Morgunblaðið - 15.12.2021, Side 23

Morgunblaðið/Unnur Karen
Barátta Þorsteinn Leó Gunnarsson hjá Aftureldingu fær óblíðar móttökur
frá varnarmönnum Stjörnunnar í frábærum leik liðanna í gærkvöldi.
Stjarnan vann Aftureldingu með
minnsta mun, 36:35, þegar liðin
mættust í æsispennandi leik í 32-liða
úrslitum Coca Cola-bikars karla í
handknattleik í Garðabænum í gær-
kvöldi. Í tvígang þurfti að fram-
lengja leikinn til þess að knýja fram
úrslit.
Stjarnan virtist ætla að sigla sigr-
inum í höfn í venjulegum leiktíma en
eftir að hafa verið 29:26 yfir þegar
skammt lifði leiks náði Afturelding
að jafna í 29:29 á ögurstundu og
þannig knýja fram framlengingu.
Að henni lokinni var enn jafnt,
32:32, og því framlengt aftur. Tvær
markvörslur Arnórs Freys Stefáns-
sonar í marki Stjörnunnar frá Blæ
Hinrikssyni undir blálok annarrar
framlengingar skildu hins vegar á
milli og eins marks sigur Stjörn-
unnar niðurstaðan.
Tvíframlengt í Garðabæ
ÍÞRÓTTIR 23
MORGUNBLAÐIÐ MIÐVIKUDAGUR 15. DESEMBER 2021
_ Skautasamband Íslands hefur valið
Aldísi Köru Bergsdóttur hjá Skauta-
félagi Akureyrar skautakonu ársins
2021. Er þetta þriðja árið í röð sem
hún hlýtur útnefningu sem skauta-
kona ársins hjá sambandinu. Á árinu
vann Aldís Kara sér inn keppnisrétt á
Evrópumeistaramótinu í listskautum,
fyrst íslenskra skautara og árangurinn
því sögulegur. EM í listskautum verður
haldið í Tallinn, Eistlandi, dagana 6.-
10. janúar næstkomandi.
_ Ray Allen er enn sá leikmaður sem
skorað hefur flestar þriggja stiga körf-
ur í NBA-deildinni en það verður þó
ekki lengi. Stephen Curry vantar nú
aðeins eina slíka körfu til að jafna og
tvær til að bæta metið en Curry lék í
fyrrinótt með Golden State Warriors
gegn Indiana Pacers og setti niður
fimm þriggja stiga körfur í 102:100-
sigri. Leiða má að því líkum að Curry
hafi slegið metið þegar Golden State
heimsótti New York Knicks í nótt.
_ Marika Katarina E. Lönnroth og
Gunnar Þór Ásgeirsson voru útnefnd
keilarar ársins 2021 hjá Keilu-
sambandi Íslands. Marika, sem fékk
íslenskan ríkisborgararétt fyrir
skömmu, náði næstbesta árangri
kvenna á Reykjavíkurleikunum í upp-
hafi árs en hún endaði í 15. sæti með
207,3 í meðaltal. Marika varð Íslands-
meistari en einnig Íslands- og bikar-
meistari í liðakeppni með KFR Val-
kyrjum. Gunnar Þór varð í 2. sæti á
Íslandsmótinu og Íslands- og bik-
armeistari í liðakeppni með ÍR PLS.
Gunnar Þór fór til keppni á Evr-
ópumóti landsmeistara sem fulltrúi Ís-
lands og endaði þar í 5. sæti. Er hann
þriðji Íslendingurinn sem náð hefur
einu af átta efstu sætunum á EM
landsmeistara.
_ Amanda Andradóttir, landsliðs-
kona í knattspyrnu, hefur náð sam-
komulagi um starfslok við norska fé-
lagið Vålerenga. Þetta kom fram í
tilkynningu á heimasíðu félagsins, þar
sem segir að báðir aðilar hafi verið
sammála um að ljúka samstarfinu.
433.is greinir frá því að hin 17 ára
gamla Amanda hyggist reyna fyrir sér
í sterkari deild.
