Morgunblaðið - 14.08.2021, Qupperneq 6

6 FRÉTTIR
Innlent
MORGUNBLAÐIÐ LAUGARDAGUR 14. ÁGÚST 2021
Ómar Garðarsson
Vestmannaeyjum
Lundaveiðitímabilið í Vest-
mannaeyjum hófst á laugardag um
sl. helgi og stendur í níu daga. Ljós-
myndari Morgunblaðsins til ára-
tuga, Sigurgeir Jónasson er nú við
veiðar í Álsey og sennilega með
elstu lundaveiðimönnum í Eyjum,
vantar fimm vikur upp á 87 árin.
Sigurgeir byrjaði að mynda fyrir
Morgunblaðið 1955 en þau eru orð-
in 80 árin sem hann hefur farið í
Álsey. Þær skipta milljónum mynd-
irnar sem Sigurgeir hefur tekið en
hann er líka liðtækur með háfinn.
Átti lengi metið í Vestmannaeyjum,
sem var 1.208 lundar á einum degi.
Vestmannaeyjabær vill minna á
að lundaveiði er einungis heimil
þeim sem til þess hafa gilt veiðikort
og eru skráðir í veiðifélagi sem hef-
ur nytjarétt á tilteknum svæðum.
Þó er almenningi heimil veiði í Sæ-
felli. Í tilkynningu frá Vest-
mannaeyjabæ eru lundaveiðimenn
hvattir til að standa vörð um nátt-
úruna og að ganga fram af hófsemi
við veiðarnar.
„Við hvetjum alla til að hafa í
huga að veiði er í samofin menn-
ingu eyjanna og í sambúð við aðra
náttúruunnendur eins og t.d. ferða-
mennsku og eru veiðimenn sem og
aðrir hvattir til að ganga um lífríki
Eyjanna með kærleik og virðingu,“
segir þar.
Umhverfis- og skipulagsráð
Vestmannaeyja telur afar mik-
ilvægt að stýring veiða á lunda í
Vestmannaeyjum taki öllum stund-
um fyrst og fremst mið af viðkomu
stofnsins. Reynsla síðastliðinna ára
hafi sýnt að þeir fáu dagar sem
lundaveiði er heimiluð nýtist til
þess að viðhalda þeirri merkilegu
menningu sem fylgir veiðinni. Þá sé
tíminn nýttur til að viðhalda hús-
næði úteyjanna og huga að öðru
sem fylgir.
Ljósmynd/Guðlaugur Sigurgeirsson
Veiðimaður Sigurgeir Jónasson á kunnuglegum slóðum og í baksýn í norðaustri hér sést sjálf hin fagra Heimaey.
Sigurgeir með háfinn í Álsey
- Mættur í lundaveiðina nú í 80. sinn - Átti metið sem var
1.208 fuglar á einum degi - Veiðin stjórnist af viðkomu
Kosning til Alþingis utan kjörfundar
hófst bæði innanlands og erlendis í
gær. Alþingiskosningar fara fram 25.
september. Innanlands fer kosning
utan kjörfundar fram hjá sýslumönn-
um um allt land, á aðalskrifstofum
eða í útibúum þeirra. Samkvæmt
sýslumanninum á höfuðborgarsvæð-
inu, Sigríði Kristinsdóttur, kaus 41
utan kjörfundar í gær.
Utan landsteinanna fer kosning
fram í öllum sendiráðum og aðalræð-
isskrifstofum Íslands erlendis. Einn-
ig er unnt að kjósa utan kjörfundar
eftir samkomulagi hjá kjörræðis-
mönnum Íslands erlendis.
Kosning
hafin utan
kjörfundar
Morgunblaðið/Eggert
Alþingiskosningar Sigríður Kristinsdóttir, sýslumaður á höfuðborgar-
svæðinu, opnaði fyrir kosningu utan kjörfundar í gær. Þar kaus 41 í gær.
Jón Viðar Matthíasson, slökkviliðs-
stjóri á höfuðborgarsvæðinu, segir
framlínustyrki til starfsmanna
slökkviliðsins, líkt og heilbrigðis-
starfsfólk og annað framlínufólk hef-
ur fengið greitt
frá ríkinu, vera til
skoðunar og að
niðurstaða um
slíka styrki sé
væntanleg á
næstu dögum eða
vikum. Í svörum
slökkviliðsins sem
birt var á fundi
borgarráðs sl.
fimmtudag varð-
andi viðbrögð
vegna Covid-19, segir að, að beiðni
formanns stjórnar SHS hafi slökkvi-
liðsstjóri óskað formlega eftir því við
Sjúkratryggingar Íslands að álags-
greiðslur, sem greiddar eru til starfs-
fólks sjúkrahúsa og heilbrigðisstofn-
ana sem starfa undir miklu álagi
vegna Covid-19, myndu einnig ná til
starfsfólks SHS sem sinnir sjúkra-
flutningum, þar sem það hefur verið
undir umtalsverðu álagi. Þessu erindi
hafi ekki verið svarað.
