Strandapósturinn - 01.06.2018, Side 17

15
Strandamenn á ferðalagi.
Næst var haldið á fornbílasýningu. Einhverjir fóru að skoða lík-
an af bænum og enn aðrir á krá eða matsölustað sem gekk frekar
erfiðlega að finna.
Í næsta bæ sem við skoðuðum var gengið um mjög svo fallegar
götur og þar fundum við skemmtilegar búðir sem allavega kon-
unum fannst ekki leiðinlegt að kíkja í.
Þá var komið við í litlum smábæ en þar var að sjálfsögðu hægt
að finna krá og kirkju. Á litlu kaffihúsi í bænum, The Lamb Inn,
biðu okkar ljómandi góðar veitingar, vöfflur og meðlæti og
kvöddu allir saddir og sáttir. Veðrið hafði leikið við okkur en
þegar þarna var komið sögu var farið að rigna þannig að allir
drifu sig inn í hlýja rútuna. Þennan dag átti hún Anna Sólveig
okkar afmæli og að sjálfsögðu var sunginn afmælissöngur fyrir
hana.
Emil var samur við sig og sagði margar góðar skrítlur um Jónas
og Möggu, sem eru sennilega tilbúnir einstaklingar, allavega er
ekki einleikið í hverju þau hafa lent.
Áfram var haldið og keyrðum við fram hjá mörgum fallegum
bæjum og á leið okkar sáum við nokkur dádýr og yndislega
bamba. Við fórum m.a. í gegnum Great Rissington, Bibury,