Morgunblaðið - 09.10.2021, Blaðsíða 27

27
MORGUNBLAÐIÐ LAUGARDAGUR 9. OKTÓBER 2021
Fákaferjur Ókunnugir gætu haldið að hér væru kynjaverur á ferð með skrítin augu en þetta eru nú bara hestakerrur í Víðidal, sem bíða eftir að flytja fáka milli staða.
Kristinn Magnússon
Sveitarfélögin hafa ákveðið að
starfa saman á vettvangi Sam-
bands íslenskra sveitarfélaga til
að taka stór stafræn skref í þágu
íbúa. Í þessu samstarfi tekur
Reykjavíkurborg þátt, enda hef-
ur borgin af miklu að miðla og
hefur verið í fararbroddi allra
sveitarfélaga á þessu sviði.
Önnur sveitarfélög munu svo
njóta þeirrar þekkingar og
reynslu sem Reykjavík hefur, þó
svo að hvert sveitarfélag fyrir
sig muni þurfa að fara í gegnum sína ferla og
geti ekki tekið lausnir Reykjavíkurborgar upp
hráar. Þetta kom mjög skýrt fram á fjár-
málaráðstefnu sveitarfélaganna nú fyrir helgi.
Styrkleiki Reykjavíkurborgar liggur ekki
síst í því að borgin hefur ákveðið að leggja 10
milljarða í stafræna umbreytingu á næstu ár-
um til að vera viðbúin þeim miklu breytingum
sem eru að eiga sér stað.
Fyrstu skrefin
Þessi umbylting er þróun sem mun eiga sér
stað til framtíðar. Við munum ekki vakna einn
daginn og telja stafrænu þróuninni lokið.
Tæknin mun halda áfram að
þróast og sveitarfélögin þurfa að
þróast með, líkt og aðrir. Staf-
ræna umbyltingin sem við erum
að tala um í dag er því bara fyrstu
skrefin í mjög langri vegferð sem
ekki verður hægt að mæla í kjör-
tímabilum.
Stafræn umbylting snýst ekki
bara um að taka umsókn-
areyðublöð og setja þau á vefinn.
Það þarf að undirbúa það að
tölvukerfi geti talað saman, að
upplýsingar séu sóttar á miðlæg-
an stað í stað þess að slá þær inn
úr einu kerfi í annað. Notenda-
búnaðurinn þarf að vera fyrir hendi og hug-
búnaðarleyfin. Það þarf að endurhugsa ferla
með íbúa og aðra notendur í huga, og hvernig
notendur vilja nálgast upplýsingar eða þjón-
ustu. Niðurstaðan verður svo aukin sjálf-
virknivæðing, til að við getum öll nýtt símann
okkar betur.
Notendavæn þróun
Sveitarfélögin þurfa að hlusta á íbúa sína
um þarfir og áherslur. Hvernig hægt sé að
gera þjónustu notendavænni og veita hana á
forsendum íbúa, frekar en eftir því sem þægi-
legt er fyrir sveitarfélagið. Stafræna þróunin
mun líka eiga sér stað í samtali við sérfræð-
inga, innlenda og erlenda.
Sérfræðingar óskast á útboðsvef
Undir þetta er Reykjavíkurborg tilbúin. Á
útboðsvef borgarinnar má núna t.d. finna ósk
um þátttöku í gagnvirku innkaupakerfi um
þjónustu alls konar sérfæðinga, frá sérfæð-
ingum í myndbandagerð til sérfæðinga um
stefnumótun, hönnun, rekstri tölvukerfa og
upplýsingatækni. Einnig er opið útboð um
þjónustu sérfræðinga vegna notendamiðaðrar
hönnunar. Þetta er samningur sem er opinn
öllum fyrirtækjum og geta nýsköpunar-
fyrirtæki sem og aðrir skráð sig hvenær sem
þeim hentar og dregið sig út sömuleiðis.
Þeim sérfræðingum sem hafa áhuga á
ákveðnum hugbúnaðarlausnum má benda á út-
boð um notendavænt starfsumsóknarkerfi
Reykjavíkurborgar. Í fljótlegri yfirferð sýnd-
ist mér 16 útboð vegna stafrænnar þróunar
þegar hafa skilað niðurstöðu bara á þessu ári.