„Þetta er náttúrulega mjög víða í
skoðun og fólk er búið að leggja hrika-
lega mikið á sig við erfiðar aðstæður
og klárlega erum við hjá Slökkviliðinu
búin að vera hluti af þessari fremstu
línu,“ segir Jón Viðar. „Það er búið að
vera svakalegt álag undanfarnar vik-
ur og í langan tíma. Fyrst í þessum
faraldri í fyrra að þá var gírinn svona
að þetta væri átaksverkefni, einhverj-
ir örfáir mánuðir og að síðan myndi
það klárast. Svo kom smá pása og síð-
an fór þetta aftur af stað og núna er
þetta orðið þannig að menn eru farnir
að sjá fyrir sér, bæði við, stjórnvöld
og aðrir, að þetta er ekki átaksverk-
efni lengur.“
Jón Viðar segir þó gott að menn
séu búnir að átta sig á því að þetta sé
ekki átaksverkefni, þetta ástand sé
komið til að vera í einhvern tíma og að
því þurfi að beita verklagi og öðru í
takt við það. „Þau geta ekki endalaust
beðið alla um að hlaupa hraðar, það er
hægt að gera það í styttri vegalengd-
um en þegar þetta er orðið maraþon
og jafnvel nokkur maraþon í röð að þá
er vegalengdin orðin ansi löng,“ segir
hann. rebekka@mbl.is
Skoða fram-
línustyrki
- Slökkviliðið einnig í fremstu línu
Jón Viðar
Matthíasson
Morgunblaðið/Árni Sæberg
Sjúkraflutningar Mikið álag.
Helgi Grímsson, sviðsstjóri skóla- og
frístundasviðs Reykjavíkurborgar,
segist gera ráð fyrir að skólastarf fari
fram samkvæmt þeim römmum sem
gefnir hafa verið, hann segist engu að
síður hvetja skólastjórnendur til þess
að gæta vel að öllum sóttvörnum og
að jafnvel sé hólfað umfram það sem
tilmæli segja til um. Hann fór yfir
stöðu mála á skóla- og frístundasviði
á fundi neyðarstjórnar Reykjavíkur í
gær. Á fundinum var farið yfir smit-
tölur síðustu viku og kynnt efni nýrra
reglna um samkomutakmarkanir í
skólastarfi. Í leiðbeiningum um sótt-
varnir í skólastarfi haustið 2021 segir
að viðbragðsáætlanir vegna smita
séu til staðar í öllum skólum og að
rekstraraðilar skóla og skólastjórn-
endur geti gripið til frekari sóttvarn-
arráðstafana sem mæta aðstæðum á
hverjum stað, s.s. frekari hólfaskipt-
inga í starfsemi og aukinnar grímu-
notkunar, m.a. til að vernda við-
kvæma hópa, draga úr smithættu og
auðvelda rakningu, svo fremi sem
það bitni ekki á þjónustu við nem-
endur.
„Til þess að við getum haldið okkar
starfsemi óskertri að þá er gríðar-
lega mikilvægt að foreldrar séu í
virkri samvinnu við okkur og gæti
þess að senda ekki börn í skóla ef að
börnin eru veik. Eins líka með allri
aðkomu foreldra, hvort sem um er að
ræða í leik- eða grunnskólum, að
fylgja fyrirmælum og leiðsögn
stjórnenda hvað það varðar,“ segir
hann. „Okkur er ætlað að halda úti
óskertri starfsemi og við leggjum
þunga áherslu á það, eðlilega, þar
sem það er það sem skiptir máli fyrir
samfélagið. Um leið vitum við líka að
deildir, heilir leikskólar eða stór hluti
í grunnskóla í sóttkví hefur eðlilega
mjög mikil áhrif, bæði á starfsfólkið
og svo fjölskyldurnar.“
rebekka@mbl.is
Mikilvægt að foreldrar
séu í virkri samvinnu
- Skólastarf vetrarins rætt á fundi neyðarstjórnar í gær
Morgunblaðið/Kristinn Magnússon
Skóli Útikennsla í Fossvogsskóla.