Strandapósturinn - 01.06.2018, Side 10

8
störfum í nefndinni og eru honum þökkuð frábær störf undan-
farin 11 ár. Þá komu nýjar í nefndina Kristín Einarsdóttir og Hlíf
Ingibjörnsdóttir. Það eru sem betur fer til duglegir einstaklingar
sem taka við keflinu þegar aðrir skila því, eins og gengur.
Þá hefur Jóna Ingibjörg framkvæmdastjóri Strandapóstsins
verið mjög dugleg að koma ritinu í lausasölu og reynt að sjá
til þess að það sé sýnilegt í þeim verslunum þar sem það hefur
verið til sölu. Ritnefnd lagði til að endurútgefa nokkra árganga
sem voru uppseldir og samþykkti stjórn Átthagafélagsins það.
Þar með eru til fleiri söfn með öllum eintökunum frá upphafi
fyrir þá sem vilja eignast hann í heild. Viljum við þakka ritnefnd
Strandapóstsins ágæt störf.
Einn heiðursfélagi, Þorsteinn Ólafsson, lést á árinu. Eru hon-
um þökkuð góð störf í þágu félagsins bæði í stjórn sem formað-
ur, og svo í ritnefnd í mörg ár.
Strandapósturinn geymir ótrúlega sögu um mannlíf á
Ströndum og þegar maður les hann og áttar sig á þeim miklu
breytingum sem orðið hafa á stuttum tíma, er rétt að minna alla
á að skrifa í stórum dráttum lífshlaup sitt, þó ekki væri nema
fyrir afkomendur sína í framtíðinni.
Aðalfundur félagsins var haldinn í lok kaffidagsins og var það
gert til að kanna hvort fleiri kæmu ekki til fundar með því móti.
Því miður varð ekki mikill munur þar á, en við hvetjum alla til að
taka þátt í aðalfundinum, koma með tillögur um hvað gera má í
starfi félagsins svo að það megi blómstra sem aldrei fyrr.
Hagnaður varð af rekstri og rætt var um að kanna hvort ekki
mætti setja upp varmadælu í Strandaseli þar sem rafmagns-
kyndingin hefur hækkað mjög í verði á undanförnum árum.
Ekki varð úr því á árinu heldur var endurnýjað rúm og fleira
af innanstokksmunum. Húsnefnd eru þökkuð góð störf í vinnu
við Strandasel en í upphafi sumars leit ekki vel út með leigu því
að frekar var lítið sótt um í húsið en úr því rættist er við settum
það á fasbókarsíðu félagsins en við notum hana mikið til að
koma skilaboðum til allra ekki bara félagsmanna. Engin breyting
varð í stjórn, en nokkrar í ritnefnd eins og að framan greinir.
Haustferð félagsins var ákveðin í byrjun árs.
Ferð til Suður-Englands í október var frábær í alla staði. Það
voru 52 félagar og gestir sem fóru í þessa ferð og verða henni