Morgunblaðið - 04.09.2021, Side 20

20 FRÉTTIR
Viðskipti | Atvinnulíf
MORGUNBLAÐIÐ LAUGARDAGUR 4. SEPTEMBER 2021
S: 555 0800 · Fornubúðum 12 · Hafnarfirði · sign@sign.is · facebook.com/signskart
WWW. S I G N . I S
4. september 2021
Gengi Kaup Sala Mið
Dollari 127.13
Sterlingspund 175.29
Kanadadalur 100.78
Dönsk króna 20.253
Norsk króna 14.632
Sænsk króna 14.775
Svissn. franki 138.83
Japanskt jen 1.1557
SDR 181.14
Evra 150.6
Meðalgengi/Viðskiptavog þröng 179.9462
« Rekstrarhagn-
aður hátækni-
fyrirtækisins
atNorth á Íslandi
nam 1,6 millj-
ónum dollara á
síðasta ári, eða
rúmum tvö
hundruð millj-
ónum króna og
lækkaði um 2,2
milljónir dollara
á milli ára, eða
279 milljónir
króna.
Í tilkynningu frá félaginu segir að
tekjur atNorth af íslenskri starfsemi
hafi numið 36 milljónum dollara árið
2020, eða tæplega 4,6 milljörðum
króna, og hafi lækkað um tæp 30% frá
fyrra ári.
EBITDA-hlutfallið árið 2020 nam
27% af tekjum félagsins, en var 20% á
árinu 2019.
Í tilkynningunni segir að reksturinn á
árinu 2020 hafi markast mjög af Co-
vid-19 heimsfaraldrinum. Eftirspurn á
gagnavers- og ofurtölvuþjónustu-
markaði hafi dregist saman með hag-
sveiflunni, en með skjótum viðbrögðum
hafi náðst veruleg hagræðing í rekstri
og kostnaðarlækkun sem að hluta sé
varanleg. Þá hafi tafir á afhendingu nýs
tölvubúnaðar frá birgjum orðið til þess
að uppsetningum nýrra verkefna seink-
aði með tilheyrandi tæknilegum áskor-
unum, eins og einnig kemur fram í til-
kynningunni frá fyrirtækinu.
atNorth hagnast um
200 milljónir króna
Tækni Eyjólfur
Magnús Kristinsson
forstjóri atNorth.
STUTT
BAKSVIÐ
Stefán E. Stefánsson
ses@mbl.is
Landsbankinn hefur hafnað beiðni
fjármála- og efnahagsráðuneytisins
um afhendingu gagna sem varpað
geti ljósi á endanleg áhrif yfirtöku
SpKef á efnahag bankans. Vísar
bankinn til þess að um þau gögn ríki
trúnaður þar sem þau tengist við-
skiptamálefnum viðskiptavina hans
og að þagnarskylda hvíli á bankanum
lögum samkvæmt. „Ekki væri fyrir
hendi lagaheimild fyrir bankann að
afhenda ráðuneytinu þessi gögn og
skipti ekki máli í þessu samhengi að
ekki væri um að ræða beiðni um af-
hendingu persónuupplýsinga,“ segir í
skýrslu ráðuneytisins.
Þetta kemur fram í skýrslu sem
ráðuneytið hefur birt á heimasíðu
sinni en í henni er að finna svör við
fyrirspurnum sem Birgir Þórarins-
son, þingmaður Miðflokksins, og
fleiri, lögðu fyrir fjármálaráðherra
þann 27. apríl síðastliðinn. Með beiðn-
inni vildu þingmennirnir varpa ljósi á
„forsendur og afleiðingar af samningi
ríkisins um yfirtöku Landsbankans á
rekstri, eignum og skuldbindingum
SpKef sparisjóðs með ríkisábyrgð“.
Forsaga málsins er sú að þáverandi
fjármálaráðherra, Steingrímur J.
Sigfússon, hafði forgöngu um það um
mitt ár 2010 að stofnaður yrði nýr
sparisjóður SpKef sparisjóður á rúst-
um Sparisjóðs Keflavíkur sem ratað
hafði í miklar ógöngur. Var þá svip-
aðri aðferðafræði beitt og þegar nýir
bankar voru reistir á grunni hinna
föllnu í árslok 2008. Áttu þá eignir
þær sem fylgdu inn í hinn nýja sjóð að
nægja fyrir skuldbindingum hans.
Fljótlega kom þó á daginn að svo var
ekki og rataði nýreistur sjóðurinn því
í meiri háttar ógöngur. Var að lokum
leist úr klemmunni með því að Lands-
bankinn tók SpKef yfir með samningi
við ríkið sem neyddist til að láta ríf-
legan heimanmund fylgja sköpunar-
verki sínu frá árinu 2010.
Sagði Steingrímur J. í skýrslutök-
um hjá rannsóknarnefnd Alþingis að
getgátur hefðu verið uppi um að eigið
fé væri orðið lítið sem ekkert þegar
sparisjóðurinn var tekinn yfir „en þó
ekki verra en það“.
Þegar uppi var staðið gaf ríkissjóð-
ur út skuldabréf, RIKH 18, upp á 19,2
milljarða og var sú fjárhæð ákvörðuð
af sérstakri úrskurðarnefnd sem
skipuð var í tengslum við ágreining
um yfirfærsluna. Ofan á þessa fjár-
hæð þurfti ríkið svo, samkvæmt mati
árið 2012 að greiða sex milljarða í
vexti af bréfinu og næmi kostnaður
við yfirtöku sparisjóðsins þá 25 millj-
örðum króna.
