Morgunblaðið - 23.11.2021, Qupperneq 4

4
MORGUNBLAÐIÐ ÞRIÐJUDAGUR 23. NÓVEMBER 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Fimm alþingismenn eru á faralds-
fæti nú í þingsetningarvikunni. Því
taka fjórir varamenn sæti á þingi.
Þetta má lesa á vef Alþingis.
Í dag og á morgun stendur yfir í
Brussel í Belgíu fundur þingmanna
og ráðherra EFTA. Í fundinum taka
þátt alþingismennirnir Bjarkey Ol-
sen Gunnarsdóttir, Hanna Katrín
Friðriksson og Jón Gunnarsson og
auk þeirra Stígur Stefánsson, starfs-
maður skrifstofu Alþingis.
Bjarkey Olsen Gunnarsdóttir al-
þingismaður mun svo sitja fundi
framkvæmdastjórnar þingmanna-
nefndar EFTA dagana 25.-26. nóv-
ember sem fram fer í Varsjá í Pól-
landi. Þórhildur Sunna Ævarsdóttir
alþingismaður mun svo sitja fundi
stjórnarnefndar Evrópuráðsþings-
ins dagana 25.-26. nóvember í Róm á
Ítalíu. Með í för verður Bylgja Árna-
dóttir, starfsmaður Alþingis. Loks
mun Sigmundur Davíð Gunn-
laugsson alþingismaður sitja haust-
þings heimssamtaka þjóðþinga
(IPU) dagana 26.-30. nóvember í
Madrid á Spáni. Með í för verður
Arna Gerður Bang, starfsmaður Al-
þingis. Sigmundur situr einnig fund
tólfplús landahóps IPU.
Í dag tekur Kári Gautason sæti á
Alþingi sem varamaður fyrir Bjark-
eyju Olsen Gunnarsdóttur. Einnig
taka sæti á Alþingi Anna Kolbrún
Árnadóttir sem varamaður fyrir Sig-
mund Davíð Gunnlaugsson, María
Rut Kristinsdóttir sem varamaður
fyrir Hönnu Katrínu Friðriksson, og
Indriði Ingi Stefánsson sem vara-
maður fyrir Þórhildi Sunnu Ævars-
dóttur. sisi@mbl.is
Varamenn strax kallaðir
til á fyrsta þingfundinn
Morgunblaðið/Kristinn Magnússon
Alþingi Nokkrir nýir þingmenn
setjast á þingbekk í fyrsta skipti.
- Þingmenn sitja
á fundum erlendis
Karítas Ríkharðsdóttir
karitas@mbl.is
Alþingi verður sett, samkvæmt for-
setabréfi, í 152. sinn í dag að guðs-
þjónustu í Dómkirkjunni lokinni.
Fimmtíu og tveir dagar eru liðnir
frá alþingiskosningunum og hefði
Alþingi ekki mátt koma saman miklu
seinna, lögum samkvæmt, eða í síð-
asta lagi átta vikum eftir kosningar.
Dagsins í dag hefur verið beðið með
eftirvæntingu, ekki síst vegna þess
að greinargerð undirbúningsnefndar
fyrir rannsókn kjörbréfa, um lög-
mæti kjörbréfa þingmanna, verður
dreift á vef Alþingis um miðjan dag í
dag og mun því niðurstaða nefndar-
innar liggja fyrir.
Þá er stundin langþráð fyrir þá
mörgu nýkjörnu þingmenn sem
munu formlega hefja störf sem slík-
ir.
Birgir Ármannsson, formaður
undirbúningsnefndarinnar, segir í
samtali við Morgunblaðið að líklegt
sé að sama fólkið og situr í undirbún-
ingsnefndinni verði skipað í hina eig-
inlegu kjörbréfanefnd, sem tekur við
greinargerð undirbúningsnefndar-
innar. Það sé þó undir hverjum þing-
flokki komið að tilnefna fulltrúa í
nefndina. Hann segist þó ekki vita til
þess að neinn í undirbúningsnefnd-
inni hafi beðist undan því að sitja í
kjörbréfanefnd.
Þrískiptur þingsetningarfundur
Þrítugasta og fjórða og jafnframt
síðasta fundi undirbúningsnefndar-
innar lauk á níunda tímanum í gær-
kvöldi. Birgir segir engan sérstakan
létti fylgja því enda vinna kjörbréfa-
nefndar fram undan og verkefnið því
viðvarandi.
Kjörbréfanefnd mun koma saman
eftir að hún verður kjörin á þing-
setningarfundi á morgun. Verður
þingsetningarfundi frestað eftir kjör
kjörbréfanefndar. Honum verður þá
fram haldið á fimmtudaginn, þar
sem umræður um tillögur kjörbréfa-
nefndar og atkvæðagreiðsla um þær
munu fara fram.
Enn verður þingsetningarfundi
frestað og fram haldið í næstu viku
þegar dregið verður í sæti þing-
manna, skipað í nefndir og önnur
hlutverk og nýir þingmenn undirrita
drengskaparheitin.
Morgunblaðið/Eggert
Nefndarfundur Létt var yfir Birgi Ármannssyni við upphaf fundar undirbúningsnefndar kjörbréfa í gær.
Undirbúningsnefnd
hefur lokið störfum
- Líklegt að sömu þingmenn muni skipa kjörbréfanefnd
Í það minnsta ein tillaga sem
kjörbréfanefnd mun fjalla um er
staðfesting á öllum útgefnum
kjörbréfum þingmanna.
