Klifur : fréttablað Sjálfsbjargar, landssambands fatlaðra - 15.06.1999, Blaðsíða 22

Klifur
Afmæliskveðja frá
félagsmálaráðu-
neytinu
Með stofnun Sjálfsbjargar,
landssambands fatlaðra
fyrir fjórum áratugum var
ýtt úr vör réttindabaráttu fyrir jafn-
rétti og bættum kjörum fólks sem
ekki gekk heilt til skógar eftir sjúk-
dóma eða slys. Sú barátta hefur
staðið óslitið síðan og mörgum
Grettistökunum verið lyft á þeirri
leið til aukinna lífsgæða og bættrar
aðstöðu fyrir fatlaða. Frumkvöðlarn-
ir og þeir sem eftir komu áttu sér
þær hugsjónir að samfélagið sýndi í
verki að fatlaðir væru virtir og ættu
sama rétt til samfélagslegra gæða á
borð við ófatlaða. Þetta gilti m.a.
um menntun, atvinnumál, húsnæð-
ismál, tryggingamál og félagslega
þjónustu svo eitthvað sé nefnt.
Með lögum um málefni fatlaðra
frá 1983 má segja að þar endur-
speglist að nokkru leyti þau viðhorf
sem Sjálfsbjörg og önnur samtök
fatlaðra höfðu sett á oddinn í rétt-
indabaráttu sinni. I fyrstu grein lag-
anna voru þannig ákvæði um jafn-
rétti fatlaðra og sambærileg lífskjör
Margrét Margeirsdóttir,
deildarstjóri í
félagsmálaráðuneytinu.
við aðra þjóðfélagsþegna og ákvæði
um að skapa þeim skilyrði til að lifa
eðlilegu lífi. Með samstilltu átaki
stjórnvalda og samtaka fatlaðra hafa
vissulega orðið miklar breytingar til
batnaðar á samfélagslegri þjónustu
við fatlaða á síðustu áratugum, þó að
enn sé ótal margt sem þarfnast úr-
bóta og betur má fara. Ef til vill má
þó líta svo á að stærsti sigurinn sem
unnist hefur séu hin gjörbreyttu við-
horf til fatlaðra frá því sem áður var,
eins og glöggt má sjá þegar rýnt er í
fyrstu rit Sjálfsbjargar, landssam-
bands fatlaðra.
Þær breytingar sem nú eru fram-
undan í málefnum fatlaðra er vænt-
anleg yfirfærsla málaflokksins frá
félagsmálaráðuneytinu til sveitarfé-
laga, en undirbúningur þar að lút-
andi hefur staðið yfir síðustu misseri
af hálfu stjórnvalda og samtaka fatl-
aðra.
Félagsmálaráðuneytið sem fer
með yfirstjóm málefna fatlaðra hef-
ur ávallt átt bæði ánægjulegt og ár-
angursríkt samstarf við Sjálfsbjörg
og væntir þess að svo verði áfram
um ókomin ár. Ráðuneytið flytur
Sjálfsbjörg miklar þakkir fyrir ómet-
anleg störf þess í þágu fatlaðra og
óskar því allra heilla og hamingju í
framtíðinni á þessum merku tíma-
mótum.
SPARISJ ÓÐURINN
í KEFLAVÍK
NOI SIRIUS
Siálfsbiöra á höfuðboraarsvæðinu:
Eyjaferð 9.-15. ágúst
Sjálfsbjörg á höfuðborgar-
svæðinu stendur fyrir eyja-
ferð frá 9.-15. ágúst nk.
Farið verður um Norðurland
með áherslu á Hrísey og Grímsey.
Ferðaáætlun er sem hér segir; 1.
dagur, Siglufjörður; 2. dagur,
Hrísey; 3. dagur, Hrísey; 4. dagur,
Grímsey; 5. dagur, Hvalaskoðun-
Húsavík; 6. dagur, Asbyrgi og ná-
grenni; 7. dagur, Akureyri-
Reykjavík.
Verð verður u.þ.b. 50 þúsund
krónur. Byrjað er að skrá í ferðina
í síma 551-7868. Allir velkomnir.
V/SA
22