_ Pierre-Emerick Aubameyang hefur
verið sviptur fyrirliðabandinu hjá
enska knattspyrnufélaginu Arsenal
vegna agabrots. Arsenal greindi frá
þessu á vefsíðu félagsins í gær en í til-
kynningunni kemur einnig fram að
Aubameyang verði
ekki valinn í hópinn
fyrir leikinn
gegn West
Ham
United
í ensku
úrvalsdeildinni í
kvöld. „Við ætlumst
til þess að allir leik-
menn, sérstaklega
fyrirliðinn, fari eftir
þeim reglum og við-
miðum sem við höf-
um sett og komið
okkur saman um,“
sagði í tilkynningunni.
Eitt
ogannað
Hallbera Guðný Gísladóttir, lands-
liðskona í knattspyrnu, er á leið til
Kalmars, nýliða í sænsku úrvals-
deildinni í knattspyrnu kvenna.
Hallbera lék með AIK, sem var
einnig nýliði í deildinni á liðnu
tímabili, en samningur hennar við
félagið er útrunninn.
Fótbolti.net greindi frá því í gær
að næsti viðkomustaður Hallberu,
sem er 35 ára gömul, sé í Kalmar.
Þar mun hún hitta fyrir annan ís-
lenskan leikmann, Andreu Thor-
isson, sem hefur leikið með Kalmar
undanfarin tvö tímabil.
Hallbera Guðný
á leið til nýliða
Morgunblaðið/Eggert Jóhannesson
Svíþjóð Hallbera er að semja við
sitt fjórða sænska félag á ferlinum.
Njarðvík og ríkjandi bikarmeist-
arar Hauka mætast í stórleik í und-
anúrslitum VÍS-bikarsins í körfu-
knattleik kvenna. Snæfell og
Breiðablik mætast í hinum leiknum.
Hjá körlunum mætast Þór frá
Þorlákshöfn og Valur annars vegar
og Stjarnan og Keflavík hins vegar
í undanúrslitum VÍS-bikarsins.
Undanúrslitin og úrslitin fara
fram í Smáranum í Kópavogi í jan-
úar. Undanúrslit karla fara fram
12. janúar og undanúrslit kvenna
daginn eftir. Úrslitaleikirnir fara
svo báðir fram 15. janúar.
Morgunblaðið/Kristinn Magnússon
Spenna Aliyah Collier og stöllur
hennar í Njarðvík mæta Haukum.
Stórleikur í
undanúrslitum
ENSKI BOLTINN
Gunnar Egill Daníelsson
gunnaregill@mbl.is
Tveir leikir fóru fram í ensku úrvalsdeildinni í
knattspyrnu karla í gærkvöldi. Þar gjörsigruðu
Englandsmeistarar Manchester City ráðvillt lið
Leeds United og Aston Villa sótti góðan útisigur
gegn botnliði Norwich City.
Það var strax ljóst í hvað stefndi þegar Phil Fod-
en kom Man. City yfir gegn Leeds strax á áttundu
mínútu. Fimm mínútum síðar tvöfaldaði Jack
Grealish forystuna og Kevin De Bruyne komst á
blað eftir rúmlega hálftíma leik. Staðan í hálfleik
3:0 og útlitið ansi dökkt fyrir Leeds.
Ekki batnaði það í síðari hálfleik því Riayd
Mahrez skoraði fjórða markið snemma í honum og
De Bruyne sitt annað mark og fimmta mark City
eftir rúmlega stundarfjórðungs leik. Miðverðirnir
John Stones og Nathan Aké bættu við hvor sínu
markinu áður en yfir lauk og 7:0-sigur City því
staðreynd.
Í þessum ham virðist fátt geta stöðvað Eng-
landsmeistarana í titilvörn sinni þótt bæði Liver-
pool og Chelsea séu skammt undan og muni gera
tilraun til þess að skáka þeim. City er eftir sigurinn
áfram á toppi úrvalsdeildarinnar, fjórum stigum
fyrir ofan Liverpool og fimm fyrir ofan Chelsea,
sem eiga þó bæði leik til góða á fimmtudagskvöld.
