Fréttablaðið - 14.01.2022, Page 30

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Plötuumslög geta verið
svo ofboðslega falleg
og mikið er lagt í
hönnunina á þeim
flestum.
odduraevar@frettabladid.is
Rithöfundahjónin Bergþóra Snæ-
björnsdóttir og Bragi Páll Sigurðs-
son hafa bæði verið tilnefnd til
íslensku hljóðbókaverðlauna Story-
tel 2022. Bergþóra fyrir skáldsöguna
Svínshöfuð og Bragi fyrir skáldsög-
una Arnaldur Indriðason deyr.
Bergþóra segir stemninguna á
heimilinu góða en viðurkennir
að það sé góðlátlegur rígur á milli
hjónanna. Stórskotalið les upp bók
Bergþóru á Storytel, þau Sveinn
Ólafur Gunnarsson, Mikael Kaaber
og Aníta Briem.
„Egill Viðarsson upptökuséní
er algjör snillingur og gerði þetta
rosalega vel. Hann lagði rosalega
mikinn metnað í þetta og var lengi
að finna réttu leikarana,“ segir Berg-
þóra.
Hún segir sex ára dóttur sína
mikinn aðdáanda Mikaels, enda
annast hann Krakkaskaupið. „Hún
heldur að ég þekki hann og er mikið
að spyrja mig hvort hann sé sjálfur
pabbi, sem ég veit ekkert um,“ segir
Bergþóra hlæjandi. Hún segir þau
Braga hafa gaman af samkeppninni.
„Okkur finnst bara gaman að ná
að vera í smá samkeppni af því að við
gáfum bækurnar okkar út á sitt
hvoru árinu. En hann er samt held
ég sölukóngurinn á heimilinu. Hann
seldi held ég aðeins meira heldur en
ég síðast,“ segir Bergþóra.
Hlæjandi segir hún Braga alls
ekkert góðan með sig. „En ég held
að hann hafi náð að mjaka mér úr
hásætinu.“ n
Bragi mjakaði Bergþóru úr hásætinu
Bergþóra
og Bragi Páll
eiga í góðlát-
legum ríg enda
bæði prýðis
rithöfundar.
FRÉTTABLAÐIÐ/
SIGTRYGGUR ARI
Fréttaumfjöllun
fyrir alla
FRÉTTAVAKTIN
kl. 18.30 á virkum dögum
Fréttavaktin býðum landsmönnum upp
á fjölbreytta fréttaumfjöllun í opinni
dagskrá. Úrvalslið fjölmiðlafólks fer yfir
fréttayfirlit dagsins ásamt því að fá til
sín góða gesti að ræða helstu mál líðandi
stundar. Fréttavaktin er á dagskrá alla
virka daga kl. 18.30 á Hringbraut
og frettabladid.is
Ingi Bekk var í fæðingarorlofi
þegar hann fékk þrívíddar-
prentara í jólagjöf frá eigin-
konunni og ákvað að prófa að
prenta veggfestingu fyrir vínil-
plötur sem hefur fengið slíkar
viðtökur að hann annaði ekki
eftirspurn og þurfti að finna
sér framleiðanda.
ninarichter@frettabladid.is
„Þetta er í fyrsta skipti sem ég geri
eitthvað svona, í vöruhönnun,“ segir
Ingi Bekk, ljósa- og myndbands-
hönnuður hjá Borgarleikhúsinu,
um vínilfestingu sem hann hann-
aði og framleiddi á dögunum. „Ég
hef alltaf haft áhuga á uppfinninga-
dóti. Ég fékk 3-D prentara í jólagjöf
frá konunni minni og byrjaði eitt-
hvað að brasa.“
Það var þá sem hugmyndin
kviknaði. „Svo fór ég að horfa á
plöturnar mínar og fannst leiðin-
legt að þær sætu bara ofan í kassa.
