Morgunblaðið - 23.11.2021, Side 11

FRÉTTIR 11Innlent
MORGUNBLAÐIÐ ÞRIÐJUDAGUR 23. NÓVEMBER 2021
Ágúst Ingi Jónsson
aij@mbl.is
Í byrjun næsta árs verður belti
brugðið á búk um 160 styrja og þær
hífðar upp úr körum hjá Stolt Sea
Farm á Reykjanesi. Ferðinni þaðan
er heitið til Ólafsfjarðar þar sem Hið
Norðlenzka Styrjufjelag hyggst hefja
eldi á styrjum. Fyrstu styrjurnar
eiga að hrygna strax næsta vor og
góður markaður er sagður fyrir
styrjuhrogn eða kavíar.
Um átta ár eru liðin frá því að Stolt
Sea Farm hóf tilraunaeldi á styrjum á
Reykjanesi og var meðalþyngd
fiskanna í haust um 65 kíló. Megin-
áherslan hjá Stolt Farm hefur verið á
eldi senegalflúru og fyrirtækið er nú
að hefja eldi á gullinrafa, þannig að
styrjurnar þurfa að víkja.
Styrjufjelagið hefur fengið leyfi frá
háskólanum í Bremerhaven til að
nota einkaleyfi hans til að strjúka
hrogn og svil úr fiskinum með
ákveðnum hætti, að sögn Ásgeirs
Loga Ásgeirssonar, stjórnarmanns í
félaginu. Styrjurnar eiga að geta gef-
ið hrogn annað hvert ár. Hrognin eru
um 10% af þyngd hrygnunnar, þann-
ig að úr hverri styrju geta komið frá
sex og upp í tæp 20 kíló af hrognum.
Við vistaskiptin verða styrjurnar
vigtaðar, örmerktar og greindar. Ás-
geir Logi bendir á að eins og í sauð-
fjárrækt vilji bændur fleiri gimbrar
en hrúta.
Átta styrjur í hverri ferð
Styrjurnar verða fluttar í súrefnis-
tönkum á flutningabifreiðum norður
eftir áramót, allt að átta í hverri ferð.
Verið er að koma upp aðstöðu í gömlu
saltfiskhúsi og unnið hörðum höndum
að því að gera aðstöðuna fullnægj-
andi.
Kórónufaraldurinn hefur aðeins
hægt á því að nauðsynlegur búnaður
berist til landsins, en Ásgeir á von á
að hann verði kominn upp á næstu
vikum. Sömuleiðis hefur verið unnið
að því að afla tilskilinna leyfa, m.a. hjá
sveitarfélaginu og Matvælastofnun.
Nóg er af heitu og köldu vatni í
Ólafsfirði, en styrjurnar verða aldar
við 12-14 gráðu hita. Fyrst í stað er
miðað við að hrogn verði fryst í kílóa-
pakkningum og seld til frekari
vinnslu. Þannig fáist 160-170 þúsund
krónur fyrir hvert kíló. Ásgeir segir
að í framtíðinni verði vonandi hægt að
fullvinna hrognin og pakka í smærri
og verðmætari einingar.
Aðgangur fyrir ferðamenn
Ekki liggur fyrir hversu mörg
framtíðarstörf eldið skapar, en
hrognavinnslan er mannaflsfrek.
Sömu sögu er að segja um seiðaeldi,
en ráðgert er að fá nýja kynslóð til
hrygningar eftir 7-8 ár og árlega eftir
það. Þá er í bígerð að í gamla saltfisk-
húsinu verði aðstaðan þannig að
ferðamenn geti fylgst með styrjunum
í körum sínum.
28 aðilar, fyrirtæki og einstakl-
ingar, standa að Framfarafélagi
Ólafsfjarðar og er Styrjufjelagið af-
sprengi þess. Eigendur síðarnefnda
félagsins eru Framfarafélagið og fé-
lag í eigu Eyþórs Eyjólfssonar, sem
starfar nú í Japan. Hann kom að inn-
flutningi styrjanna hjá Stolt Sea
Farm á sínum tíma.
Styrjur Eldið á Reykjanesi hefur gengið vel síðustu ár og í vor er reiknað með að þær fyrstu hrygni.
Vinna verðmæt hrogn
í styrjueldi á Ólafsfirði
- Styrjufjelagið kaupir stofninn af Stolt Sea Farm
Helgi Bjarnason
helgi@mbl.is
Ísafjarðarbær áformar að ógilda
lóðarleigusamning sem gerður var
við eiganda viðbyggingar við gömlu
fiskvinnsluhúsin á Hafnarbakka 5 á
Flateyri vegna mistaka við frágang
samningsins á sínum tíma. Samn-
ingurinn er þannig orðaður að hann
er talinn geta átt við lóðirnar undir
allri húsaþyrpingunni sem sannar-
lega er að mestu leyti í eigu Arctic
Fish.