Fjórir af sex hjá Gerrard
Aston Villa gerði góða ferð til Norwich þar sem
liðið vann sterkan 2:0-sigur á heimamönnum í hin-
um leik gærkvöldsins. Leikur Brentford og Man-
chester United, sem einnig átti að fara fram í gær,
gat ekki farið fram vegna kórónuveirusmita innan
herbúða Rauðu djöflanna. Hinn ungi og efnilegi Ja-
cob Ramsey kom Villa yfir gegn Norwich á 34.
mínútu eftir frábært einstaklingsframtak. Norwich
reyndi hvað það gat til þess að jafna metin en þess í
stað var það Ollie Watkins sem tvöfaldaði forystu
Villa skömmu fyrir leikslok og þar við sat.
Villa fer með sigrinum upp í efri hlutann, níunda
sætið, og hefur nú unnið fjóra af fyrstu sex deildar-
leikjum sínum undir stjórn Stevens Gerrards. Í
hinum tveimur leikjunum hefur liðið tapað með
einu marki gegn Man. City og Liverpool.
Gerrard tók við af Dean Smith, sem tók sjálfur
við stjórnartaumunum hjá Norwich en auðnaðist
ekki að klekkja á sínum gömlu félögum. Norwich
er áfram á botni deildarinnar.
Flugeldasýning hjá City
sem skoraði sjö mörk
AFP
Sjö Illan Meslier, markvörður Leeds, niðurlútur eftir að Nathan Aké skoraði sjöunda mark Man. City.
- Leeds sá ekki til sólar - Gott gengi Villa undir stjórn Gerrards heldur áfram
Danmörk og Spánn tryggðu sér í
gær sæti í undanúrslitum HM í
handknattleik kvenna á Spáni eftir
að hafa bæði unnið góða fimm
marka sigra.
Danmörk mætti Brasilíu og var
leikurinn í járnum til að byrja með.
Leiddu Danir með einu marki,
14:13, í leikhléi. Áfram var leik-
urinn jafn og spennandi í upphafi
síðari hálfleiks. en eftir að Brasilía
minnkaði muninn í 21:19 skoraði
Danmörk næstu tvö mörk. Staðan
orðin 23:19 og átti Brasilía í erf-
iðleikum með að ná í skottið á Dan-
mörku það sem eftir lifði leiks. Að
lokum sigldu Danir góðum 30:25-
sigri í höfn.
Sandra Toft átti stórleik í marki
Danmerkur, varði 17 skot og var
með 42 prósent markvörslu. Marka-
hæst Dana var Lærke Nolsöe með
sex mörk. Adriana Cardoso hjá
Brasilíu var hins vegar lang-
markahæst í leiknum með tíu mörk.
Heimakonur á Spáni mættu þá-
Þýskalandi í gærkvöldi og hófu
leikinn afleitlega þar sem þær þýð-
versku komust í 0:4 í upphafi leiks.
Þegar leið á fyrri hálfleikinn unnu
Spánverjar sig betur inn í leikinn
og voru búnir að snúa taflinu við
þegar flautað var til leikhlés. Stað-
an var þá 14:10. Þýskaland komst
ekki nær en tveimur mörkum frá
Spáni í síðari hálfleik, sem vann að
lokum 26:21-sigur.
Carmen Campos var markahæst í
liði Spánar með sjö mörk og Julia
Maidhof markahæst í liði Þýska-
lands með sex mörk.
Danmörk og Spánn
komin í undanúrslit
AFP
Öflugar Toft og Cardoso í gær.
KÖRFUKNATTLEIKUR:
Úrvalsdeild kvenna, Subway-deildin:
Smárinn: Breiðablik – Keflavík........... 18.15
Grindavík: Grindavík – Fjölnir ........... 19.45
Origo-höllin: Valur – Haukar .............. 20.15
Í KVÖLD!