Strandapósturinn - 01.06.1975, Síða 10

— þú svíjur á undan
með sviftaki léttu
— sem guðlegur geisli
á götuna skin
gjörvallan hug minn
þú seiðir til þín.
Svo hlýt ég að fylgja þér
hvert sem mig ber
og hm'gi ég til moldar
þá fylgir þú mér
Hér eftir lif mitt ég helga þér allt
að missa ei sjónar á markinu aftur
það mun ég nú reyna uns þverrar lífskraftur
þú vermir mitt hjarta ef verður það kalt.
Tón Matthíasson var fæddur í Bæ í Hrútafirði 15. nóv.,
1903.
Foreldrar hans voru Matthías Amgrímsson bóndi í Bæ og
síðar í Jónsseli, og kona hans Ingiríður Jónsdóttir. Snemma
kom í ljós að Jón var mikill námsmaður. Hann fór í
Samvinnuskólann og útskrifaðist þaðan með hárri einkunn.
Skömmu síðar fluttist Jón til Akureyrar og átti þar heima upp
frá því. Hann starfaði þar fyrst sem tollþjónn, en gerðist síðan
skrifstofumaður hjá Sparisjóði Akureyrar og Apóteki Akur-
eyrar. Meðan Jón dvaldi í Hrútafirði skrifaði hann töluvert
bæði í bundnu og óbundnu máli. Sumt af því birtist í blaði
ungmennafélagsins þar. Einnig smásögur í Nýjum Kvöldvök-
um og Eimreiðinni.
Hann átti handrit að allstórri skáldsögu ásamt fleiru, sem
ætlunin var að gefa út, og fór með þau til Reykjavíkur. Hann
var í þeirri ferð farþegi á varðskipinu Þór, en það fórst á
Húnaflóa í des 1929.
Menn björguðust naumlega. Þar tapaði Jón öllum sínum
handritum og var ekkert afrit til af þeim. Þetta varð honum
mikið áfall.
Jón lést árið 1971. T, „ . .,
° Jon Knstjansson.
8