Strandapósturinn - 01.06.2018, Side 20

18
Eftir skoðunarferðina um skipið fengum við frjálsan tíma í
Bristol og svo var haldið aftur á hótelið. Það var kominn tími til að
fara að pakka fyrir heimferðina þar sem nú var farið að styttast í
ferðalok og heimferð daginn eftir.
Síðasta daginn okkar lögðum við af stað klukkan 9:00 frá hótel-
inu. Þá var haldið til Avebury Henge og Stone Circles, Stonehenge
og þær merku fornminjar sem þar eru skoðaðar. Síðan lá leið
okkar til Salisbury þar sem gefur meðal annars að líta dómkirkju
sem er talin vera ein sú fegursta í Englandi og skartar hæsta
kirkjuturni landsins.
Avebury er mannvirki frá nýsteinsöld sem samanstendur af
risasteinum og er talið um 5000 ára gamalt. Þar ber mest á stein-
um sem kallaðir eru karl og kerling.
Næst var gott stopp í Salisbury. Þar fengum við okkur að borða
og skoðuðum okkur um.
Stonhenge er mannvirki gert úr risasteinum. Upprunalega var
Stonhenge byggt sem virkisgarður og er einna þekktastur for-
sögulegra staða í heiminum. Fornleifafræðingar telja að steinarn-
ir séu frá um 2500 til 2000 f.Kr.
Til allra lukku þá náðu Inga og Einar okkur þarna þannig að
þau gátu farið með okkur heim. En ekki er ein báran stök því
rútan okkar bilaði og þurftum við að fá nýja rútu til að koma okk-
ur á flugvöllinn.
Að lokum vil ég þakka ferðafélögum mínum fyrir góða, við-
burðaríka og skemmtilega ferð.
Með kveðju,
Guðrún Björg Steingrímsdóttir