Þar á meðal hugbúnaðarlausn vegna eignaum-
sjónarkerfis borgarinnar.
Tæp 80% af 10 ma. kr. í opinber innkaup
Í innkaupastefnu Reykjavíkurborgar segir
að „við innkaup Reykjavíkurborgar sé beitt út-
boðum, að eins miklu leyti og unnt er og hag-
kvæmt þykir og að hlutur útboða í heildar-
innkaupum Reykjavíkurborgar aukist“. Í
samræmi við innkaupastefnuna hefur
Reykjavíkurborg metið hvar hagkvæmt er að
beita útboðum í stafrænni umbyltingu borg-
arinnar. Á þessu ári eru 3,2 milljarðar áætlaðir
í stafræna umbreytingu. Þar af fari 2,7 millj-
arðar í verkefni sem fara í gegnum opinber
innkaup. Af alls 10 milljörðum er áætlað að
tæp 80% fari í gegnum opinber innkaup.
Einhver hluti stafrænnar þróunar, innleið-
ingar og greiningarvinnu mun eiga sér stað
innan borgarinnar, eftir því sem þykir hag-
kvæmara og betur farið með skattfé borg-
arbúa. En útboðum verður beitt og keypt
þekking og reynsla af litlum sem stórum fyr-
irtækjum til að vinna að verkefnum í þágu
borgarbúa, sem vonandi mun svo skila sér til
íbúa annarra sveitarfélaga líka.
Við þurfum að gera þetta saman
Eftir Þórdísi Lóu
Þórhallsdóttur
Þórdís Lóa
Þórhallsdóttir
»Hvernig hægt sé að gera
þjónustu notendavænni og
veita hana á forsendum íbúa,
frekar en eftir því sem þægi-
legt er fyrir sveitarfélagið
Höfundur er oddviti Viðreisnar
og formaður borgarráðs.
Tilefni þessarar greinar er að
gera grein fyrir þeirri ákvörðun
minni á sviði stjórnmálanna að
segja skilið við þingflokk Mið-
flokksins og ganga til liðs við
þingflokk Sjálfstæðisflokksins.
Ákvörðunin er þungbær, en hún
á sér nokkurn aðdraganda sem
hefur leitt til þess að traust milli
mín og forystu flokksins er
brostið.
Þessi staða rekur rætur sínar
allt aftur til hins svokallaða Klausturmáls.
Eins og kunnugt er gagnrýndi ég málið op-
inberlega og viðbrögð þeirra sem í hlut áttu.
Ég gat þess jafnframt að ég óskaði engum
þess að vera þolandi eða gerandi í máli sem
skók þjóðina dögum saman og enn er minnst á
í fjölmiðlum. Að baki standa fjölskyldur sem
hafa átt erfitt vegna málsins.
Ég gagnrýndi samflokksmenn mína sem í
hlut áttu vegna þess að heilindi við eigin sam-
visku og sú ábyrgð að breyta rétt í þjónustu
við kjósendur er fyrsta skylda þingmanna.
Eftir gagnrýni mína á Klausturmálið naut ég
aldrei fulls trausts innan hópsins og um tíma
var beinlínis litið svo á að ég væri vandamálið.
Þetta átti sér birtingarmyndir, sem ég ætla þó
ekki að rekja í löngu máli.
Samstaða og traust
Þegar undirbúningur hófst fyrir
alþingiskosningar taldi ég að
þessu væri lokið. Ég var fullur til-
hlökkunar og sannfærður um að
við gengjum öll sameinuð til öfl-
ugrar kosningabaráttu. Fljótt varð
ljóst að svo var ekki. Við uppröðun
á framboðslista hófst skipulögð að-
för gegn mér af hálfu áhrifafólks
innan flokksins. Mikið var á sig
lagt, liðsauki kallaður til, nýjar
reglur settar og ýmsum brögðum
beitt til að koma í veg fyrir að ég
yrði oddviti í Suðurkjördæmi. Þeirri stöðu hef
ég gegnt síðustu fjögur ár, hlotið næstbestu
kosningu flokksins á landsvísu og viðhaldið
styrkleika í kjördæminu allt kjörtímabilið.