Þá mun önnur tillaga vera á
þann veg að 47 kjörbréf verði
staðfest og kosning í Norðvest-
urkjördæmi verði ógilt.
Mögulegt er að fram komi
fleiri tillögur svo sem að gefin
verði út kjörbréf til þeirra þing-
manna sem niðurstaða „fyrri
talningar“ hefði gert að þing-
mönnum og „uppbótarmanna-
kapallinn“ gangi þannig til
baka.
Umræður um tillögurnar og
endanleg atkvæðagreiðsla fer
fram þegar þingsetningarfundi
Alþingis verður fram haldið á
fimmtudaginn.
Tillögurnar
sem um ræðir
STAÐFESTING KJÖRBRÉFA
Sigtryggur Sigtryggsson
sisi@mbl.is
Nýtt löggjafarþing, 152. þing, verður
sett í dag, þriðjudaginn 23. nóv-
ember, samkvæmt forsetabréfi um
samkomudag Alþingis sem gefið var
út þann 18. nóv-
ember sl.
Þessi fyrsti
fundur nýs þings
verður óvenju-
legur því hann
mun standa yfir
fram eftir vikunni
og mögulega leng-
ur vegna óviss-
unnar um af-
greiðslu
kjörbréfa. Ekki
verður kosinn nýr þingforseti fyrr en
þau mál eru afgreidd.
Starfsaldursforseti, Þorgerður
Katrín Gunnarsdóttir, mun stýra
þingsetningunni. Yfirleitt gegna
starfsaldursforsetar ekki embætti
lengur en örfáar klukkustundir eða
þar til nýr forseti Alþingis er kjörinn,
en í þetta sinn mun þessi tími verða
lengri. Spurningin er sú hvort fyrra
met frá þingsetningunni í október
1956 verði slegið. Morgunblaðið fékk
í gær ábendingu um þennan mögu-
leika. Þá gegndi aldursforsetinn Jó-
hann Þ. Jósefsson störfum í eina viku
því óvenjumiklar umræður urðu um
afgreiðslu kjörbréfa í það skiptið.
Deilt var um kjörbréf fjögurra
uppbótarþingmanna (landskjörinna)
Alþýðuflokksins, þeirra Benedikts
Gröndal, Gylfa Þ. Gíslasonar, Guð-
mundar Í. Guðmundssonar og Péturs
Péturssonar. Fyrir kosningarnar
lýstu Framsóknarflokkur og Alþýðu-
flokkur því yfir að þeir myndu efna til
kosningabandalags í öllum kjör-
dæmum. Þetta bandalag hefur oft
verið kallað hræðslubandalagið.
Þingmenn Sjálfstæðisflokksins
stóðu gegn staðfestingu kjörbréfa
fyrrnefndra þingmanna. Í kosninga-
lögum væri tiltekið að stjórnmála-
flokkur mætti ekki bera fram nema
einn landslista við sömu alþingis-
kosningar. Því töldu þeir að einungis
væri um að ræða framboð eins stjórn-
málaflokks þótt flokksheitin væru
tvö. Svo fór að lokum að kjörbréfin
voru samþykkt.
Jóhann Þ. Jósefsson var alþingis-
maður Vestmanneyinga lengi eða
1923-1959 og var elstur þingmanna
árið 1956, sjötugur að aldri.
Þingsetningarathöfnin í dag hefst
kl. 13:30 með guðsþjónustu í Dóm-
kirkjunni. Séra Svavar Alfreð Jóns-
son, sóknarprestur í Akureyrar-
kirkju, predikar og séra Sveinn
Valgeirsson, sóknarprestur í Dóm-
kirkjunni, þjónar fyrir altari ásamt
biskupi Íslands, Agnesi M. Sigurðar-
dóttur. Kári Þormar, organisti Dóm-
kirkjunnar, leikur á orgel og Kamm-
erkór Dómkirkjunnar syngur við
athöfnina.
Örfáir gestir verða viðstaddir
Vegna kórónuveirufaraldursins
verður aðeins örfáum gestum boðið
til þingsetningarinnar að þessu sinni
og allir viðstaddir þurfa að fara í
hraðpróf áður.
Að guðsþjónustu lokinni ganga for-
seti Íslands, biskup Íslands, forseti
Alþingis, ráðherrar, alþingismenn og
aðrir gestir til þinghússins. Söng-
konur úr Domus vox syngja við þing-
setninguna, undir stjórn Margrétar
J. Pálmadóttur. Forseti Íslands,
Guðni Th. Jóhannesson, setur Al-
þingi, 152. löggjafarþing, og starfs-
aldursforseti Alþingis, Þorgerður
Katrín Gunnarsdóttir, býður alþing-
ismenn og ráðherra velkomna og
minnist látins fyrrverandi þingmanns
og látins fyrrverandi ráðherra. Þá
verður kosin kjörbréfanefnd. Þing-
setningarfundi verður síðan frestað.
Hljóðútsending verður frá messu
og sjónvarpsútsending frá þingsetn-
ingarfundi á sjónvarpsrás og vef Al-
þingis. Sjónvarpsútsending verður
frá þingsetningarfundi á RÚV svo og
á Rás 1 frá messu og þingsetningu.
Teygst gæti á
fundarstjórn
aldursforseta
- Þorgerður Katrín stýrir fyrsta fundi
nýs þings - Árið 1956 tók það Alþingi
heila viku að afgreiða kjörbréfin
Morgunblaðið/Eggert
Þingsetning Að venju verður gengið
til Dómkirkju við upphaf athafnar.
Þorgerður Katrín
Gunnarsdóttir
152. löggjafarþing kemur saman