkinu almenni-
lega en ekki hlaupa upp til handa og
fóta of fljótt,“ segir hann.
Að sögn Margeirs er stefnt að því
að halda fundinn eftir helgina.
„Sveitarfélagið er alveg á tánum
og vill laga þetta sem allra fyrst.
Þetta er erfiður tími í framkvæmd-
um og öðru. Þetta er eitthvað sem
menn áttu ekki von á.“
Létu vita af sprungu í mars
Íbúar á svæðinu létu sveitarfélag-
ið vita í mars sl. að sprunga hefði
myndast í brekkunni milli Norður-
brúnar og Laugavegar.
„Fólk var búið að lýsa yfir
áhyggjum af því að brekkan myndi
skríða fram. Þá var hins vegar ekki
talið ráðlegt að gera nokkuð í mál-
inu fyrr en frost væri komið úr
jörðu og svæðið orðið þurrara. Svo
bara fellur skriðan daginn sem við
vorum komin með öll tækin í fram-
kvæmdirnar. Ótrúleg tilviljun,“ seg-
ir Margeir.
Morgunblaðið/Helgi Bjarnason
Varmahlíð Unnið hefur verið að því að hlaða grjótgarð fyrir ofan húsin sem aurskriðan féll á nýverið.
Reynt að verjast
vatni í brekkunni
- Stefnt að íbúafundi um aurskriður í Varmahlíð eftir helgi