Athygli beinist að þessum málum
vegna áhuga Arctic Fish og Arnar-
lax á að byggja nýtt laxasláturhús
fyrir Vestfirði á Flateyri. Ef sá stað-
ur yrði fyrir valinu myndi þurfa að
rífa öll hús Arctic Fish og einnig um-
rædda viðbyggingu sem nú er komin
í eigu ÍS 47 ehf. Það fyrirtæki hefur
lýst andstöðu við uppbygginguna,
telur að hagsmunum sínum við upp-
byggingu sjóeldis og aðra starfsemi
sé ógnað með þeim áformum.
„Augljós mistök“
Bæjarstjórn Ísafjarðar varð seint
á síðasta ári við ósk Orkuvers ehf.,
skráðs eiganda viðbyggingarinnar
við Hafnarbakka 5, um endurnýjun
á lóðarleigusamningi. Fulltrúar
Orkuvers og Ísafjarðarbæjar skrif-
uðu undir en þinglýsingu var hafnað
í upphafi þar sem undirskrift þriðja
rétthafans, Arctic Fish, vantaði. Úr
því var bætt og samningnum þing-
lýst í febrúar sl.
Núna þegar deilur hafa risið um
uppbyggingu laxasláturhúss og mál-
ið er skoðað kemur í ljós að skilja
má texta lóðarleigusamningsins
þannig að hann eigi við alla lóðina,
ekki aðeins lóð undir viðbygginguna
eins og til stóð. Birgir Gunnarsson,
bæjarstjóri Ísafjarðarbæjar, segir
að þetta séu augljós mistök. Reynt
hafi verið að fá fyrri og núverandi
eigendur til viðræðna um að leið-
rétta þetta en það hafi ekki tekist.
Finna að málsmeðferð
Til stendur að leggja tillögu fyrir
bæjarstjórn um að ákvörðun hennar
um að heimila útgáfu lóðarleigu-
samnings verði afturkölluð. Í fram-
haldinu yrði lóðinni úthlutað á ný, á
„réttum“ forsendum.
Lögmaður ÍS 47 ehf. mótmælir
þessum áformum í andmælum til
bæjarins, samkvæmt upplýsingum
blaðsins. Fundið er að málsmeðferð
bæjarins, meðal annars að meðal-
hófs sé ekki gætt við afturköllun á
lóðarleigusamningnum.
Ef vilji er hjá ÍS 47 ehf. að koma í
veg fyrir byggingu laxasláturhúss á
Flateyri, eins og lýst hefur verið yfir
í erindum til bæjarstjórnar, getur
fyrirtækið kært afturköllun lóðar-
leigusamningsins á öllum stigum
þannig að málið dragist í mánuði eða
ár. Það gæti dugað til að koma í veg
fyrir uppbygginguna.
Reynt að leið-
rétta mistök
við lóðarleigu
- Leigðu eiganda viðbyggingar lóð sem
hús Arctic Fish á Flateyri standa á
Ljósmynd/Ingvar Jakobsson
Flateyri Arctic Fish á hús við höfn-
ina sem aðrir hafa leigusamning um.
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Ný Kristrún RE 177 kom til Reykjavíkur í gær, en hún
leysir af hólmi eldra skip með sama nafni. Ásbjörn
Jónsson, framkvæmdastjóri Fiskkaupa, segir að nýja
skipið sé stærra, öflugra og betur búið en það gamla,
sem hefur verið sett á sölu. Allur afli verður frystur um
borð.
Síðustu þrjú ár hefur Kristrún verið á grálúðunetum
fyrir norðan land þar sem aðstæður eru oft erfiðar.
Nýja skipið fer einnig á grálúðu þegar nauðsynlegar
breytingar hafa verið gerðar á því, trúlega ekki fyrr en
í febrúar. Norskir eigendur skipsins gerðu það út á
tannfiskveiðar í Suðurhöfum og meðal breytinga er að
setja búnað til línuveiða í land og búa það til netaveiða.
Skipin voru bæði smíðuð í Noregi, það eldra 1988 og
nýja skipið 2001. Það er tæplega 50 metrar á lengd og
11 metrar á breidd. Nýja skipið var afhent á Kanarí-
eyjum og þannig sparaðist hátt í 30 daga sigling frá
Úrúgvæ, þaðan sem skipið var gert út.
Skipstjórar eru Helgi Torfason og Pétur Karlsson.
aij@mbl.is
Ný Kristrún til heimahafnar
Ljósmynd/Jón Páll Ásgeirsson
Fiskkaup Nýja Kristrún RE 177 fánum prýdd við Grandabryggju í gær. Skipið hét áður Argos Froyanes.
ÞÚ FINNUR ALLT Á FINNA.IS
ÞARFTU AÐ LÁTA GERA VIÐ?