Strandapósturinn - 01.06.2018, Qupperneq 9

7
Starfsemi Átthagafélagsins var með nokkuð föstu sniði að vanda.
Við héldum hið árlega þorrablót félagsins í Vodafonehöllinni
14. janúar og veislustjóri var Sólmundur Hólm og sá hann um
kvöldið. Þá var happdrætti og margir veglegir vinningar þar.
Upplyfting tók svo við og sá um danstónlistina.
Miðinn kostaði 7.500 kr. sem er mjög gott verð. Maturinn kom
að venju frá Múlakaffi.
Fljótlega hófst undirbúningur að kaffideginum sem var 1. maí
í Haukahúsinu í Hafnafirði en erfiðlega hefur gengið að fá nógu
stóran sal fyrir þann dag þar sem aðsóknin er mikil en það er
tilgangurinn, því að dagurinn er til þess hugsaður að maður sé
manns gaman og fólk hittist og spjalli saman sem um einskonar
ættarmót sé að ræða. Við þökkum félögunum fyrir stórkostlegar
veitingar, það er alltaf jafn gaman að sjá hvað félagarnir standa
vel með okkur við að gera þennan dag glæsilegan.
Kaffidagurinn er alltaf vel sóttur og mættu um 260 og má
segja að salurinn hafi sprungið þegar fólk þurfti að drekka í
hollum, sem er jú ekki gott. Kór Átthagafélags Strandamanna
söng að venju nokkur lög fyrir kaffið. Þá var Strandapósturinn
til sölu, bæði nýjasta bókin, 49. árgangur og eldri blöð og söfn.
Þessi pistill kemur í afmælisútgáfu Strandapóstsins sem er 50.
árgangurinn og er það mikið framlag til varðveislu á sögulegum
minjum úr Strandasýslu og af Strandamönnum sem flutt hafa á
aðrar slóðir. Ritnefnd hefur starfað af miklum krafti en nú hafa
orðið nokkrar breytingar á henni því Þorleifur Jónsson lét af
Jón Ólafur Vilhjálmsson
frá Kollsá
Átthagafélag
Strandamanna
árið 2017