Strandapósturinn - 01.06.2018, Page 16

14
frægu, Oxford. Eftir morgunmat voru allir mættir tímanlega í rút-
una.
Þegar komið var til Oxford heimsóttum við m.a. einn af hinum
frægu stúdentagörðum þeirra og svo var gengið um miðbæinn
skamma stund.
Síðar um daginn heimsóttum við Bleinheim Palace, sem er
höll hertogans af Malborough og fæðingarstaður Winstons
Churchills. Staðurinn er m.a. þekktur fyrir garðana sína. Við
skoðuðum líka vistarverur hallarinnar og sýningu sem er helguð
kappanum Churchill. Höllin sjálf og garðurinn í kringum hana
er afar glæsilegur og í garðinum er mikið af listaverkum úr trjá-
gróðri og blómum. Að innan er höllin uppfull af glæsilegum lista-
verkum, bæði útsaum, styttum, málverkum og postulíni.
Emil fararstjóri er einstaklega fróður og sagði okkur sögur af
Churchill og fjölskyldu og auðvitað fékk ein og ein skrítla að fljóta
með.
Nú var hópurinn orðinn þyrstur og því var stoppað í litlum bæ
þar sem staldrað var við í ekta enskri bjórkrá. Þegar mannskapur-
inn hafði kneyfað bjórinn var haldið heim á hótel þar sem góður
kvöldverður beið okkar.
Stundvísir Strandamenn voru mættir í rútuna sína klukkan tíu
þriðja daginn í ferðinni. Nú lá leiðin að hjarta Englands eða
Cotswolds-svæðið.
Ekið var í gegnum nokkra litla, fallega bæi, eins og Cirencester
þar sem er gamalt hringleikahús sem er ekki búið að grafa upp.
Fyrsti áfangastaður var Bibury, sem er talið eitt fegursta þorp
Englands. Húsin eru öll eins og afar falleg blómstrandi blóm vaxa
upp eftir húsveggjum.
Ekið var langar leiðir í skógargöngum og í gegnum þau mátti
sjá glitta í stóra búgarða með miklum túnum. Víða eru hlaðnir
veggir meðfram vegum sem eru friðaðir.
Margar fallegar kirkjur voru skoðaðar í ferðinni. Ein af þeim,
Ullarkirkjan, var skoðuð en hún dregur nafn sitt af fjölmörgum
ullarbændum á svæðinu.
Á leið okkar frá kirkjunni sá ég stað sem selur afar fallegar úti-
styttur og eins og flestir vita sem þekkja mig er ég mjög hrifin af
þeim.