Um mögulegt tjón eða ávinning
Landsbankans af yfirtöku SpKef
áréttar ráðuneytið þó „[...] að ríkis-
sjóður er langstærsti eigandi Lands-
bankans og því hefur tap eða hagn-
aður bankans af yfirtökunni með
beinum hætti áhrif á virði eignarhlut-
ar ríkisins í bankanum.“
Á tali hjá Þjóðskjalasafninu
Þjóðskjalasafn varðveitir gögn
rannsóknarnefndar Alþingis um að-
draganda og orsakir erfiðleika og falls
sparisjóðanna. Kallaði fjármála- og
efnahagsráðuneytið eftir gögnum frá
stofnuninni sem undirbyggt gætu
svar þess við fyrirspurn þingmann-
anna. Þaðan hefur þó aðeins borist
þögnin ein. „Ráðuneytinu hefur ekki
borist svar frá Þjóðskjalasafni við
gagnafyrirspurninni,“ segir einfald-
lega í skýrslunni.
Landsbankinn neitar að
upplýsa Alþingi um SpKef
Morgunblaðið/Kristinn
Landsbankinn Tæpra sex milljarða króna munur á kröfu Landsbankans og mati
úrskurðarnefndar um leiðréttingu á mati lánasafns 400 stærstu skuldara SpKef.
- Þjóðskjalasafn svarar ekki fyrirspurn fjármála- og efnahagsráðuneytisins
Eignir íslenskra lífeyrissjóða námu
6.242 milljörðum króna í lok júlímán-
aðar og jukust þær um 81 milljarð
frá fyrri mánuði. Eignirnar hafa
aukist um 511 milljarða frá áramót-
um. Jafngildir það tæplega 9% vexti
yfir tímabilið. Þetta má lesa úr ný-
birtum hagtölum Seðlabanka Ís-
lands.
Innlendar eignir aukast um 36,4
milljarða frá fyrri mánuði en erlend-
ar eignir um 45,3 milljarða. Er hlut-
fall erlendra eigna sjóðanna nú
34,4% og hefur aldrei verið hærra.
Hefur hægur stígandi verið í hlutfalli
erlendra eigna af heildarsafni sjóð-
anna á þessu ári en um áramót var
það 33,7%.
Hægir á samdrætti
Líkt og greint hefur verið frá í
Morgunblaðinu hafa útlán sjóðanna
til sjóðfélaga dregist viðstöðulaust
saman frá því í júní í fyrra og nema
upp- og umframgreiðslur umfram ný
útlán 64,3 milljörðum króna á tíma-
bilinu. Í júlímánuði er samdráttur í
lánaflokknum hins vegar talsvert
minni en í fyrri mánuðum ársins og
nam tæpum 1,6 milljörðum. Óverð-
tryggð útlán aukast líkt og fyrri
mánuði en það eru upp- og umfram-
greiðslur verðtryggðra lána sem
trompa þá aukningu. Ný óverð-
tryggð útlán umfram umfram- og
uppgreiðslur námu tæpum 3 millj-
örðum í júlí. Umfram- og upp-
greiðslur verðtryggðra lána voru 4,5
milljörðum meiri en ný útlán af
þeirri tegund.Heildarfjöldi sjóð-
félagalána sem eru útistandandi hjá
lífeyrissjóðunum er nú 34.110 og
fækkar um 185 frá fyrri mánuði.
Hafa lánin ekki verið jafn fá síðan í
desember 2016. Flest urðu þau
41.276 í maímánuði 2020.
Erlendis Eignir sjóðanna utanlands
nema nú 34,4% af heildareignum.
Eignirnar halda
áfram að aukast
- Eignir lífeyris-
sjóðanna aukist um
511 milljarða á árinu
Bjarni Benediktsson kallaði eftir svörum árið 2012 frá þáverandi ríkis-
stjórn um málefni SpKef og var þá vændur um ómálefnalega gagnrýni. Í
þingræðu 11. júní það ár sagði hann:
„Á fyrri stigum þessa máls þegar það fyrst kom inn á borð ríkisstjórn-
arinnar sagði þáverandi efnahags- og viðskiptaráðherra, Gylfi Magn-
ússon, að ríkið teldi mögulegt að leysa þann vanda sem upp væri kominn
án kostnaðar fyrir ríkið. Síðan leið um það bil eitt ár og í ljós kom að
eignir SpKef voru annaðhvort að rýrna eða höfðu verið stórkostlega of-
metnar og okkur var tjáð að skynsamlegt væri að leggja SpKef inn í
Landsbankann til að takmarka tjón ríkisins. Tjón ríkisins var þá metið á
11,2 milljarða, ef ég man rétt. Nú er þessi tala sem sagt orðin 25 millj-
arðar. Það sem átti í upphafi ekki að verða neitt er orðið að 25 millj-
örðum.“
Nú er fátt um svör frá ráðuneyti Bjarna, þegar vilji stendur til að varpa
ljósi á lyktir þessa máls sem kostaði ríkissjóð tugi milljarða króna.
Kallaði eftir svörum 2012
ENGINN KOSTNAÐUR VARÐ AÐ 25 ÞÚSUND MILLJÓNUM