Þeir sem unnu af heilindum við að velja sig-
urstranglegasta framboðslistann urðu fyrir að-
kasti þegar fyrir lá að ég yrði áfram oddviti.
Þetta hélt áfram allt fram á síðustu metra kosn-
ingabaráttunnar. Fimm dögum fyrir kjördag,
þegar við frambjóðendur Suðurkjördæmis
höfðum unnið vikum saman að því að afla
flokknum fylgis, reyndu lykilmenn innan
flokksins að draga úr trúverðugleika framboðs-
ins. Voru það kaldar baráttukveðjur og særðu
okkur mjög.
Ég hef sinnt þingstörfunum undir merkjum
Miðflokksins af samviskusemi, borið hitann og
þungann af fjármálaumræðu flokksins í
þinginu og sett á oddinn málefni sem hafa lað-
að fólk að Miðflokknum. Málefni sem hafa ver-
ið vanrækt í umræðunni en skipta okkur máli
sem þjóð. Ég taldi mig einfaldlega ekki eiga
þessa aðför skilið.
Formaður Miðflokksfélagsins í Suður-
kjördæmi, sem jafnframt gegndi stöðu for-
manns uppstillingarnefndar í kjördæminu,
sinnti sínum störfum af drengskap og réttsýni,
með hagsmuni flokksins að leiðarljósi. Að hon-
um var sótt og störf hans gerð tortryggileg.
Miðflokkurinn beið afhroð í kosningunum
og er í erfiðri stöðu. Margt fór úrskeiðis í
kosningabaráttunni og í aðdraganda hennar.
Mikið uppbyggingarstarf bíður forystunnar
og flokksmanna, en endurreisnin mun aldrei
takast nema full samstaða og traust ríki milli
manna. Ljóst má vera að slíkt traust ríkir ekki
í minn garð eins og ég hef rakið. Það er full-
reynt. Einnig skal það sagt að flokksforystan
hefur rofið traust mitt til hennar.
Sömu áherslur á nýjum vettvangi
Frá því ég var fyrst kosinn á Alþingi haustið
2017 hef ég haft vinnusemi að leiðarljósi. Ég hef
lagt áherslu á ábyrga stjórn ríkisfjármála, full-
veldi og sjálfstæði, réttlátt velferðarkerfi, öfl-
ugan landbúnað og byggðastefnu, skilvirkt og
mannúðlegt hælisleitendakerfi, verndun ís-
lenskrar menningar, mannhelgi og hinn kristna
menningararf þjóðarinnar.
Ég get fullvissað stuðningsfólk mitt um að ég
mun hvergi hvika frá öflugum málflutningi og
vinnu við þessi mikilvægu mál. Það væri hins
vegar ekki heiðarlegt, hvorki gagnvart eigin
samvisku né kjósendum, að halda áfram innan
hóps þar sem skortir á gagnkvæmt traust.
Þess vegna tel ég farsælast að víkja af stjórn-
málasviði Miðflokksins. Ég kveð formann
flokksins með virðingu og þakklæti. Hann er
öflugur stjórnmálamaður sem hefur gert margt
gott fyrir land og þjóð og sumt af því er van-
metið. Ég hefði hins vegar kosið að hann héldi
fastar um stjórnartaumana innan flokksins.
Minni baráttu ætla ég að halda áfram innan
raða Sjálfstæðisflokksins. Þar er góður mál-
efnalegur samhljómur og þar tel ég að kraftar
mínir muni nýtast best. Í breiðum og öflugum
hópi þar sem gagnkvæmt traust og virðing er
til staðar næst bestur árangur, allt í senn gagn-
vart eigin samvisku, kjósendum og þjóðinni
allri.
Samviskan og heilindi við kjósendur
Eftir Birgi
Þórarinsson »Minni baráttu ætla ég
að halda áfram innan
raða Sjálfstæðisflokksins.
Þar er góður málefnalegur
samhljómur og þar tel ég að
kraftar mínir muni nýtast best.
Birgir Þórarinsson
Höfundur er þingmaður.