Strandapósturinn - 01.06.2018, Qupperneq 18

16
Northleach og Bourton-on-the-Water svo eitthvað sé nefnt. Að
lokum lá leið okkar upp á hótel þar sem mannskapurinn gat haft
sig til fyrir kvöldmat eftir langan og skemmtilegan dag.
Á fjórða degi var dagurinn tekinn snemma því nú var komið að
því að skipta um hótel. Eftir góðan morgunverð var hótelið kvatt
og nú lá leiðin til Bristol, Wells, Bath og Cheddar Gorge.
Þegar komið var til Bath tókum við skoðunarferð um borgina
og skoðuðum m.a. rómversku böðin þar sem eru heitar upp-
sprettur. Á árum áður var talið að böðin hefðu lækningamátt.
Bath var byggð upp fyrir aðalinn og borgin er mikil háskólaborg,
og hér eru t.d. tveir háskólar.
John Wood yngri og John Wood eldri sáu um að skipuleggja og
byggja upp borgina og sigldu um Avon ána og seldu vörur hér
áður fyrr. Hálfmáninn er verk John Wood yngri og hringurinn
eftir John Wood eldri en hvor tveggja eru þekktar byggingar.
Gaman hefði verið að skoða þessa fallegu borg í sólskini en sólin
lét ekki sjá sig heldur rigndi á okkur allan tímann.
Þarna skoðuðum við Jane Austen-safn, Konunglega hálfmán-
ann og Musteristréð. Musteristréð er lifandi steingervingur. Talið
var að plantan væri útdauð en síðar fannst hún lifandi og er til
víða og kallast ýviður.
Næst lá leið okkar til Wells eða minnstu borgar í Englandi.
Hér á árum áður var mikið unnið af málmum úr námum
Mendip-hæðar. Hæðin er í litlum bæ með fallegri dómkirkju. Þar
eru þrjár uppsprettur með góðu vatni sem laðaði fólk til að setjast
þar að.
Fyrir um 100 árum var lítil stúlka sem gaf svönunum við höllina
brauð. Hún kenndi einum svaninum að hringa bjöllu og þessi
bjalla er þar enn þann dag í dag. Nú, 100 árum síðar, hringja
svanirnir þessari bjöllu ef þeir vilja brauð.
Þá var ekið niður eftir tilkomumikilli Cheddar-gjánni. Gjáin er
heljarmikil og á hverju ári koma þar um 500.000 manns, enda er
stórfenglegt að keyra þar í gegn.
Svo var haldið til Bristol. Þar er mikil vínframleiðsla. Við
skoðuðum aðeins borgina og fórum svo að Clifton-hengibrúnni.
Brúin liggur yfir stórt gil og var hönnuð og smíðuð af Isambard
Kingdom Brunel. Við vorum nokkur úr hópnum sem nýttum
tækifærið og gengum yfir brúna og tókum myndir.