Ég prófaði að búa til júnit og ákvað
að athuga hvort fólk hefði áhuga á
þessu. Það kom á daginn.“
Ljósin og prentið tala saman
Ég er búinn að nota þrívíddarforrit
mikið í vinnunni, til þess að hanna
lýsingar. Það færðist rosalega vel yfir
og það var auðvelt fyrir mig að koma
mér inn í prentunina sem er mjög
áhugaverður heimur,“ segir hann.
„Plötuumslög geta verið svo
of boðslega falleg og mikið er lagt
í hönnunina á þeim f lestum. Það
er svo mikil synd að þau sitji bara
á skringilegum stað ofan í kassa
eða geymslu,“ segir Ingi og bendir
á að sú staðreynd hafi veitt honum
innblástur að lausninni sem var að
koma plötunum smekklega upp
á vegg svo fólk gæti notið þess að
horfa á umslögin.
Gefur plötunum meira gildi
Hann segir að tvær til þrjár plötur
rúmist í hverri festingu. „Svo get-
urðu bara svissað, þetta er bara svo-
lítið lifandi listaverk. Það gefur líka
vínilplötunum þínum meira gildi
finnst mér, og meira hlutverk inni
á heimilinu.“
Umslagið á Annarri Mósebók
hljómsveitarinnar Moses High-
tower, eftir eftir Sigríði Ásu Júlíus-
dóttur, varð ekki síst kveikjan að
hugmyndinni. „Ég fór allt í einu að
velta þessu fyrir mér. Allir eru að
kaupa vínilplötur núna og ég var að
horfa á umslagið á þessari plötu og
mig langaði að koma þessu upp á
vegg. Ég bjó til prótótýpuna og hún
er enn uppi á vegg hjá mér.“
Á miðvikudaginn ákvað Ingi svo
að kanna áhuga fólks á að kaupa
slíka festingu. „Ég kýldi á það í gær,
á bríaríi í fæðingarorlofi að athuga
áhugann á þessu. Nú er kominn það
mikill áhugi að ég þarf að kaupa
þjónustu til að prenta megnið af
þessu. Ég bjóst við að geta sinnt
þessu meðfram fæðingarorlofinu,
en það er ekki fræðilegur.“
Hann sat og klóraði sér í höfðinu
í fyrrinótt í leit að lausninni. „Ég
hefði verið að afhenda síðasta parið
í ágúst miðað við afköstin á prentar-
anum hjá mér.“ Ingi segist næst hafa
fengið 3D verk til að prenta vörurn-
ar fyrir sig. „Þeir eru frábærir og ætla
að prenta fyrir mig frekar stórt upp-
lag til að komast yfir fyrsta hjallann.
Svo fer ég að gera sérútgáfur í róleg-
heitum, og sérpantanir,“ segir hann.
Eitthvað alveg nýtt
Ingi segist vera með fleiri hugmynd-
ir í kollinum varðandi lausnamið-
aðar heimilisvörur. „Ég var að segja
við Aðalbjörgu, konuna mína, ég
horfði á hana yfir eldhúsborðið og
sagði: Þetta er það skemmtilegasta
sem ég hef gert í langan tíma. Finna
eitthvað alveg nýtt.“
Ingi starfar hjá leikhúsi alla jafna,
en leikhússenan hefur verið í lægð
vegna heimsfaraldurs. „Það er algjör
lægð í bransanum, því miður, en við
höfum fengið falskar vonir af og til.
Ég ákvað að taka fæðingarorlof á
þessum tíma og þetta fyllir mjög vel
upp í þetta kreatíva gap á meðan ég
er ekki að vinna vinnuna mína. Á
meðan ég skipti um bleyjur,“ segir
hann sposkur. n
Vínill á vegg er lifandi list
Ingi Bekk
segist vera
með fleiri hug-
myndir í koll-
inum varðandi
lausnamiðaðar
heimilisvörur.
FRÉTTABLAÐIÐ/
SIGTRYGGUR ARI
22 Lífið 14. janúar 2022 FÖSTUDAGURFRÉTTABLAÐIÐ